Yuni Kusuma Yanti

PANGENTER ACARA
WIMBAKARA NGEWACEN AKSARA BALI LAN NYATUA BALI
BULAN BASA BALI WARSA 2022

Ida dané sinareng sami, titiang nunas uratian druéné, mawinan Parikrama Bulan
Basa Bali Warsa Kalih Tali Dua Likur (2022), antuk Wimbakara Gending Rare,
Pengenter, Pemuspaan lan Nyatua Bali. Rahina Redite Kliwon, Wuku Bala,
ketekan pinanggal telulas (13) Pebruari (kalih tali kalih likur) 2022 jagi
Kakawitin.

Om Suastiastu

 Linggih Dane Jro Mangku sane maparagayang suci sane singgihin

tiyang.
 Linggih Manggalaning Majelis Alit Desa Adat Kecamatan Selemadeg
Barat sane Dahat Wangiang Titiang.
 Linggih Perbekel Desa Antosari sane dahat Wangiang titiang.
 Linggih Bendesa Desa Adat Petiles sane wangiang titiang.
 Linggih Kerta Desa, Desa Adat Petiles sane wangiang titiang.
 Linggih Sabha Desa, Desa Adat Petiles sane wangiang titiang.
 Kepala wilayah Banjar Dinas Petiles sane wangiang titiang.
 Babin Kamtibmas Antosari sane wangiang titiang.
 Babinsa Antosari sane wangiang titiang.
 Penyuluh Bahasa Bali Kecamatan Selemadeg Barat sane wangiang
titiang.
 Penyuluh Agama Hindu Kecamatan Selemadeg Barat sane wangiang
titiang.
 Miwah para pamilet Wimbakara gending rare, pengenter pemuspaan,
lan nyatua Bali sane tresna sihin titiang.

Pinih ajeng lugrayang titiang ngaturang rasa angayubagia majeng ring Ida
Sang Hyang Widhi Wasa, sane maparagayang sari-sarining tutur lan sastra,
duaning sangkaning asung kerta waranugraha Ida mawinan titiang ping kalih
Ida-dane sinamian mangguh karahajengan, tur prasida rauh, ring genah lah
rahina sane becik puniki.
Nenten lali titiang ngaturang suasti prapta ring Acara BULAN BAHASA
BALI WARSA KALIH TALI KALIH LIKUR (2022), DESA ADAT
PETILES, matur suksema, majeng ring kaledangan Ida-dane' ngeraihin
parikramane puniki.
Inggih Wantah sakadi asapunika daging pamahbah atur titiang.
Yuni Kusuma Yanti

Majeng ring linggih para atiti, atur uningayang titiang mungguwing

papalihan acara sejeroning acara Bulan Bahasa Bali Warsa Kalih Tali Kalih
Likur (2022) puniki, dudonan titiang sekadi ring sor puniki:

1. Bungkahing atur saking Ugrawakia utawi pengenter baos, sekadi sane

sampun kaatur iwawu.
2. Pangrastiti Bakti utawi doa.
3. Swâgatá Wecana saking linggih Bendesa Desa Adat Petiles.
4. Sambrahma Wecana saking Perbekel Desa Antosari.
5. Sambrahma Wecana saking Majelis Desa Adat Kecamatan
Selemadeg Barat, sapisanan mungkah Parikrama Bulan Bahasa Bali
Warsa Kalih Tali Kalih Likur (2022) ring Desa Adat Petiles puniki.
6. Parikrama Wimbakara gending rare, pengenter pamuspaan lan nyatua
Bali.
7. Masandekan.
8. Atur Piuning sang sane ngemolihang Jayanti
9. Pawarah warah saking linggih Majelis Desa Adat Kec. Selemadeg
Barat, sapisanan nyineb parikrama Bulan Bahasa Bali ring Desa Adat
Petiles puniki.
10. Foto Bersama.

(2) Inggih Para titi mwah pemilet Sinamian sane Wangiang Titiang.

Santukan pamahbah acara sampun margiang titiang, mangkin tincapang

titiang, ring acara kaping kalih, inggin punika : "Pangrastiti Bhakti utawi
DOA". Antuk Punika titiang nunas mangda Ida-dane ngadeg run ajebos!
Majeng ring Sang sane polih amongan, inggih durusang.

…………………………………… DOA………………………………………..

Inggih ratu Ida dane sinareng sami, durus mewali malinggih.

 Inggih Ida Dane sinareng sami, durusang titiang kaledangang Ida

Dane nyita Rasa antuk pisuguh sane sampun kapisuguhang. Inggih
durusang.
Yuni Kusuma Yanti

(3) Ratu Ida-dane Sinamian sane Wangiang titiang.

Sane mangkin lanturang titiang antuk parikrama kaping tiga sane marupa
atur swagata wacana saking Jro Bendesa Desa Adat Petiles. Majeng ring Jro
Bendesa Desa Adat Petiles, galah aturang titiang.
……………………….Swagata wacana Pamucuk Karya.……….……………
Antuk ring Dane Jro Bendesa Desa Adat Petiles suksemaning manah. titiang
ngaturang suksmaning manah.

