2019
Suksma aturang titiang majeng ring pengénter acara antuk galah sané sampun kapica
Titiang,
…………………………………………………………………………………………
Saking, …………………………………………………………………………………………
Ida dané sareng sami, utaminipun majeng ring angga tim juri sané dahat kusumayang
titiang, Para guru miwah atiti sané wangiang titiang, punika taler para pamilet utsawa
Sadurung titiang nglantur matur, pinih riin ngiring sareng-sareng ngastiti ring Ida Sang
“Om Swastyastu”
Titiang rumasa bagia pisan riantukan prasida masadu ajeng sareng ida dané ring
galah sané becik puniki. Sadurungnyané ngiring sareng-sareng ngaturang suksmaning manah
majeng ring Ida Sang Hyang Widhi Wasa santukan sakangkaning asung kerta
waranugrahanIda, titiang punika taler ida dané sareng sami prasida mangguh karahayuan.
Ring galah sané becik puniki, titiang jagi ngaturang pidarta sané mamurda
Irage ring Bali sampun sué mirengan bebaosan sané maosang Bali sutrepti. Ring kamus basa
Bali maosang sutrepti punika meartos ajeg, yening Bali sutrepti punika meartos ajegang jagat
Baliné tegakkan jagat Baliné. Napi sané pacang ajegang ring Bali? Inggih niki sampun
mangde tatas kauningin. Minab ida dané sampun pawikan ngantos wong dure negarané
sampun ngerauhin Bali. Wenten sané maosang Bali kasengguh pulo Dewata. Bali pulo seribu
pura, Bali pulo nusa damai, wenten taler maosang Bali punika sekadi pulo sorga. Saking
kalangané maosang yén nenten naanin ngerauhin Bali, kocap nenten ngerauhin sorga. Punika
mawinan Bali kamanggehang dados genah tatujon wisata utama ring Indonésia, pariwisata
Bali sayan-sayan kasumbung ring dura negara. Membah torisé rauh ka Bali masesanjan
pariwisata punika kadasarin antuk budaya Bali sané kaakah pancerin antuk basa Bali. Napi
malih Guru Wisésa sampun ngemanggehang Bali wantah ngemargiang pariwisata budaya,
Mawit saking punika, pinih riin titiang jagi ngaturang indik kahanan basa Baliné
sané mangkin. Ngranjing ring abad 21-né puniki sané ketah kabaos éra global, jadma Baliné
akéh pisan katibén pikobet miwah panglimbak sané patut yatnain. Bali wantah pulo sané
sampun kaloktah kantos kadura negara sané kantun kukuh ngamanggehang tata krama adat
miwah budaya. Adat miwah budaya Baliné punika kantos mangkin kantun rajeg madasar
antuk agama Hindu sané kaiket antuk basa, aksara, miwah sastra Bali tur nglimbak ring désa-
désa pakraman. Sakéwanten yéning selehin mangkin, kawéntenan Basa Bali pinaka basa Ibu
sampun sayan-sayan rered. Napi ke mawinan titiang matur sekadi puniki? Minab ida dané
sampun uning, ri kala jagaté sampun kabaos majulan kawéntenan teknologi sayan nglimbak,
basa Bali sayan katinggal olih parajana Baliné. Nenten ja para yowana kémanten sané sayan
arang mabasa Bali, Sangatuha sekadi reramanipun durung majanten pascat ngawigunayang
basa Bali. Yéning kawéntenan basa Bali sayan magingsir ngantos padem, ajerih manah
titiang, napiké kantun jagat puniki kabaos Bali?. Napi malih Bali kabaos pinaka destinasi
wisata dunia sané sampun kaloktah antuk seni miwah budaya. Seni miwah budaya puniki
kantun rajeg kajiwa pramanain olih basa sané linuh inggih punika basa Bali, Basa Bali pinaka
basa sané prasida ngawangun budaya Bali yadiastun mangkin nenten prasida katepasin
Basa Bali wantah taksun jagat Baliné, punika mawinan titiang prasangga purun
nanginin ida dané sareng sami. Ngiring kukuhang budayan iragané nyutreptiang jagat Bali
melarapan antuk Basa Bali.UNESCO sané ngremba warisan budaya dunia kémanten
nresnain basa Bali.Punika mawinan UNESCO sampun ngangkenin basa Bali pinaka silih
tunggil basa warisan dunia sané patut karajegang, Duaning asapunika, mangkin ngiring
sikiang kayun Ida danéné pinaka semeton Bali, mangda yukti-yukti pacang sutindih ring basa
Bali. Sampunang bénjang pungkur ri sampuné wénten wangsa lianan sané ngangkenin basa
Bali wau iraga magrudugan patikaplug, sekadi keris miwah tari péndété sané kaangkenin olih
wangsa Malaysiané. Ngiring sareng sami nadosang basa Bali pinaka identitas ngwangun rasa
Sadurung titiang muputang atur, wawanin titiang malih mangda iraga sareng sami
pinaka krama Bali napi malih para yowana mangda sayuakti nyutreptiang jagat Bali
malarapan antuk nganggén basa Bali. Ring Geguritan Suwargita kasurat kadi puniki: Yan
prasida, nyuluh kecap sang hyang aji, nyimpen ring sarira, sida cening waged ririh,
magelaran kiwa tengen. Yéning ambil daging pupuh punika nénten lian wantah iraga para
yowana mangda setata seleg malajahang raga, ngrereh daging-daging sastra Bali sane utama.
Inggih para panuréksa sané wangiang titiang, punika taler pamiarsa sami sane
singgihang titiang,
Wantah asapunika pidarta sane prasida aturang titiang ring galahé sane becik puniki, dumogi
wenten pikenohnyané. Dahat suksma aturang titiang santukan ida-dané sareng sami sampun
prasidamiarsayang daging atur pidartan titiang. Yéning wénten basa basita, atur titiang sane
nénten munggah ring kayun, titiang nglungsur geng rena pangampura, duaning punika sami
04 05
11 13
17 20
.