Penugas Terstruktur 28 Agustus 2017

Pemahbah Ni Komang Adi Trisnawati

Daging X MIPA 5
Penutup 24

BALI WISATA BUDAYA

Inggih suksma aturang titiang majeng ring pengeter acara antuk galah sane kapaica ring titiang.

Sane wangiang titiang Bapak Kepala Sekolah, sane wangiang titiang Bapak/Ibu Guru, sapunika
taler para sisia sareng sami sane tresna asihin titiang.

“Om Swastiastu”

Sadurunge titiang ngaturang atur pinih kapertama ngiring ngaturang angayubagia uningayang
titiang majeng ring Ida Sang Hyang Widhi Wasa. Santukan wantah sangkaning asung kerta wara
nugraha Ida, mawinan iraga prasida kacunduk sadu arep sekadi mangkin ring galahe sane becik
puniki. Ampura ping banget lungsurin titiang ring ida dane sinamian riantuk tambet titiange
kalintang, nanging purun nglangkungin linggih ida dane pacing matur-atur asematra nganinin
indik “bali Wisata Budaya”.

Ida-dané sinamian sané banget kusumayang titiang. Sakadi ketah kauningin, kantos
mangkin jagat Baliné kantun kaangken pinaka “Pulau Seni Budaya, Pulau Dewata, Pulau
Kahyangan, Pulau Seribu Pura, miwah Pulau Sorga”. Sajaba punika Bali kabaos pinaka daerah
tatujon wisata Indonesia bagian tengah. Pinaka daerah tatujon wisata, Bali
ngamanggehangpariwisata budaya. Duaning asapunika budaya Baliné patut kaupapira mangda
prasida rajeg, kukuh, utawi lestari. Yéning budaya Baliné kantos rered utawi runtuh, pariwisata
Baliné pacang taler sayan rered tur padem. Indiké punika pacang mapuara pawangunané ring
Bali nénten pacang mamargi antar.
Sané mangkin, sapunapi tata carané mangda budaya Baliné tetep rajeg kantos ka
wekas?Nénten ja tios, mawali nginggilang kahuripan magotong-royong, mikukuhin wirasa
sagilik-saguluk salunglung sabayantaka gumanti prasida molihang kasukertan jagat. Dasar
kahuripan puniki raris kamargiang antuk pidabdab asapuniki.
1) Mikukuhang tur ngrajegang Sang Hyang Agama
(manut ring pengamalan Sila Ketuhanan Yang Maha Esa).
2) Nginggilang tata prawertining magama Hindu
Tegesnyané, ri kala nglimbakang seni budaya Baliné patut kadasarin antuk sasuduk miwah tata
sulur aagama Hindu.
3) Ngrajegang tata sukertaning desa saha pawongania sakala lan niskala. Puniki mapiteges
mangda sareng sami mamiara tata sukertan désa antuk ngamargiang daging awig-awig désa
pakraman sakala miwah niskala.
4) Nincapang pangweruh, kasusilan, miwah pangupajiwa.
Tegesnyané, nénten surud-surud malajahang angga, nelebang daging sastra agama miwah
teknologi maka bekel kahuripan anggén ngruruh pangupajiwa.
Ida-dané, Pamiarsa sané wangiang titiang. Sajaba punika, utsaha ngajegang seni miwah
budaya Baliné ketah kadasarin antuk dasar panglimbakan pawangunan adat baliné, inggih punika
katatwaning ajahan “Tri Hita Karana” minakadi parhyangan, pawongan, miwah palemahan.
1) Parhyangan, mateges ngwangun linggan Ida Hyang Widhi lan para déwata minakadi
ngamecikang genah-genah suci.
2) Pawongan, mateges ngupapira tata kramaning kahuripan kamanusan minakadi mecikin sekolah-
sekolah miwah srana umum tiosan, maweweh maripurnayang sistem pendidikan lan
pasukadukan mangda sida ngulati kasukertan jagat.
3) Palemahan, tegesnyané mautsaha mamiara bhuwana agung gumanti prasida molihang kahuripan
sané trepti utawi santi-jagathita.

Ida dane miwah semeton sami sane banget kusumayang titiang, kadi asapunika titiang prasida
matur-atur ring galahe sane becik puniki, mogi-mogi wenten pikenoh ipun. Ring wesaning atur,
banget titiang nglungsur geng rena pengampura pet wenten atur titiang sane nenten munggah
ring arsa. Matur suksma antuk ring uratian ida dane sinamian, pinaka panguntas puputang titiang
antuk parama santih.

“Om Santih,santih,santih Om”