Basa Bali Patut Lestariang

Om Swastyastu

Bapak kepala sekolah sane singgihan titiang

Bapak/Ibuk guru lan staf tata usaha sane wangiang titiang
Lan para siswa sane tresna sihin titiang
Manawita para ida dane sameton titiang sampun uning pulo Bali
puniki kadadosan Pusat daerah tujuan wisata Indonesia bagian timur
olih pemerintah Republik Indonesia. Punika boyaja simpang, saantukan
kabecikan miwah kaasrian pulo Baline sampun kaloktah jantos kadura
negara. Punika mawinan pulo Baline taler kawastanin pulo Dewata.
Napi mawinan kawastanin pulo dewata? Pulo Baline kewastanin
pulo Dewata saantukan:
- Kaasrian palemahannyane sampun kaloktah kadura negara
- Seni budaya Baline, sane madasar antuk seni budaya hindu
taler sampun kajanaloka ring jagate
- Adat istiadatnya, sane madasar antuk suryaksiu utawi
musyawarah
- Para warga Baline banget ku manyama (ramah tamah),
ngandapkasor (merendah), nenten wenten nyaminin ring jagate
Punika mawinan iraga sareng sami patut mangayubagia majeng
ring Ida Sang Hyang Widhi Wasa, sane ngardi jagate sahasa dagingnya
sami. Iraga sareng sami patut rumasa bagia dados putra putri Bali.
Lianan punika I raga sareng sami patut ngemban, miara
kabecikan utawi kaasrian jagat Baline pamekas nglimbakang,
ngawerdian seni budaya druene, mangda sayan lami sayan becik, syan
asri, sayan nudut kayun.
Sinalih tunggil sane minakadi piranti sajeroning jagi nglimbakang
seni budaya druene punika boya seos wantah Basa kalihsastra Kawi
Bali druene. Punika kemangkin ngiring sareng sami ngutsahang,
sapunapi antuk ngawerdiang kalih nglimbakang mangda sayan ajeg
basa daerah makawinak sastra Kawi Baline, pamekas pare anom
anome mangda sayan seneng, sayan teleb melajah Basa Bali. Napi
mawinang asampunika, santukan sastra Kawi Baline makeh pisan
madaging indik sane mapikenoh kagunanyane sajeroning nglaksanang
darmaning agama miwah negara.
Ida dane sane baktining titiang. Mungguin sastra Kawi punika
sampun kapastiang prasida sakadi pangancang sajeroning ngewangun
jagat Indonesia ngamangguhang sekati tetujon jagat kertaraharja,
gemah limpah loh jinawi.
 Duaning asampunika, ring galahe sane becik sekadi mangkin,
titiang banget mapinunas majeng ring guru maragawisesa, ring para
yogi angawi menangan pendidikan ring dinas kebudayaan, mangda
mikayunsaha ngamargiang sekadi pinunas tiange I wawu pradane
prasida kapanggih sakadi pengapite nglimbakang basa lan sastra Bali
miwah Kawi sawengkoning jagat Bali puniki.
Inggih ida dane sane banget baktinin titiang, cutet atur titiang
ngiring mangkin sareng sami mautsaha tunggil angkayunne ring
sajeroning ngawardiang ping kalih nglimbakang basa lan sastra bali
miwah kawi druene, kandugi prasida kapanggih daging daging sane
kasurat ring sajeroning palambang lambang titi basa purana makaluir
ipun, mangda wenten kanggen nuntun raga ring sajeroning kauripan.
Inggih, wantah sampunika prasida antuk titiang ngaeurang mogi
mogi wenten pikenoh ipun makawasana titiang ngaturang paramasanti.

Om Santhi, Santhi, Santhi Om