OM SWASTYASTU, SELAMAT PAGI ANAK-ANAK SEMOGA SEHAT SEMUA

Ngiring lanturang peplajahan Basa Bali rahinane mangkin, Rabu,25 Agustus 2021. Pert ke-5
,materi ke-4 )
Peplajahan sane mangkin " Indik SESONGGAN, SLOKA, SESENGGAKAN MIWAH
SESAWANGAN "

1. Sesonggan Inggih punika pralambang kawéntenan polah jadma sané kaimbangang ring
kahanan utawi kawéntenan barang utawi beburon . ( dlm bhs Indonesiane: dikiaskan tentang
keadaan dan prilaku manusia yang dibandingkan dengan keadaan dan prilaku binatang atau
benda disekeliling kita ).

Upami: Awak beduda nagih madain Garuda. Suksmane( artinya); Awak tiwas / buruh nagih
madain anak sugih/ anak sane mepangkat tegeh .( awak tiwas ingin menyamai/
menandingi orang yg kaya / yg berkedudukan tinggi ).

A. Indayang anak-anak rereh artin: sesonggane , sloka, Sesenggakane, miwah Sesawangane ring
sor puniki, dlm bentuk pdf , kirim ke grup , tulis identitas lengkap!
1. Bobabné nilun kuping.
2. Lelipi ngalih gegitik.
3.Déwa rauh ubetin jelanan .
4. Marebutin balung tanpa isi.
5. Goloh di tendas kelet di ikut.
6. Awak buta tumbén kedat.
7. Saput-saput eda kadéna dingin.
8. Angkabin barong somi.
9. Yéh ngetél di capcapané bisa ngesongin batu.
10. Sing ada batu belah tepén ujan.

B. SLOKA
Sloka puniki yéning ring basa Indonésia pateh sekadi bidal, taler masaih ring sesonggan, binane
kariinin antuk kruna Buka Slokane….

Indayang rereh teges wiadin suksman slokané ring sor !

1. Buka slokané, bani mabak jepun, eda takut kena getahné.
2. Buka slokané, pasih ngaduk ibana
3. Buka slokané, genité bakat gasgas
4. Buka slokané, paksi bina paksa.
5. Buka slokané, negen bébék muani.
6. Buka slokané, tusing ada lemeté lung.
7. Buka slokané, musuh wenang linyokin.
8. Buka slokané, macelep di kuping tengawan pesu di kuping tengébot
9. Buka slokané, siap mataluh di jinengé
10. Buka slokané, resik-resikan udangé tainé suuna.
C. Sesenggakan, mawit saking kruna "senggak" artiné "singguk utawi sentil" polih
pangiring -an dados senggakan, kadwipurwayang dados sesenggakan. Tegesnyané, bebinjulan
sané makardi jengah tur sebet sané kanggén sesenggakan krana keni kasentil manahipuné.
Ciri Sesenggakan setata( selalu) nganggen kruna buka

Contohne; Buka bantene masorohan. Artine; sekadi anake madue perusahaan wantah
ngutamayang panyamanipune kewanten makarya irika.

Indayang rereh arti sesenggakane ring sor puniki !

1. Buka dedaluné kampid baan nyilih.
2. Buka yéhé di don candungé, songgéng agigis mabriok
3. Buka negakin gadebongé ngrasa teken jit belus
4. Buka payané, di sisiné mukir di tengahné ngasumba.
5. Buka nyilsil kadeléné liunan pakpak kuangan gelekang
6. Buka nakep balang dadua, maka dadua tuara bakat.
7. Buka taluhé di sisiné putih di tengahné kuning.
8. Buka cicingé ngongkong, tuara nyegut.
9. Buka bikulé pisuhin, sumingkin bejit.
10. Buka tanduk sampi lua, ulah pesu.

D. Sesawangan (Pepindan) Sesawangan, lingganipun "sawang", artinipun: mirib, polih

pangiring"an", dados; sawangan, raris kadwipurwayang dados "sesawangan",tegesipun:
punapa-punapi sané kacingak, raris kalawatang(karasayang) ring kahyun, mirib sekadi solah
kalih kahanan janma ( keadaan manusia) .
Ciri Sesawangan selalu menggunakan kata-kata seperti: sekadi, kadi, tan pendah kadi,
waluya, cara, buka, msl, yg semua itu artinya seperti.

Conto; Buka bulané kalemahan,suksmanipun: kembang lémlém.

Indayang rereh arti sesawangane ring sor puniki !

1. Galakné alah cicing borosan
2. Kajengat-kajengit bukabojogé suginin.
3. Magaé buka anaké anyang- anyangan
4. Munyiné jangih kadisunariné tempuh angin.
5. Ngasih-asih kadi paksi tadahasih.
6. Rupané ayu tan pendah kadi deling kencana
7. Prerainé mulan purnama.
8. Tayungané kadi busungé amputang
9. Pamulunné kadi langsat
10. Ngengkig buka dongkangé pentil