BAB III TATA BAHASA BASA BALI

Kompeténsi Dasar Indikator

3.3.Mengaplikasikan Ejaan Bali PERTEMUAN 2
Latin (EBL),bentuk kata dan 3.3.3 Mengemukakan pengertian kruna dwilingga,
kalimat ( Kruna dwi lingga, krunas atma
Kruna satma ), lengkara 3.3.4 Mengklasifikasikan kruna dwilingga, kruna satma
masusun dan lengkara manut
tetuek secara lisan dan tulisan
dalam suatu wacana beraksara
Bali dan berhuruf Latin

4.3 Mengabstraksi materi tentang 4.3.2 Melengkapi lengkara dengan kruna dwilingga dan
EBL Bahasa Bali ,bentuk kata dan kruna satma
kalimat (Kruna dwilingga, Kruna
satma ), lengkara masusun dan
lengkara manut tetuek

PAPLAJAHAN 7 WANGUN KRUNA

Galang Kangin

Rikala langite masawang barak suryane sampun nadari, siape makruyuk saling sautin,
kedise pada manguci nundunin timpalne, bajang-bajange matengkalung kancrik nyangkil jun
ngungsi pancoran ane pakecorcor disisin tukade. Margane nuju pancorane ento ngaliwatin
pundukan carik ane mapangkedpangkedan. Katake pakecogcog tangkejut baan keteban batis
anake majalan. Ditengah andungane ngenah biah-biah lan kapu-kapune kambang kadi makenyir
girang ngantosang sinar suryane. Kedis kokokane tolah tolih ngalih amah ngintip sarwa pranine
dicarik. Pici-picine, buit-buite, keto masih I blauk lan I cuweng pada girang mukti kalegaan.
Bene tolah tolih nyelametang dewek apang de tepukina baan kedis kokokane. Diluwanan umane
ada palinggih genah nyiwi Ida Bhatari Sri. Makelap mbah Dudug ngaturang tipat blayag, canang
wangi sesarine satak rupiah. Sedeng iteha ngayabang banten mbah dugdug tangkejut nyerit
sawireh ada lelipi ngamah bikul ulung duur daksina sesantune. Lelasane makesyab leketik
ulung dipancoran tongos bajang-bajange kayeh. Beh makejang bajang-bajange nyerit tur
makecog, ada ane ulung junglang-jungkling, ada masih ane sepanan nyemak pengangone.
Diselagan gununge ica Ida Sanghyang Surya ngaksi separitingkah daging jagate.
 Olih: Tresna Asih

7.1 Kruna Dwi Lingga

Kruna Dwi Lingga inggih punika Kruna Lingga sané kakapingkalihang. Wangun ipun
mawarna-warni, sakadi ring sor !
 Kruna Dwi Sama Lingga
Kruna Lingga sané kakapingkalihang tur nyihnayang langkungan ring asiki.
Upami : gedé-gedé, cenik-cenik, tua-tua.
 Kruna Dwi Samatra Lingga
Kruna Lingga sané kakapingkalihang nanging silih sinunggil mauah ucapan tur
nyihnyang pakaryan mawanti-wanti (berulang ulang).
Upami : kitak-kituk, dengak-dengok, kecas-kecos.
 Kruna Dwi Maya Lingga
Kruna Lingga sané kaucapang apisan nénten madue arti nanging yéning sampun
kakaping kalihang wau madrebé arti.
Upami : katang-katang, kupu-kupu, kapu-kapu.
 Kruna Dwi Purwa Lingga
Kruna Lingga sané kecapné ring ajeng kakaping kalihang.
Upami : sesaté, gegaén, tetajén, bebanten, bebaos.
 Kruna Dwi Wasana Lingga
Kruna Lingga sané kecapé ring ungkur kakaping kalihang tur satata kadulurin antuk
pangater [paka- ]
Upami : pakacoscos, pakateltel, pakanyitnyit.

