SATUA BALI I SIAP SELEM

I SIAP SELEM

Ada ketuturan satua i siap selem, awakne selem, mekejang pade selem. Panakne pepitu,
pianakne paling cenik madan I Doglagan. Sankanan ia madan Doglagan sawireh ia siap tuara ngelah
bulu. Kacrita sube semengan I siap selem bangun lakar ngalih amah ajak pianak - pianakne di sisin
abingne. Mekejang pianakne nagih milu, teked disisin abingne mekejang pada girang ngalih
amah,baan selegne ngalih amah ensap teken gumine sube peteng,hujan bales mare mekleteg ibanne
tusing ngidang mulih. Laut i siap selem ngorang metis di pondok meng kuukne, lantas i siap selem
ngaukin meng kuuk, ngorang ia lakar nginep ditu. Laut i siap selem orinne pules di duur batune
ngajak pianakne, lantas meng kuuk mekaengan ngajak pianakne ,ngorang lakar ngamah siap selem,
mekejang pianakne meng kuuk demen pesan. Dingehne munyin meng kuuk teken siap selem, laut
siap selem nundun panakne ngorin mekeber ke dauh tukadne, sekebesik pianakne mekeber, nanging
I Doglagan tusing ngidang mekeber, I doglagan tuturinne baan memene, “yen nagih amahe orang
ben awak ci nu pahit nh”. Laut memene ngalin I Doglagan. Dingehne I Doglagan ngeling meng kuuk
bangun kel nyagrep siap selem, tepukne mecebleng selem kadenne siap selem pules ditu laut
nyagrep, pamuputne gigine telah,bibihne pesu getih, gelar gelur naanang sakit, lantas tepukinne I
doglagan ditu, laut nagih amahe. I Doglagan nuturan dewekne nu pahit, tusing jaen amah, mare keto
munyin I Doglagan ,gugune lantas ajak meng kuuk, lantas i doglagan ubuhe kanti bulune samah.
Disubane bulune samah, I Doglagan nagih amahe, lantas I Doglagan nagih meng kuuk ngurukan
mekeber, disubane urukan mekeber lantas I Doglagan ngalih memene dauh tukad, mesuryak panak
– panakne siap selem laut megending “ngu-ngak-ngak,ngu-ngik-ngik gigi pungak ngugut batu” .
lantas meng kuuk gedeg ,ento mawinan kayang jani ngamah siap.