Nama : Desak Putu Sri Anita Dewi

No : 27

Kelas : XI MIPA 7

SEMBRAMA WECANA RING RAHINA SARASWATI

Om Swastiastu

Bapak kepala sekolah sane banget baktinin titiang, bapak ibu guru sinamian sane baktinin
titiang, pasawitran titiang sareng sami sane tresna sihin titiang. Sadurung titiang matur
amatra. Titiang sane nyelewedi dados manggalaning OSIS nyihnayang rasa pangayu bagia
majeng ring Ida Sang Hyang Widhi Wasa, sangkaning asung kerta wara nugraha ida iraga
sareng sami iriki prasida ngalaksanayang pujaning saraswati ring rahinane mangkin.

Ida dane sareng sami, manawita sampun uning nyabran Saniscara Umanis Watugunung
pastika sampun iraga nglaksanayang pujaning Sang Hyang Aji Saraswati pinaka bhataraning
pangweruhan. Gargita pisan manah titiang santukan nyingakin sajebag keluwarga sekolah
sumuyub salunglung sabayantaka, sapunika taler para parawantaka (panitia) sane prasida
ngelarang pacentokan penjor lan gebogan pantaraning kelas sane janten sampun kadasarin
manah suci nirmala buat nincapang rasa bhakti iraga sareng sami majeng ring Ida Sang
Hyang Widhi Wasa. Dumadak ngancan ngariwekas pacentokan sekadi puniki prasida
kawerdiang malih mangdane acara sekadi puniki prasida kalaksanayang nyabran nemu rahina
saraswati. Titiang saking manggalaning OSIS ngaturang suksmaning manah majeng ring para
parawantaka (panitia) sane sampun prasida ngamong sapulah palih acarane puniki sane
prasida labda karya tur mamargi rahayu.

Ida dane sareng sami sane dahat wangiang titiang, wantah asapunika sane prasida unggahang
titiang ring panyembrama titiang puniki. Pinaka wusananing atur, titiang nunas pangampura
antuk sapangiwang titiang matur, mugi-mugi ida dane ngaledangin.

Om Santih, Santih, Santih Om.

Nama : Desak Putu Sri Anita Dewi

No : 27

Kelas : XI MIPA 7
“Sambrama Wacana”

Sembrama Wecana Ring Upacara Ngeraja Sewala

Ida dane para uleman lan atiti sami sane dahat kusumayang titiang rahajeng prapti ring
pakubon titiang minakadi titiang nunas iwang saantukan kawentenan palemahan miwah
padewekan titiang irika sakaluwarga. Dahating tunas panyanggra miwah kawentenan ipun.
Antuk punika sami, ngiring nyakupang pangastungkara panganjali “Om Swastyastu”.

Ida dane sareng sami, rasa angayubagia titiang ring manah saantukan sangkaning pasuecan
Ida Sang Hyang Widhi Wasa ring galahe sane becik puniki, Buda, 22 Oktober 2013. Prasida
mamargi upacara lan upakara Ngeraja Sewala. Lugrayang titiang nyanggra Ida dane sareng
sami antuk nyobiahang kawentenan padewekan titiang miwah kaluwargan titiang.
Kapertama, parab titiang Nyoman Bagus Muliasa pinaka sane nuwenang karya mangkin,
kaping kalih kurenan titiang mapesengan Ni Made Maratta. Puniki pianak titiang sane
ngeraja sewala wastan ipun Manik Intan Maratta. Punika kawentenan titiang sane wawu
sampun kamargiang Jam 10. Sane kapuput olih Ida Peranda Putu Manikan, dewa saksi lan
bhuta saksi sampun kamargiang sane mangkin titiang nunas taler Ida dane nyaksi tur
micayang restu dumogi sida mamargi sidaning don.

Inggih asapunika sambrama wacana titiang petrade wenten sane menggah ring kahyun titiang
nglungsur gung rena pangampura. Sane mangkin ledang Ida dane masandekan durusang
ngunggahang boga sane sampun kacumawisang wuwusan punika durus ngambil acara bebas.
Inggih puputang titiang antuk ngaturang parama santih “Om Santih ,Santih, Santih Om”