CONTOH DHARMA WACANA BAHASA BALI

RAHINA PEGAT UWAKAN

Inggih,para manggala miwah ida dane sane wangiang titiang,ngiring ngastawa ring
Ida Sang Hyang Parama Kawi santuka ida ledang mapaica karahajengan mawinan
titiang miwah ida dane kacunduk masadu ajeng sakadi mangkin.Masarana antuk
pangastuti Om Awignamastu titiang jagi mabebaosan indik Dharma Wacana sane
mapiteges "Rahina Pegat Uwakan".Sadurung punika tan lali manah titiang
ngaturang panganjali umat ngawitin Dharma Wacana puniki.

Om Swastyastu

Sadurung ngranjing ring widangan bebaosan punika,jagi aturaang titiang riin indik
suksman Pegat Uwakan utawi Buda Kliwon Pahang.Pegat Uwakan suksmanipun
pegat warah utawi mendep nenten mabaos.Ring Rahina sane suci punika para
sang maha muni ,para pakar lan jadma sane makayun utama nglaksanayang
tapa(mona brata) utawi brata dhyana.Tetujonnyane ngametuang bayu idup
(prana) ring dewek iragane sareng sami,sane ngranayang segar oger lan rahayu
ring jiwatma.Sane lianan sakadi asapunika ngaturang widhi-widhana bebanten
sarwa pawitra,canang miik,sesayut dirgha yusa,penyeneng,tetebus kaaturang
majeng ring Sang Hyang Widhi Wasa madaging asep dupa miik lan menyan
astanggi.Pengastawa kalaksanayang sareng pikayunan lan buddhi cita sane suci
nirmala kadirgayusaning jagat lan welas asih sane kaicenin ring mayapada puniki
kaanggen nyempurnayang jagate ngantos sarwa panine sinamian.Ring Rahina
Buda Kliwon Pegat Uwakan mangkin ngaturang sesaji majeng ring Sang Hyang
Widhi,kaanggen ciri ngaturang suksma antuk karahayan sane kaicenin olih ida
mawinan Rahina Galungan lan Kuningan kamargiang rahayu.Buda Kliwon Pahang
taler kaucap Buda Kliwon Pegat Uwakan sane kapuputang olih rahina galungan
kaciriang antuk nyabut penjor ring arep jerone.Napi tegesnyane Buda Kliwon
Pahang punika?Dosen IHDN Denpasar Drs.Made Surada,M.A,ring rahina Budha
sane wawu mabaos Buda Kliwon Pegat Uwakan,pegat suksmanipun putus lan
uwakan (uwak) suksmanipun mawali,inggih punika muputang rahina galungan
punika kamargiang antuk rahina Tumpek Wariga ngantos rahina Buda Kliwon
Pahang.Ring rahina galungan sane sedeng kamargiang,ring masyarakat kauningin
kruna Uncal Balung.
Uncal Balung sane kamargiang punika masyarakat nenten ngelaksanayang
pakaryan Panca Yadnya.Sajabaning ,pujawali utawi piodalan ring pura utawi ring
merajan sane ring rahinane punika ulung jegjeg piodalannyane.Nanging,ring
daerah lianan wenten sane nenten uning krunane punika.Kalanturang antuk
Surada sane dados Dekan Fakultas Dharma Duta IHDN iwawu sesampunnyane
Buda Kliwon Pegat Uwakan,jadmane ngrereh dewasa ayu kaanggen
ngelaksanayang upakara Panca Yadnya.Indik sane pateh kaucap olih ketua
yayasan Giri Kusuma Sejati A.A Gde Rai Tjandra ,SE sesampunyane Buda Kliwon
Pegat Uwakan,jadmane mawali ngelaksanayang upakara Panca Yadnya.Made
Surada ngicenin ,sekadi pamuputring rahina galungan penjor galungan
kacabut,payasan penjor sekadi bakang-bakang,lamak,sampian miwah sane lianan
tunjela.Abunyane kagenahang ring bungkak nyuh gading sesampunnyane punika
ngelanturang katanem ring natah pelinggih Rong Telu.Tegesnyane jadmane nunas
majeng ring Ida Sang Hyang Widhi dumogi kaicenin kesuburan.Sadurungne
nyabut penjor,jadmane ngaturang banten utawi canang dumun ring sanggah
sampun wusan.Kalanturang antuk masegeh ring genah penjore.Wusan
masegeh,penjor galungan dados kacabut.Ring rahina galungan galungan sane
kamargiang abulan pitung dina,jadmane ngajahin antuk nyaga dewek mangda
eling antuk wenten ring ajahan agama lan bisa ngewangun nilai-nilai
dharma.Dumogi bisa tampil jaya ring persaingan sane meweh ring jagate
puniki,kualitas SDM Hindu patut terus ditingkatkan.

Inggih para manggala miwah ida dane sinamian sane wangiang titiang,wantah
kadi punika atur dharma wacana titiang mogi-mogi wenten pikenohnyane.Nunas
ampura ping banget mantuk ring saluir kaiwangan atur titiang. Pinaka pamuput
atur lugrayang titiang ngaturang parama santih.

OmSantih,Santih,Santih,Om.