Om Swastiastu

Om Awighnamastu Nama Siddham

Om bhur bvah svah...tat savitur varenyam...
Bhargo devasya dhimahi...dhiyo yo nah pracodayat...

Om Hyang Widhi, Hyang Maha Agung, sane ngenterang jagat tri bhuana miwah wit
sahananing sane murip iriki ring jagate. Aksi sembah baktin titiang puniki. Mogi sida
asung kertha wara nugraha mapica sunar galang, mangda galang apadang.

Om Hyang Widhi, Hyang Maha Wicaksana, ring rahina mangkin, Soma Kliwon Landep,
ipnanggal kutus Februari Kalih Tali Selikur. Titiang makasami mapupul masadu ajeng
malarapan antuk angayu bagia manah tur katabaning ati, ngaturang puja pangrastiti
nglungsur pamargi sane antar miwah pamatut sajeroning acara puniki.

Mogi Ida Sang Hyang Widhi Wasa miwah prabhawan ida, sami sida ledang ngicen
pamargi sane becik maka miwah panuntun, mangdane pamargin acara puniki prasida
antar tur sidhaning don.

Om Hyang Widhi, Hyang Maha Kinasih, mogi sida ngaksamayang sahananing karma
kara miwah karma ksama sane medal saking pikayun, pawacanan maka miwah
parilaksanan titiang makasami.

Om dewa suksma prama cintya ya namah swaha,

Om Shanti Shanti Shanti Om