PILIHAN 1

Ni Bawang teken Ni Kesuna

Ada katuturan satua anak makurenan ngelah kone pianak luh-luh duang diri. Pianakne
ane kelihan madan Ni Bawang, ane cerikan madan Ni Kesuna. Ni Kesuna mula sayanganga
pesan teken meme bapane. Asing-asing ane tagiha tuukina dogen, tur pesadun-pesadune
misunang Ni Bawang jeg gugune dogen. Sanget pesan memene mabaat-baatan mapianak.
Yening Ni Bawang maidih-idihan teken memene, pepesan tuara maan, mara-marane maan
pepesan misi munyi jele. Japi keto Ni Bawang nu dogen nyulsulang dewek teken meme bapane.
Jet teken andine nu dogen ia makeneh melah dening ia inget menyama buka sepite.
Sedek dina anu memene mekire luas ke peken. Laut kaukina pianakne make dadua. Cening-
cening Bawang Kesuna, meme lakar ke peken, nyanan tuunang nyen padine, lantas tebuk ajak
dadua dadiang baas. Reh tusing ngelah baas jakan jani. Keto omong memene. Sasubane memene
mejalan ke peken lantas kaukina Ni Kesuna teken embokne. Kesuna, Kesuna ne ne suba tengai
dong jalan tuunang padine. Mesaut Ni Kesuna tuunang je malu nyanan icang ngetepin. Dening
keto pesautne Ni Kesuna lantas Ni Bawang menek ke glebege nuunang padi atenah. Suba tuun
padine laut kaukina Ni Kesuna “kesuna, ne padine suba beten dong mai getepin. Getepin getepin
ja malu nyanan icang nyemuh. Keto dogen pesaut ne Ni Kesuna. tinda tulud,
Jani padine suba kone dadi baas, laut adine tundena ngaba mulihan, nanging Ni Kesuna masih
tusing nyak. Sawireh Ni Bawang anak mula ngalah, laut ia padidiana ngaba baasne mulihan.
Kacrita jani Ni Bawang suba suud matetangkid. Lantas ia ngenggalang nyemak jun abana ke
tukade, lakar anggona nyuun yeh sambilanga manjus. Sasubane Ni Bawang majalan ke tukade
lantas Ni Kesuna ngenggalang nguap dewekne aji oot ketungan. Suba kone keto, saget teke jani
memene. Ditu lantas Ni Kesuna masadu teken memene, kene munyina “Meme meme I mbok
dadi aeng pesan lengitne tusing pesan ia nyak magarapan, begbeg manjus teken meseh dogen
gegaena. Batas tunden ngabaang caratan ke ketungane dogen ia tuara nyak”, keto pesadune Ni
Kesuna, memene ngugu dogen.
Kacritayang mangkin Ni Bawang teke uli tukade mebrentengan ngaba pantingan tur nyuun yeh.
Jeg tudinga kone teken memene sambilanga nguel. Dong nyai Bawang kene dogen bikas nyaine
pragat ngresiken dewek dogen dadi tusing pesan iba madalem adi. Tulen keneh ibane cara buron
tusing je pakenah jlema, ditu lantas Ni Bawang tigtiga, aduh-aduh, aduh, suut meme, keto
gelurane Ni Bawang nanging memene Nyumingkinang nigtig tur mesesambatan,Ih nyai Bawang
keme iba magedi da mulih mulih, kai suba met mapianak teken iba. Laut Ni Bawang ngeling
sigsigan tur mesesambatan kene “Uduh meme apa puaran titiang dadi pianak setata pelih dogen
yen keto sekadi pangidih memene tiang lakar magedi.” Ditu lantas Ni Bawang majalan nganteg
di sisin alase tingaline teken I Crukcuk Kuning. Laut I Crukcuk Kuning matakon “Ih Bawang
ngudiang nyai ngeling”, Ni Bawang nuturang paindikan dewekne sedih. I Crukcuk Kuning
ningehang satuan Ni Bawang, I Crukcuk Kuning nunden I Bawang ngidem lantas sirahne,
baungne, lengene, jrijine, cototina. Sehanan ane cotocina pesu mas. Mara kedat Ni Bawang
tingalina awakne bek misi mas. Lantas Ni Bawang mulih ke umah dadongne. Buin mani
semengane teke Ni Kesuna ngidih api ke umah dadongne, tepukina NI Bawang nganggon mas-
masan. Ditu Ni Kesuna nagih ngidih teken Ni Bawang nanging tusing baanga. Ni Kesuna lantas
mulih morahan teken memene, nuturang paindikan Ni Bawang nganggo mas-masan, memene
tundena nigtig awakne Ni Kesuna kanti babak belur, Ni Kesuna nuutang pari laksana Ni Bawang
ke tengah alase.
Kacritayang mangkin Ni Kesuna kecunduk ring Crukcuk Kuning. Ni Kesuna nuturang dewekne
tigtiga baan memene. I Crukcuk Kuning mekenyem tur masuara. Nah nira jani nulungin dong
kidemang matane. Ditu lantas Ni Kesuna cototina sirahne, baongne, kupingne, lengene, jrijine.
Sehanan ane cototina ada pesu lelipi, lelintah, celedu, muah sekancan kumatap-kumitipe. Merasa
awakne baat kadena misi mas masan ngenggalan ia kedat tingalina lantas awakne bek misi lelipi,
lelintah, muah ane len-lenan. Baan takutne ia glalang-gliling pantiganga awakne kanti babak
belur. Nah keto upah anake melaksana corah sekadi sesonggane ala-ulah ala tinemu ayu kinardi
ayu pinanggih.
PILIHAN 2

