I SIAP SELEM TEKEN MEENG KUUK

I Siap Selem ngelah pianak pepitu, ane paling cerik’a, madan I Doglagan ye tusing
mebulu. Jani I Siap Selem ngalih amah-amahan ke dangin tukad’e,sube neked ditu
memunyi lantas krebek kuug ngomong I Doglagan”meme,,meme mai jani mulih
gumine suba peteng”mesaut pianak ane paling kelih “ae meme”. Suud memunyi
keto ujan lantas bales, paling I Siap Selem ngalih pianak-pianakne ngalih tongos
ngetis. Ade kubu di kaje kangin kemu ajak’a pianak-pianakne. Suba neked ditu
ngomong I Siap Selem ”Om swastiastu,om swastiastu sire sane nuenan pondok
driki dados ke tiang medem apeteng dogen riki” .”Yeh ngujang nyai mai Siap
Selem “Mesaut I Siap Selem “,Ratu Jero Meong dadoske tiang medem apeteng
dogen driki sawireh di sisi ujan bales?, meng kuuk ngelah daye corah ”Nah
mecelep,mecelep”. Petengne ento I Siap Selem Sing ngidang pules dingehang’a I
Meeng Kuuk ngumik ajak pianak-pianakne.” Meme ngelah siap selem ngajak
pianak pepitu buin mokoh-nokoh, bin mani jaka pesta pora!!!. Jani I siap Selem
nundun pianakne”Bangun cening bangun ,cening tagih amah’a ajak meeng kuuk,
jani mekeber cening sekebesik ke dangin pangkung.”Prrrrrrrr,Prrrrrr,Prrrrr”ape
ento Siap Selem? “ “Don timbule ladne ulung” “ perrrrr.perrrrr” “ape to buin siap
selem? “ don taepe ladne ulung”. Jani isiap selem teken idoglagan dogen nu ditu
ajaka dadua, I siap selem mepiteket teken Idoglagan “ Cening, cening
idoglagan,suirih cening tusing ngelah bulu,tusing ngidaang mekeber, yen cening
tagih amaha orahang ben cening nu pait, nu belig, sing kar jaan amah, orain men
kuuk ngubuh cening, yen cening sube gede, mekeber kedangin pangkung lantas
mulih, nah jani meme lakar mekeber ngalain cening.” Mekeber lantas isiap selem,
perrrrr, metakon men kuuk “ ape to siap selem, ape to siap selem?” ping telu ping
pat metakon sing ada nak nyautin, lantas men kuuk ke pedemane isiap selem,
dapetange idoglagan gen ditu, pedih sajaan men kuuk. “ peh sing je ada len isiap
selem ajak pianakne mekeber, pragat orange don timbule ulung, don taape ulung,
jani cai kar amah wake idoglagan!!!. Ngomong idoglagan “ ratu ratu jero meong,
sampunang amaha tiang dumun, sawirih ben tiang nu pait,nu belig, sing kar jaan
amah. Ane paling luunga ubuh dumun tiang pang kanti gede, durusang drika
anggen betutu, anggen siap panggang, anggen ayam geprek durusang.” Lemah
peteng imen kuuk ngemaang amah idoglagan pang encol gede, kesuen suen jani
idoglagan suba gede tur tumbuh bulu, sepanan pianakne men kuuk ada ane
nektek basa, ada ane ngae yeh anget, ada ane nyangihin tiuk, suba lantas keto,
suba pragat basane, aliha idoglagan ke pedemane ajak men kuuk. “ nah sawirih
cai suba gede jani kar tampah wake,” ngomong idoglagan “ ratu ratu jero meong,
keberang tiang dumun ping telung, pang sing pocol kekarianang basa genep”
sajaan keberanga ken men kuuk. Perrrrr, mebalik idoglagan, perrrr buin mebalik,
ping telune nambung mekeber ngelewatin pangkung, menceg di duur batune
gede, buih sepanan men kuuk ngender lantas nyagrep, “ sagrep “ idoglagan sube
mekeber tur menceg di batu lenan, men kuuk nyagrep batu ngantes gigine
pongak, gendinganga ken idoglagan “ ngik ngik nguk ngak ngik gigi ponggang
nyaplok batu” buih pedih sajaan men kuuk, buin sagrepa idoglagan,mekecog buin
di batu lenen, buin men kuuk nyagrep batu, gendinganga buin teken idoglagan, “
ngik ngik nguk ngak ngik gigi ponggang nyaplok batu” beh keliwat gedeg
mekudus otakne men kuuk ,nelahang bayu nyagrep idoglagan, sakewala batu
buin sagrepa, bes keliwat sakit kanti ngemasin mati iya imen kuuk .
Nah timpal – timpal ajak makejang keto upah anak ane demen ngae kedaye
mencanain anak len , ye kena karmapala.