MAADIN KUWUD

Kacarita di tukade ane linggah ane madan Tukad yeh empas idup makudang-kudang buron
minakadi I Kakua, I Yuyu, miwah I Be Laper, ia ajake mekejang ditu hidup makekasiahan
saling tulungin. Sedek dina anu I Yuyu sedeng mejemuh di duwur batune Sagét timpalné I
kekua teka sambilang gelur-gelur ngaukin I Yuyu

“Yu... Yuyu..!” mekesiab ye I Yuyu “Éngkén wa..? jeg héboh sajan cai”

“Badah meciri ba né sing nawang berita” Saut I kekua. Busan icang teke uli be daja ditu liu
timpal-timpal e “Orahanga yéh klebutan ané di Katung lakar nyat”

Sambilanga kedék I yuyu masaut “Saja to ru?? De jebuh cai”

I kekua lantas masaut “Pang tawang cai, alasé ané sibak kaja ba telah maabas jani, dadianga
hotél. Ba sing mekelo tuuh tukadé ene”

Nanging I yuyu sing ngerunguang munyin I kekuané ento, krana I kekua sesai ngomong
ngawag, sing tawang beneh apa pelih omongané ento.

Sedek dina anu I be kaper ajak I yuyu iseng ye meplalian ngelangi ye kanti joh ajak dadua
ngeliwatin pangkung lan tlabah. Mare teked di tlabahé, makesiab ye I be kape r nepukin yéh
tlabahé.

“Mimih Déwa Ratu, ta nguda yéh tlabahé bisa cenik buka kakéné ?”

I yuyu mejalan iya maekin I be kaper laut ngomong “Nak éngkén to per ?”

i be kaper masaut sambilang nuding telabahé “Né yéh tlabahé cenik gati, icang jejeh jeg nyat
lantas yéh tlabahé ené, engken tur dija iraga idup buin pidan ?”

I yuyu nolih tlabahé sambilang makenyem “Béh paling ada tanah embidan ngempel né, benjep
gen yen ade ujan paling anyud tanah e ento per".

I be kaper mekenyem nyeledet sik I Yuyu “Bah bisa sajan to, nah nah adan mulih malu ne sube
peteng mirib i kekua mekelo ngantosan iraga

Disubane neked ye ajake dadua di tukad yeh empas e I Yuyu laut makedas-kedas tur i yuyu
ngéncolan ngalih ia i kakua "Wa mai jhe dini ngorte malu….”
Mesaut i kekua "nak éngkén né apa ada ?” lantas ia negak ajake dadua di duwur batune “Kéné
wa, i tuni icang ajak i be kaper iseng melali megat tukat nuut pangkung tepukin icang yeh
tlabahé ané dajan ne ento jeg cenik gati yéh né, yén sing pelih miriban icang ada embidan
ngempel tlabahé ento”

Makesiab I kekua “Mimih saja to ? asané sing taén icang ningeh ada tanah embid badaja”

I kekua lantas ngomong “Nah yén kéto bin mani semengan Icang ajak cai gén nengokin kemu
nyak ?”

Mekenyem I Yuyu “Nah Wa Lan jani iraga sirep buin mani Apang ngidang iraga kemu luas
ngajanan

Disubané semengan, I yuyu ngajak kekua mejalan ye ngalih-ngalihin tanah embid ané ngempel
tlabahé ento. Uling dajan nganti suba lakar neked di ulun tukadé masih tusing tepukina.

Dwaning kéto, makaengan I kekua“Béh yén kéné unduké yu, sing asané tanah embid ané
ngeranang yéhé cenik”.

I yuyu nyautin “Saja ba Wa, nah jeg lanturang dogén malu pang kanti neked di ulun tukadé”.
Disubané neked di ulun tukadé, mekesiab makedadua nepukin yéh klebutané ngericik cenik.

“Mimih Déwa Ratu ta nguda kakéné yéhé, kakudiang jani né ?” I yuyu cara kebo mabalih gong,
bengong tusing ngidang ngorang apa.

“Bah ba sing mekelo tuuh tukadé né” mara I kekua ngomong kéto, I yuyu inget ajak apa ané
orahanga tekén I kekua malunan

Laut ngomong I yuyu “Wa seken saja omongan cai ne i malu yén minab saja alasé ané sibak
kaja ba telah mebeton ?”

Masaut I kekua “Saja pesan to yu, lakar bangunina Hotél koné ditu,

Masaut I yuyu sadah banggras “Badah to ba ané ngranang tukadé nyat wa”

I Sulas masebeng sebet nyautin “Nah yén kéto mai delokin malu keme Wa, pang tawang
amongkén suba ilang punyan kayu né ditu”

“Nah yén kéto mai naké” I kekua masaut laut majalan.

*
Tusing makelo majalan, sagét suba neked di alas sibak kaja. Tepukina lantas suba telah punyan
kayuné ditu, entik-entikan ané cenik dogén tusing ada.

I yuyu laut ngomong “Ené orahanga dasa are ? suba dasa héktar né Wa, suba telah né tusing
ada masisa buin”.