Kambing Takutin Macan

Kacerita ada kambing madan Ni Mésaba ngajak Ni Wingsali. Ia luas ka alasé, ngalih
amah-amahan ané nguda-nguda. Panakné Ni Wingsali masih bareng ka alasé. Tan kacerita di
jalan, teked ajak dadua di alasé. ”Bih, demené Ni Mésaba ajak Ni Wingsali, nepukin amah-
amahan ané nguda-nguda.
Sedeng itehe ngamah, Ni Wingsali makasiab nepukin buron tawah. Melaib Ni Wingsali di durin
méméné, sambilanga matakon. ”Mémé..mémé..ade buron tawah, to to ya mémé..! ”ikuhné
lantang, gubané aéng”, nyeh tiyang mémé..!
Mesaut lantas Ni Mésaba, ”ento madan I Macan, nah kéné jani cening, entegang sebengé apang
care anak sakti, anggon nayanin I Macan, ané malaksana corah”.
I Macan masih ngon nepukin Ni Mésaba ngajak pianakné Ni Wingsali. I Macan ngomong,
”Ih, buron apa saja iba bani mai ka alasé? kai ané kuasa di alasé ené”!.
Mesaut Ni Mésaba, ”Ih iba macan. Iba mirib tusing nawang, uli awak kainé bisa pesu api. Di
tanduk kainé Ida Sang Hyang Siwa ané malinggih. Kai kaliwat sakti, tusing buungan iba amah
kai. Sambilanga Ni Mésaba ngéngkotang tandukné tur mekecos.
I Macan lantas malaib. tepukina tekén i Bojog. i Bojog matakon”, Beli, apa krana beli malaib?”.
I Macan masaut, ”beli jejeh nepukin buron tawah. Awakné poléng tandukné lanying”.
Raris, seanturnyane, ”Ento sing je lénan tekén I Kambing. Tiang mamusuh tekén ia. Jalan jani
malipetan bareng-bareng alih!”.
Masaut I Macan, ”béh, yén beli kema tusing buungan beli mati. Cai gancang menék kayu, élah
makecos”.
I Bojog buin ngomong, ”yén beli sangsaya, jalan tegul bangkiangé. Kantétang ikuhé”.
Munyin i Bojogé lantas guguna tekén I Macan. Ditu pada ngilitang ikuh, pada negul bangkiang.
Kacrita jani suba neked di arepan Ni Mésaba. Ni Mésaba masebeng égar tur mamunyi
”Uh, cai Bojog teka. Dugas cainé kalah matoh-tohan, cai majanji nyerahang macan patpat. Ané
jani cai mara ngaba aukud. Nah kanggoang embok masih. sedeng melaha embok ngidamang bé
macan. Mara kéto munyiné Ni Mésaba, I Macan kaliwat jejeh.
”Béh, i déwék bayahange utang tékén i Bojog,” kéto kenehné.
Ditu lantas ia jeg malaib patipurug. I Bojog bragedéga. Ulian keliwat jejehné I Macan, lantas
maka dadua ulung di jurangé tepén batu. Pamuputné mati I Macan tekén I Bojog. Nah kéto tuah,
amun apa ja wanéné wiadin kerengné, yéning belog sinah lakar nepukin sengkala buka I Macan.
PILIHAN 3

