KASUSASTRAAN BALI

DOA

“OM AWIGNAM ASTU NAMO

SIDHAM OM SIDHIRASTU TAD
ASTU SWAHA”
 TEGES KASUSASTRAAN

PAPALIHAN KASUSASTRAAN BALI

Kasusastran wantah mawit saking kruna lingga sastra. Kruna sastra
(úàstra ; sanskrit) pinaka wangun pasang pageh ring sajroning basa
Bali,polih pangater [su -] raris polih konfiks [ka - an] dados kruna tiron
kasusastraan. Kruna sastra sané mateges ‘ajah-ajahan’, ’kawruhan’,
polih pangater [su -] sané mateges ‘luih’, ’becik’, miwah konfiks [ka - an]
sané nyinahang artos kawéntenan. Dadosnyané kruna kasusastran
Mateges kawéntenan utawi kawruhan sané luih utawi becik tur mabuat.
PAPALIHAN KASUSASTRAAN BALI

KASUSASTRAAN BALI
PURWA

KASUSASTRAAN BALI
ANYAR
 KASUSASTRAAN BALI PURWA

Sastra Bali Purwa inggih ipun sastra sane sampun

wenten duk ilu tur pidagingane ngunguhang pitutur
sane luwih. Kasusastran Bali Purwa wenten sane
mawangun gancaran wenten sane mawangun puisi.
 KASUSASTRAAN BALI PURWA MAWANGUN GANCARAN

Gancaran inggih punika kekawian utawi karangan sane

bebas sane nenten kaiket antuk uger-uger. Kasusastran
Bali Purwa sane mawangun gancaran minakadi :
Satua-satua Bali sane kapupulang ring “Kembang
Rampe Kasusastran Bali Purwa” sane kapupulang olih
I Gusti Ngurah Bagus sareng I Ketut Ginarsa, sakadi :
oMahabharata olih Bhagawan Byasa.
oSatua Ni Diah Tantri olih I Made Pasek.
oTunjung Mekar olih I Ketut Sukrata.
 KASUSASTRAAN BALI PURWA SANE MAWANGUN PUISI

Puisi ring sajeroning Kasusastraan Bali Purwa kabaos

tembang. Papalihan tembang manut,papalihan I Gusti Ketut
Ranuh sakadi ring sor :

Sekar Rare ( Gegendingan )

Sekar Alit ( Pupuh )

Sekar madya ( Kidung )

Sekar Agung ( Kakawin )

 SEKAR RARE ( GEGENDINGAN )

 Gending Rare upami : juru pencar, jenggot

uban, made cenik, mati delod pasih, miwah
sane lianan.
 Gending Jejangeran upami : putri ayu, siap
sangkur, majejangeran, miwah sane lianan.
 Gending Sangiang upami : puspa panganjali,
kukus arum, suaran kembang, miwah sane
lianan.
 SEKAR ALIT ( PUPUH )

Sekar Alit kawangun tur kaiket antuk uger – uger

pada lingsa. Padalingsa inggih punika kecap
wanda miwah wangun suara ring panguntat
sajeroning acarik lan akeh carik sajeroning
apada. Uger – uger punika minakadi:
Guru Wilangan : Uger – uger wanda sajeroning
acarik
Guru Dingdong : Uger – uger wangun suara
ring panguntat sajeroning acarik
Guru Gatra : Uger – uger katah carik
sajeroning apada
 SEKAR MADYA ( KIDUNG )

Sekar Madya (Kidung utawi Tembang Tengahan), punika

taler marupa kakawian utawi karangan sane kawangun antuk
sekar madia makadi kidung Tantri, kidung Sri Tanjung,
miwah sane lianan. Kidung punika yening tetesin malih
wenten sane marupa :
•Kidung sane ngangge tembang macapat. Basa sane
kaanggen marupa basa tengahan sakewanten kawangun
antuk tembang macapat makadi : Kidung Ranggalawe,
Kidung Sri Tanjung, Kidung Pamancangah Dalem,
Kidung Amad Muhamad, Kidung Kaki Tua, msl.
•Kidung sane nganggen kidung sujati makadi : Malat,
Wargasari, Alis-alis Ijo, Tantri, msl.
 SEKAR AGUNG ( KAKAWIN )

Sekar Agung (Kekawin, Tembang Gede utawi Wirama)

inggih punika kakawian utawi karangan sane kawangun
antuk wirama makadi:

Kekawin Ramayana olih Empu Yogi Swara.

Kekawin Bharata Yudha olih Empu Sedah miwah Empu
Panuluh.
 KASUSASTRAAN BALI ANYAR

Kasusatraan Bali Anyar nganutin pamargin panglimbakang

kasusastraan Indonesia baru. nanging kawentenan tan
sawibuh kasusastraan Indonesia. Yadiastun asapunika,
macihna kasusastraan Baline kantun maurip, urip gridip –
gridip, ngacan sue dumadak malih nglimbak, ngansan seger.
Sakadi sampun kateralatarang ring ajeng Kasusastraan Bali
Anyar kakawitin antuk tahun 1931 , maciri antuk novel “
Nemu Karma “ olih I Wayan Gobyah. Kasusastraan Bali
Anyar kawangun antuk :
1. Puisi Bali Anyar
2. Novel ( roman )
3. Cerpen Bali Anyar
4. Drama Bali Anyar
 PAMICUTET PAPLAJAHAN

 Kasusastran mateges kawéntenan utawi kawruhan sané luih utawi becik tur
mabuat.
 Kasusastraan kepah dados kalih inggih punika kasusastraan Bali Purwa lan
Kasusastraan Bali Anyar.
 Kasusastraan Bali Purwa kepah dados Kalih inggih punika Kasusastraan Bali
Purwa mawangun gancaran lan Kasusastraan bali Purwa mawangun puisi.
 Kasusastaan Bali Purwa sane mawangun gancaran sakadi mahabharata, satua
- satua Bali.
 Kasusastraan Bali Purwa mawangun puisi inggih punika Sekar Rare, Sekar Alit,
Sekar Madya, Sekar Agung.
 Kasusastraan Bali Anyar kakawitin antuk warsa 1931 antuk novel nemu karma
olih I Wayan Gobyah.
 Kasusastraan Bali anyar mawangun antuk Puisi Bali anyar, Novel, Cerpen, lan
Drama Bali Anyar.
 OM SANTIH SANTIH SANTIH OM

S U K S M
A