Makesiab I yuyu“Badah ada ané legang leging né”

Matolihan sik I kekuane né “Apané legang leging ?”

Sambilang makenyem “Éh…pelih ngorahang icang, illégal logging”

Kedék I yuyu “Hahaha….. misi pelih ngorahang, nah jani ngelapor mih Wa sik Jero Mekelé,
apang pragatanga unduké ené, nyén ja ané ngaé uwug alasé”.

I kekua lantas mesaut “Nah lan ba jani”. Lantas makadadua luwas ka jeron Jero Mekelé.

Neked ditu, I kekua ajak I yuyu ngelaporang indike ane tepukina sambilangan ngeling sigsigan
alasé ané suba kedas ngaranayang yéh klebutané cenik . tur tukade enyat kudiang tiang ajak
timpal-timpale lakar idup di tukade ento jero ?" keto ye i kekua

Jero Mekel mabaos sada bingung “Mimih Ratu, ta nguda suba kanti kéto mara tawang”

I yuyu masaut “Tiang masih mara uning niki Jero ”

Majujuk Jero Mekel sambilanga ngerimik “Nah jani tiang lakar nélpun dinas perhutanan ajak
polisi malu, tiang tuah nyidang ngorahang suksma dogén, tekén cai i kekua ajak i yuyu suba
nyak ngelapor”

I kekua masaut “Nggih mawali Jero ” Disubané suud ngelapor, mapamit lantas makadadua
lakar mulih.

Buin mani semengané, mekesiab i Yuyu i kekua ajak i be kaper ninggalin Krama desane pada
mapupul lakar sangkep nyatwayang alasé ané suba kedas, lan yéh klebutan ané suba lakar
nyat. Akéh karma ané ngusulang apang ngadaang reboisasi pangsing ilang alasé. I Yuyu ajak i
kekua milu ngusulang apang désané ngaturang sembah ring Pura Ulun Danu Batur, nunas
apang yéh di tukad yeh empase tusing nyat.

Disubané suud sangkép, makesami krama désané suba siaga lakar ngalih bibit punyan kayu
Akasia ajak Damar, anggén reboisasi alas sibak kaja. Ada masih ané suba ngirit nganggon yéh
apang yéhé tusing genjang telah. Uli tukade i Yuyu ajak ikekua teken i be kaper Ninggalin
Krama desane pada gencang nanem bibit entik-entikane ento.

I Yuyu laut negak diarep batune sambilang nulih awan. Ia suba ngansan jejeh ngenehang yén
idupé tusing ada yéh sambilang ngomong padidiana “Béh yén seken yéhé jani nyat, jeg kéweh
ba, ajak onyang nganggon idup tusing je iraga gen buron keweh imanusa mase lakar keweh
tusing ade yeh Anggon inem, mandus, nyakan, mekejang perlu yeh.

Laut i kekua mesaut kene “Saja to yu, icang kadén suba taen ngorahang, yén iraga pelih
ngangon yéh, sing ngeruang entik-entikan, tusing ngerunguang punyan-punyanan, cara ané
orahanga tekén wayang Céng Blongé Mata Air ilang Air Mata ker pesu kéto lakar idup iragané“

I yuyu sambilang nolih Sang Ibu Perthiwi “Yén kéto icang lakar bareng nyaga tanahé, pangsing
mabelus ilang, tuh, lantas tuyuh, misi mamisuh, sinah sing makelo matuuh”

Sambilang kedék ikekua “Bih nadak dadi penyair cai yu"

Makenyem I yuyu “Ah tuah kamentulan….éh pelih kabelutan”

“Badah ba ngeres pikirané kuangan yéh” i kekua milu kedék.

Dugas dina anu iseng i kekua, i Yuyu ajak i be kaper luas ngajanan sambilanga nin galin krama
lan jero mekele mretenin entik-entikan ane sube ka tanem Jero Mekel makenyem nyingakin
kramané suba nganutin pututur Tri Hita Karana rungu ring palemahan.

“Nah yén kéné mare luwung, disuba suud ingetang leluwu plastiké punduhang dadiang
abesik, sawiréh ento ngranang tanahé tercemar. Anak wikan ngaraosang sarwa plastik tusing
nyak berek kanti limangatus tiban”.

Kramané masaut sinarengan “Nggih Jero….suksma”

Disubane makelo-kelo iseng ia ajak telu ka ulun tukadé, nanging kondén neked ditu I yuyu
ajak i kekua makesiab nepukin yéh tukadé mambaah cara biasané.

Dwaning kéto sing pegat-pegat I kekua teken i Yuyu lan i be kaper ngaturang suksma
ring Ida Sasuhunan dawning sampu kapica sakadi pinunasé.

I yuyu taler ngaturang suksma sambilang mekenyem girang “Suksma Hyang Widhi”

Disubané nawang yéh tlabah é suba membah cara biasané, I yuyu ajak timpal-timpalne
gegéson sada girang ngelangi ngaja ngelodan sambilangan macanda girang akeh be ane idup
di Tukad yeh empase ento
 Uling dugasé ento, krama désa Katung suba maadin kuud, jengah tekén ané maadan
palemahan utawai lingkungan.

PUPUT