7.2 Kruna Satma

Nyama Tugelan

Ngranjing ring sisi kelod bongkol bukit buung, pemarginé sada alon yéning nglinggihin
sepeda motor riantukan marginé kari aspal kelas tiga, sané linggah marginé wantah ameter
tengah ngamenékan ring tepining réjéng sané dalem, kéwala katon asri alas jati ring sornyané
napi malih ri sedeng galang kangin jagaté, makada alanglang kalanguan yening ngatonang antuk
tegeh édepnyan pucuk-pucuk tetaruan saking kadohan. Irika yan sampun tiba ring tenganing
bukit nglintangin punyan kepah sané tegeh ngalik, yan inargamayang sakadi datuning sarwa
tumuwuh ring bukité punika sané ring tepining réjéng taler tumbuh alingsehan tiing buluh sané
makada renteb taler genahé irika.
Ring sor réjéng sisi kangin wénten genah dangsah katambakin antuk batu gede di
sisi balér réjéngé, irika sampun padunungan ipun Mén Lampu sareng Pan Lampu,
kasarengan antuk makakilh pianakipuné Wayan Giri lan Kadek Ambara. Wiakti tiosan
ring saderana kahuripannyané ring
bangkiang bukité, padununganipuné taler
kaitehin antuk taru majegau sané miik
ngalub, ngenter kaasrian genah
padununganipuné.
Wayan Giri lan Kadek Ambara mula
jemet magaé , kéwala Kadek Ambara
sangkaning salah pergaulan satata ngusak-asik kahuripan Pan Lampuné, bikasné sané
alep di kari trunané mauwah dados bringas sangkaning pangaru h obat-obatan
terlarang. Béh sawiakti sungsut pakurenané Pan Lampu sareng Mén Lampu. Sakéwala
nyama tugelan Kadek Ambara, sané kelihan Wayan Giri, nika banget sané tunasang
sareng reramané mangda ngelidin cara bikas adiné.
Inget Wayang Giri satata ring pitutur mémé bapané ”patilesang déwéké lacur”,
Ulian lacuré lek ngaba padéwékané, ento makrana ia makisid uli désané, ngungsi di
padunungané sané sepi. Mangkin sampun madan menék truna, tuah sangkaning
panugrahan Widhi, ipun saja gobanne bagus genjing, alisné madon intaran, apa buin
pangadegannnyané gedé ganggas, masaih ajak kulitne ane kuning gading,
kaadungang ajak bokné ané demdem samah, apa buin kenyunganné nyunyur manis,
sing tuara dadi ibuk anak luh di désané mangenehang napi malih ri kala mabebaosan ,
alus banban tuturané sané kasangga ringgitan lesung pipinyané.
Yadiapin ipun suud masekolah sangkaning tan wénten prabéa, kéwala Wayan
Giri, akéh madué timpal ring désa. Ulian bikasné ané olas asih, lan olas papa
manyama braya, aget lacur wénten sodagar kopra sané mawasta Gung Manik sané
nudukipun anggéna pegawai , kasuén-suén sakolahanga Wayan Giri punika nyantos
dados pengusaha eksportir kayu Majegau didesané.
Karipta
olih:
Aryya Paduhungan

Sajeroning wecana ring ajeng, wénten kruna-kruna sané macetak séndeh. Kruna-
kruna punika sakadi : galang kangin , tegeh ngalik, tiing buluh, bagus genjing,
madon intaran, gede ganggas, kuning gading, demdem samah, nyunyur manis, olas
asih, olas papa, mémé bapa, kruna-krunané punika ngranjing sorohan Kruna Satma.
Tiosan ring kruna-krunané ring ajeng taler wénten sakadi :
1. Lemah peteng 6. Peteng dedet
2. Truna truni 7. Gedang rénténg
3. Biu Kayu 8. Jaja Uli.
4. Gemuh Landuh 9. Lateng Kidang
5. Damuh Lengis 10. Tuh Kial

Kruna Satma inggih punika angkepan kalih kruna utawi lintang sané suksman
ipun asiki. Kruna Satma mawit saking kruna ([sa-] + Atma) sané madrué pangertian
pinaka “kata senyawa utawi kata majemuk”. Kruna Satma punika kapalih dados tigang
soroh , inggih punika :
Kruna-kruna sane ngawangun Kruna Satma punika madrué kadudukan
setara, nénten saling nyinahang.
1. Kruna Satma Papadan
Kruna Satma papadan kapalih malih dados kalih soroh inggih punika:
 Kruna Satma Papadan Matungkalik
Conto :
 Mémé Bapa
 Peteng lemah
 Daa teruna
 Tua bajang
  Tegeh éndéP
 Kruna Satma Papadan Ngerasang Arti
Conto :
 Kuning-gading
 Barak biing
 Olas Asih
 Alus banban
 Mas manik

2. Kruna SatmaTan Papadan

Inggih punika Kruna Satmasané kawangun antuk kalih kruna, nanging salah sinunggil
kruna pinaka unteng, sané lianan pinaka katrangan.
 Kruna kapertama dados unteng, upami :
- Alus banban
 Galang kangin
 Tiing buluh
 Biu Batu
 Kacang Léntor
 Kruna kaping kalih dados unteng, upami :
 Kali yuga
 Dirgha yusa
 Kertha raharja

3. Kruna Satma sané nganggén kruna tawah

Inggih punika Kruna Satma sané kawangun antuk kalih kruna, nanging
wantah salah sinunggil krunannyané madué arti, yéning sampun kangkepang
ring unteng ipun.
 Selem ngotngot
 Badeng ngiet
 Tegeh ngalik
 Putih ngemplak
 Peluh pidit
 Tegeh Ngawir
 Miik ngalub