Men Tiwas teken Men Sugih

Ada katuturan satua Men Tiwas teken Men Sugih. Men Tiwas buka adane Ia mula tiwas
pisan. Gegaene tuah ngalih saang kaalase. Kerana Ia tuah megae ngalih saang, apa tuara
gelahanga. Kadirasa baas lakar jakan jani Ia tuara ngelah.Yadin Ia tiwas buka keto nanging
solahne melah, demen ia matetulung, jemet maturan, lan setata mabikas sane beneh. Len pesan
teken Men Sugih. Men Sugih mula saja buka adane Ia sugih pesan nanging bikasne jele.
Sombong, demit, jail teken anak tiwas, miwah setata mabikas jele.
Sedek dina anu Men Tiwas sedek nyakan,nanging kayu apine telas.
Luh Sari :”Mek seduk gati basing luh e,”
Men Tiwas :Nah ning antos malu meme lakar ngidih kayu api anggo nyakan ,kayu apine
telas”
Luh Sari :”Nggih me’’
Lantas Men tiwas ka umahne Men Sugih
Men Tiwas :“Mbok mbok,tiang jagi ngidih apine”
Men Sugih :“Ngujang nyai mai ngdidih api? Kanti api nyai sing ngelah,lacur sajan iban
nyaine ?” pasutne Men Sugih sada bangras pesu uling umahnee.
Men Tiwas :“Tiang lakar nyakan mbok nanging tusing ngelah api jumah”
Men Sugih :“Nah lakar kebaang nyai api, kewala opin malu lulurin sep awak akene . lulurin
nganti kedas awakene nyanan baanga ja upah baas acrongcong”.
Nyak lantas Men Tiwas nglulurin awakne Men Sugih nganti tengai mare suud. Men
Tiwas lantas baanga upah baas acrongcong teked jumahne baase ento jakana. Sesampune Men
Tiwas mulih, Men Sugih ngabag awakne lan bakatanga daki di awakne. Gedeg basange Men
Sugih kerana makatang dakin awakne. Kemu lantas Ia ka umah Men Tiwase.

Men Sugih :“Eh Nyai jelema tiwas, tolih ne cang makatang daki di awakene. Mai jak baase
ne baang wake busan!”

Men Tiwas :“Baase busan suba bakat jakan tiang mbok” Men Tiwas nyautin.

Men Sugih : “Nah ento suba mai aba, kadong ja suba dadi nasi!” lantas Men Sugih nyemak
baase ane lakar lebeng dadi nasi ento.“Nyai masi busan ngidih api teken wake, jani saange ne
misi api ene jemak wake aba mulih!”
Men Sugih merondong nasine Men Tiwas ane makiren lebeng lan saange ane misi api
abane ke umahne.Men Tiwas tusing ngidaang ngomong apa. Ia tuah ngidaang bengong ningalin
tingkahne Men Sugih sambilanga naanang basangne seduk.Lantas teka panak I men Tiwas
Luh Sari :”me,adi jemaka nasi ajak kayu apine teken men sugih?”
 Men Tiwas :’’mare meme baanga upah baas acrongcong lan kayu api jak men sugih krana
nglulurin awakne kanti kedas sakewala ia makatang daki buin di awakne ,buin jemaka dadine
baas lan kayu apine”
Luh Sari :”Meh tega keto Men Sugih, jani apa lakar jakan memene,tiang seduk pesan niki,”
Men Tiwas :”Nggih sabar ning,kanggoang taanang malu seduk basange,”

Buin manine Men Sugih nundenin Men Tiwas ngopin nebukang padi lan nyanjiang upah
baas duang crongcong.
Men Sugih :”Ih tiwas nyak nyai nebukang padin akene? Amun nyak kal baang upah baas
duang crongcong”
Men Tiwas :”Nggih mbok tiang nyak”
Nganti tengai mare ia suud lan baanga upah baas duang crongcong teken Men Sugih.
Sesampune Men Tiwas mulih, Men Sugih maliin baasne lan bakatanga latah dadua. Gedeg pisan
Men Sugih lantas Ia kemu ka umah Men Tiwase lakar nuntut Men Tiwas.

Men Sugih :“Eh nyai Men Tiwas, mula saja nyai tusing bisa magarapan. Ibi tunden nglulurin
awake tusing kedas. Jani tunden nebuk padi, ne tolih wake maan latah dadua. Kerana nyai tusing
melah nyemak gae, jani mai aba baase ane wake baang teken nyai I tuni semeng!”