(4) Para Atiti mwah pemilet wimbakara sinareng sami sane Tresna asihin
Titiang.

Acara selanturnyane tincapang titiang ring acara kaping pat, marupa

Sambrama Wecana saking Linggih Perbekel Antosari. Antuk punika majeng
ring Perbekel Antosari galah kaatur, inggih durusang.
………….……..Sambrahma Wecana Bapak Kepala Desa………………..
Majeng ring linggih Perbekel Desa Antosari titiang matur Suksemaning manah
antuk pawarah-warahnyane.

(5) Para Uleman sami sane Wangiang Titiang.

Acara selanturnyane tincapang titiang ring acara kaping lima, inggih

punika Sambrahma Wecana saking Linggih Majelis Alit Desa Adat Kecamatan
Selemadeg Barat sapisanan tunas titiang manga prasida mungkah Parikrama
Bulan Bahasa Bali Warsa Kalih Tali Kalih Likur (2022). rahina mangkin Antuk
punika galah aturang titiang.
………………….Sambrahma Wecana Majelis Alit Desa
Adat……………….
Matur Suksema majeng ring Linggih Majelis Alit Desa Adat Kecamatan
Selemadeg Barat. Riantukan Parikrama Bulan Bahasa Bali ring Desa Adat
Petiles puniki sampun kabungkah.

(6) Ida dane lan Pemilet wimbakara sinareng sami.

Selanturnyane tincapang titiang ka parikrama kaping nem, inggih punika

parikrama Wimba Kara tembang rare tingkat SD, pengenter pamuspaan lan
nyatua tingkat PKK. Titiang mapinunas mangda pemilet Wimba Kara
Yuni Kusuma Yanti

mekesami, mangda siaga antuk sekancan piranti ring genah sane sampun
kacumawisan.

Inggiang pemargi teknis wimbakara galah kasukserahang titiang majeng ring

angga panureksa inggih durusang

(7) masandekan

Ida-Dane sinareng sami lan pamilet parikrama Bulan Bahasa Bali

makasami, pacang iring titiang merayunan. Riantukan pisuguh druené sampun
cumawis, inggih durusang.

(8) Atur Pining sang sane ngemolihag Jayanti

Ida dane sinareng sami, mawali tiang nunas uratian druene, mawinan
Parikrama selanturnyane, parikrama kaping kutus, inggih punika Atur piuning
Sang Sane ngemolihang Jayanti.
Tunas titiang keledangan Angga Penureksa mangda ngewacen Sang sane
ngemolihang Jayanti.

Sane kapertama, Wimba Kara tembang rare tingkat SD majeng ring angga
panureksa Wimba Kara tembang rare inggih durusang.

Jayanti 3, Jayanti 2, Jayanti 1, (Sami ring ajeng), Foto

*Titiang mapinunas majeng ring Majelis Desa Adat mangda ngangganin

nyukserahang Pramana Patra lan hadiah majeng ring para jayanti.

Selanturnyane, kaping kalih, Wimba Kara pengenter pamuspaan majeng ring

angga panureksa, mangda ngewacen sangsane ngemolihan Jayanti, inggih
durusang.

Jayanti 3, Jayanti 2, Jayanti 1, (Sami ring ajeng), Foto

*titiang mapinunas majeng ring Perbekel Antosari mangda ngangganing

nyukserahang Pramana Patra lan hadiah. Inggih durusang

Selanturnyane, kaping tiga, Wimba Kara nyatua bali majeng ring angga
panureksa, mangda ngewacen sangsane ngemolihan Jayanti, inggih durusang.

Jayanti 3, Jayanti 2, Jayanti 1, (Sami ring ajeng), Foto

Yuni Kusuma Yanti

*titiang mapinunas majeng ring Bendesa Desa Adat Petiles mangda

ngangganing nyukserahang Pramana Patra lan hadiah. Inggih durusang.

*FOTO BERSAMA
Setelah foto :

Durusan mewali melinggih.

(9. Pewarah – warah Lan Penyineb)

Ida dane sareng sami sane dahat wangiang titiang

Selanturnyane Acara kaping sia inggih punika Pewarah warah saking
Majelis Desa Adat Kecamatan Selemadeg Barat sapisanan Nyineb Parikrama
puniki.
Majeng ring dane Mejelis Desa Adat, Galah kaatur, inggih durusang.

*Wara Atiti miwah Ida-dane sinamian. Rauh iriki titiang prasida ngenterang
acarane, nenten lali taler titiang ngaturan dahat suksmaning manah, majeng ring
Linggih Desa Adat Petiles, Makemiwah Ratu Ida Dane sareng sami sane
sampun nyarengin parikrama rahina mangkin ngantos prasida mamargi antar,
sida kasidaning don acara utawi parikrama puniki, Malih apisan, maka kirang
langkung atur titiang, lugrayang titiang nglungsur geng rena pangampura.
Pinaka panguntat atur, puputang titiang Parikrama ring rahina puniki antuk
nguncarang Parama Santih.

Om Santih, Santih, Santih Om…

:)s