I Sugih Teken I Tiwas

Ada tuturan satua I Sugih teken I Tiwas. I Sugih liu ngelah pipis nanging demit pisan, iri ati, tur
sigug ajak anak lacur. I Tiwas mula ia tiwas nanging ia melah solahne tur tusing yaen sigug, ia
sesaine ngalih saang ke alase lakar adepa.

Sedek dina anu I Tiwas ngidih api ke umah I Sugih, Ditu I Sugih ngomong “ih tiwas alihan jep
cang kutu benjep bang pe baas”. Disuudne I Tiwas ngalih kutu ia mulih tur nyakan baase. Di
jumahne I Sugih masiksikan, maan ia kutu aukud, ditu lantas ia ke umah I Tiwas ngidih biin
baasne ane suba mejakan.

Buin Manine I Tiwas ongkone nebuk padi teken I Sugih, ditu I TIwas nebuk padi nganti sanja
baange upah baas acrongcong. I Tiwas mulih nyakanang baasne. I Sugih jumahne nyeksek
baasne, maan latah dadua, ditu lantas ia ke umah I Tiwase nyuang nasi tur jakanan I Tiwase
krana baasne misi latah dadua.

Sedek dina anu I Towas ngalih saang ke alase, ditu saget ado kidang ngongkon I Tiwas nyeluk
jitne. Maro paid limane, ditu saget liu ado mas teken selaka. Suud keto I kidang ilang. Uli ditu
idup I Tiwas e ngeluungan, ditu lantas I Sugih metakon “Ih Tiwas dijo cai maan slake liu?” I
Tiwas mesaut “Di alase ado kidang ngongkon tiang nyeluk jitne, ditu saget ado mas teken slake
mbok”

Buin manine I Sugih ke alase nyaru-nyaru ngalih saang, ditu lantas saget ado kidang ngongkon ia
nyeluk jitne, I Sugih liang nyeluk jitne I kidang, nanging maro mecelep limane I Sugih
mekijeman jitne I kidang tur ia melaib ka punyan duine, I Sugih ngeling ngidih tulung. Di
pangkunge I Sugih maro lebange, ditu ia telah metatu megaang mulih. Teked jumah ia gelem
mekelo, keto upah anake loba tur iri ati.