Men Tiwas :“Kenkenang tiang nguliang mbok, baase suba jakan tiang lan mekire lebeng”

Men Sugih :“Nah ento suba mai aba!”

Men Sugih merondong baase ane mekiken lebeng ke umahne. Men Tiwas engsek
atine ningalin tingkah Men Sugihe buka keto. Sing kerasa ngetel yeh paningalane ngenehang
basang seduk uli semengan tusing misi apa, jani buin kajailin olih Men sugih.

Sedek dina anu Men Tiwas kemu ka alase ngalih saang teken paku. Sedek iteha
ngalih paku di bet-bete saget teka kidang kencana.

Sang Kidang :“Eh Men Tiwas, apa kaalih ditu?”

Men Tiwas makesiab nepukin ada kidang bisa ngomong.

Men Tiwas :“Tiang ngalih saang teken paku nika jero Kidang” pesautne Men Tiwas sada
ngejer.

Sang Kidang :“Anggon gena ngalih keketo?”.

Men Tiwas ;“Lakar adep tiang nika, yen ada sisa wawu ja anggen tiang jumah”.
Sang Kidang :“Eh Men Tiwas, yen nyai nyak nyeluk jit nirane, ditu ada pabaang nira tekening
nyai!”.
Men tiwas lantas nyak nyeluk jit kidange ento. Mara kedenga limane bek misi emas.
Kendel pesan Men Tiwas maan mas bek pesan. Mara konanga Men Tiwas lakar ngaturang
suksma teken Sang Kidang, lautan Sang Kidang suba ilang.

Men Tiwas ngaba emase ento mulih.

Men Tiwas :”ning,ning Luh Sari mriki je dumun,”
Luh Sari :”inggih punapi me,’’
Luh sari mekesiab nolih memene ngabe emas liu pesan
Luh Sari :”weh me,dije meme maan emas liu gati “
Men Tiwas :”Ditu di alase,sang kidang kencana ngemang meme emas puniki,”
Luh Sari :’”mimih dewa ratu liu gati ,lan lung-luung gati,emas e puniki,suud sube jani
iraga tiwas me,”
Prejani Men Tiwas dadi anak sugih. Ia teken pianakne mekejang nganggo bungah dugase
mablanja ka peken. Men Sugih iri ningalin Men Tiwas lan pianakne makejang makronyoh
nganggo mas. Kisi-kisi ia matakon teken Men Tiwas.

Men Sugih :“Men Tiwas, dija nyai maan emas kene ebekne?”

Men Tiwas :“Kene mbok, ibi tiang ngalih saang teken paku. Saget teka kidang bisa ngomong
nunden nyelek jitne. Nyak lantas tiang, mara kedeng adi bek limane misi emas”
keto Men Tiwas nyatuaang undukne ibi. Ningeh satuane Men Tiwas buka keto,
ngencolang ia mulih lan mapanganggo buka anak tiwas. Men Sugih lantas kemu ke alase lan
manyaru buka anak tiwas. Teka lantas Sang Kidang lan nakonin Men Sugih.

Sang Kidang :“Eh jadma tiwas ngudiang nyai ditu krasak-krosok? Apa kaalih ah?”.

Men Sugih :“Uduh jero Kidang, tiang niki durung ngajeng. Awinan nika tiang driki ngalih
saang lan paku lakar adep tiang lan pipisne anggon tiang meli baas” Men Sugih melog-melogin
Kidang Kencana.

Sang Kidang :“Lamun keto lan seluk jit nirane, ditu ada pabaang nira”.
Nyak lantas Men Sugih nyelek jit kidange ento. Kendel pesan kenehne kadenanga lakar
maan mas. Nanging pas seluka jit kidange, Sang Kidang ngijemang jitne. Men Sugih paida abana
ka dui-duine nganti awakne telah matatu.
Men Sugih :“Uduh tulung tulung! Tiang kapok, tiang kapok!” keto Men Sugih makuuk
kesakitan.
Mare neked di pangkunge mare elebanga Men Sugih. Men Sugih tusing nyidaang
naanang sakit lantas ia pingsan. Disubane ingetan megaang ia mulih. Teked jumahne ia gelem
keras lantas ngemasin ia mati.

Yen iraga dadi manusa mangda ten sekadi Men Sugih. Bikasne jele, iri ati, demit, lan setata
nyailin anak lacur. Yadin iraga sugih, nanging iraga tusing dadi mabikas serasa ngisi gumi.
Patutne iraga eling lan setata matetulung teken anak sane lacuran mangda kasugihan iraga
maguna.