Men Tiwas Teken Men Sugih

Ade kone katuturan satua Men Tiwas Teken Men Sugih. Men Tiwas Mula saja buka adane
ia mula Tiwas pisan. Gegaene tuah ngalih saang ke alase.Krana ia tuah ngalih saang kealase ape
tuara gelahanga. Kadirasa baas lakar jakan jani ia tuara ngelah.Yadin ia Tiwas buka keto nagging
solahne melah, demen metetulungan lan setata mebikas sane beneh.Len pesan teken Men Sugih,
Men Sugih mula saja ia sugih nagging ia mebikas jele,sombong,demit, jail teken anak lacur, Lan
setata mabikas jele.
Sedek Dina anu Men Tiwas lakar nyakan nagging ia tusing ngelah api kemu lantas ia ke
umah Men Sugih lakar ngidih api.
“Mbok- mbok ngidih je tiang apine’’ Keto Men Tiwas mekaukan
“ Ngujang nyai mai ngidih api, kanti api nyai tusing ngelah’’ keto pesautne men Sugih.
“ Titiang lakar nyakan mbok nanging tiang tusing ngelah api’’.
“ Nah lakar ke baang nyai api nanging uopin malu ngaliin kutu di sirah wakane, aliin
nganti kedas di wakane nyanan baange je upah baas acrongcong.Nyak lantas ia ngaliin kutu Men
Sugihe, kanti tengai mare suud lantas baange Men Tiwas baas acrongcong teked jumahne baase
ento jakane. Sesampune Men Tiwas muli, Men Sugih nyiksiin sirahne lan bakatange kutu aukud
.Gedeg basangne Men Sugih makatang kutu aukud lantas ia ke umah men Tiwase.
“Eh Nyai jelema tiwas,tolih ne wake makatang kutu aukud jani mai aba baas ane baang
wake busan to!”
“Baase busan suba bakat jakan tiang mbok” Keto Men Tiwas nyautin.
“Nah ento sube mai aba,kadong je sube dadi nasi, nyai masih busan ngidih api teken
wake jani mai api saange misi api to ke umah wake!!.
Buin manine Men Sugih nundenin Men Tiwas ngopin nebukang padi lan nyayiang baas
duang crongcong teken Men Sugih. Nyak lantas Men tiwas nembukan padi ne Men Tiwas. kanti
tengai mare suud lantas Men Tiwas baange upah baas duang crongcong teken Men Sugih .
Sesampune Men Tiwas mulih, Men Sugih malinin baas ne lan bakate latah dadua. Gedeg pisan
basangne Men Sugih makatang latah dadua kemu lantas ia ke umah men Tiwase lakar nuntun
Men Tiwas .
“Eh nyai jeleme Tiwas, mula saja nyai tusing bias magarapan . Ibi tunden ngalih kutu
tusing kedas, jani oren nembuk padi ne tulih nae wake makatang latah dadua. Karna nyai
tusimng bias magarapan jani mai ab baas ane baang wake busan to.”
“Kenkenang tiang nguliang mbok baas se busan sube bakat jakan tiang .”
“ Nah ento sube mai aba.” Men Sugih nyemak baas Men Tiwas ane makiken lebeng ento.
Engsek atine Men Tiwas ningalin tingkah Men Sugihe buka keto.Sing kerasa ngetel yeh
paninggalan naang basing seduk uli tuni tusing misi apa. Jani kajalanin oleh Men Sugih.Nguda
kene, Lacur titian,manumadi ring jagate ( Magending) Keto men tiwas magending miwah
makamen di sunduk nyesek teken anak lacur.
Sedek dina anu Men Tiwas kemu ke alase ngalih saang teken paku. Sedek itehe ngalih
paku di bet – bet te lantas teke saang kidang kencana.
“ Eh Men Tiwas, apa kaalih ditu?”keto sang kidang metakon. Men Tiwas makesiab
nepukin ada kidang bisa ngomong.
“ Tiang ngalih saang teken paku nika jero kidang” pesautne Men Tiwas sada ngejer.
“ Eh men tiwas men nyak nyai nyeluk jit nirane ade kel baang nira tekening nyai, nyak
lantas Men Tiwas nyeluk jit sang kidang male kedenge limane beek pesu mas, demen pesan iya
makatang maas bek pesan .lantas men tiwas mulih. Men sugih iri ningalin Men Tiwas
mekroyoh ngago mas. Metakon lantas Men sugih tekening Men Tiwas .
“Eh Men Tiwas dije nyai man maas bek kene??”
“ Kene mbok ibi titian ka alase ngalih saang tekening paku saget teke saang kidang bisa
ngomong ngorin nyeluk jit ne nyakk lantas tiang nyeluk jit ne mare kedeng tian gee adi bek misi
maas” keto Men Tiwas nyatuang unduke ibi.Ningeh satuane Men Tiwas, Men Sugih ngencolang
mulih lan mapangago buka anak tiwas. Men sugih lantas ke alase buka anak tiwas lantas tepuka
saang kidang.
“Eh nyai jadma tiwas nguding nyai krasak – krosok ? apa kaalih ditu?”
“Uduh jero kidang titian nika ngalih saang teken paku. Niki anggo titian lakar meli baas
“ Nah lamun keto selut jit nirane ade pebaang nira tekening nyai. Nyak lantas Men Sugih
nyelek jit sang kidang kendel pesan kadenage ia lakar maan maas.Mare seluk jit sang kidange
lantas sang kidang ngejemang jit ne. Men Sugih geredege kemu mai nganti awakne telah metatu.
“ Uduh !! tulung tulung!! Tiang kapok tiang kapok , lantas Men Sugih lebange di
pangkunge .
Lantas ia ngemasin mati.
Yen iraga dadi manus amangda ten sekadi Men Sugih.Bikasne jele,iri,demit lan setata
nyailin anak lacur. Ydin iraga sugih iraga tusing dadi serasa ngisi gumi.