Mati Idup Baru

Tu mih bukit tilong tauka bukit mandai ba menua Ulu Kapuas Indonesia. Ba dalam ensera kitai
suah ninga dikumbai Bukit Megong alai aki ini kitai terubah mungkal pengawa ngayau. Enti ba
leka sabak , tu dikumbai orang Bukit Penguji Nangga Ari, jalai pun semengat kitai niki ke langit.

Sekali tu admin deka bekunsi ke siti cherita ti amat nyadi kelia. Laban ke dinga buta enda ingat
ke nama orang nya. Tang pelaba aku cukup kena kitai ngingat ke petara agi ngemata ke kitai,
nulung mandung peturun Keling , peturun Bungai Nuing. Ba menua tunga ke Sebauh kin, bisi
siti cerita siku apai tuai orang ke udah mati bini. Nya kira pengelama bini iya udah nadai. Sekali
iya ngemai bala anak iya bemalam ba langkau umai. Bala anak iya mayanya benung bekeridun
baka anak impun. Bedau mit magang. Baka tusun gigi tangga laban ke pisit beranak. Enda
memukai dih tudah apai tuai nya ta mutus ke seput. Dia dih bangkai iya laban ke nadai orang
ngemata, but dia. Bala anak iya nyabak mih ke iya. Tang nadai daya laban semua sida nya
enda nemu utai. Lengka ke nda lama cerita iya ke parai nya. Kenu ku iya, datai iya ba menua
sebayan din, enda memukai asuh bini iya pulai ke menua. "Pulai di sanu! Nadai orang meda
anak tua, pia ku iya" sepengudah iya bejaku dia bini iya lalu ngeju ke iya pulai ke menua. Sekali
ngeleda tudah iya, ta terengkah dikaki tanju langkau. Nya mih bala anak iya tekenyit meda iya
ta idup baru. Mua iya kenu ku tusi orang ngagai aku, bedau bekau tebuk ulat laban sigi udah ka
luluh.

Sekali tu bisi ga mega , siti cerita tungga ke Kanowit kin kelia nitih ke cerita ti kala didinga aku,
bisi siku anak mit parai pansa utai. Meda bakanya , sida serumah pan lalu, beradu ke iya. Enda
memukai bala ini iya enggai maya ke iya utai manah laban meda iya ke biak. Baya ke orang
pinggai pecah, duku rimpak, enggau utai ke bukai. Bahh leka ke nda lama cerita nya. Ba
sebayan din, dia dih anak mit nya tadi betemu ngau niang aki iya. Ku niang aki iya bejaku

"Nama gaga di kitu umang, ngacau kami ngetau, peda di utai bai di, nadai ke menyana siti.
Pulai di alai, minta ibun ini di, ngawa kami". Pia ku jaku niang aki iya. Udah aki iya tembu meri
iya makai, belauk upa pisang gulai manuk tuai. Dia dih aki iya alu ngeju ke uchu iya nya ari mua
empelua. Bah nama dih . Tedani iya ngeleda din lalu temutah ke upa pisang taja iya nadai
makai nya ba menua kitai. Kenu ku tusi orang indai tuai tu gayu suba , landik ngereja pengawa
indu sepengudah iya ke idup baru.

Pecaya ke nda bala pemacha? Nya tepulai ngagai kitai empu. Arap ke semua ke maca tu gerai
nyamai , lantang senang nguan menua.

Admin: Burik Kemundang