I LUTUNG DADI PECALANG

Kacerita I Singa madeg ratu merintah sekancan burone. I Lutung dadi pecalang wireh
keto nyabra dida. I lutung mideran nabdabang kekertan jagat. Baan kenyelne mejalan kemu-mai,
sedek nyongkok angut – angut naenang kiap, I Lutung tengkejut ningehang munyin kukul titir;
tuk, tuk, tuk………., tuk, tuk, sepanan ia bangun kipak – kipek liatne merengang. Kaget tepukine
I Blatuk ngulkul di punyan kayune. I Lutung nyeri raosne bangras, “ Ih Blatuk ngudiang iba
ngukul bulus /, tingkah ibane ene, ngerang gumine mebiayuban. Enggalang orahang teken
awake!”,
I Blatuk enggalang tuun, tumuli ngeraos dadab, “ inggih jero pecalang tiang ngukul,
wireh samian biota, ara – aru nandang pikeweh, punika panjak duene kadungBangkok ileh – ileh
ngaba tumbak poleng, sapunika taler, miwah I Kekawa setata masang jarring. Tiang nenten
uning sane ngawinang, jerone sane patut ngayunin, sampunang uju – uju duka ring dewek
titiang.
I Lutung kebilbilang tumuli ngelanturang mejalan sambilanga ngrengkeng, “ Apana ane
ngeraniang gumine mebiayuhan?, lantas tepukina I Tumisi nyerengseng mondong umahne,! I
Lutung ngenggalang maekan matakon “ue…Tumisi dadi iba nyerucut mondong umah?. I Tumisi
matolihang lantas masaut, “ Inggih jero pecalang, awinang titian rarud makta umah titiange, sane
mangkin jerone tunas titiang pasubayan.”
Mara keto raos I Tumisine, I Lutung brangkit pesan, matane barak tumuli genjanga
mejalan ngalih I Kunang – Kunang. Suba joh pejalane, saget tepukina I Kunang – Kunang di
tengah umahne. I Lutung nyagjagin sawireh ngucap “ue… I Kunang – Kunang mai malu!”
I Kunang – Kunang matolihan lantas maekin I Lutung. I Kunang – Kunang ngucap,
“nawegan jero pecalang, napi wenten karya ?, dados nemben ngerereh titiang?” I Lutung
nengkik mamunyi, “ye… ngudiang iba tandruh ?, jani iba lakar krangkeng awake pelih iba
mailehan ngaba api, ngawinang gumine mablayuhang, liu anake rarud ngaba umahne.”
I Kunang – Kunang dabdab nyautin, “mangkin dumun jero pecalang. Awinang titian ileh
– ileh makta api, santukan I Beduda sadina – dina ngai bang – bang ring margi – margine yan
titiang nenten makta suluh sinah titiang macelempung kebang – bange. Sane mangkin titiang
nunas pematut ring jerone.” I Lutung magebras ngalih I Beduda, saget tepukina I Beduda
disamping gokne.
 I Lutung matakon,”Ai…, Beduda corah, dadi iba ngawag – ngawag ngai bangbang
dijalane?, laksana ibane ngaenang gumi biut.” I Beduda mesaut dabdab, “ mangkin dumun jero
pecalang. Tetujon titiang mekarya bangbang pacing anggen titiang nanem bacin I Lembune, sane
mebrarakan ring margane, sinah yan Sang Prabu melancarang margine bersih ngawinang ledang
kayun idane. I wangke laksanan titiange sekadi sapunika? I Lutung maplengek lantas ngerimik,
“ nah yan keto unduke, I Lembu ane gumine biut, jani awake man ngewales corah laksanan ibane
maluan. Das – dasan awake kelembu di pasihe dugas iba ngutang awake diragane.” I Lutung
magebrus mejalan gencang ngalih I Lembu.
Ceritayang I Lembu sedek medem – medeman ngilang padang, jeg teke I Lutung pejalane
encol, kipekane merengang I Lembu nyapa alon, “ Inggih jero pecalang lunga kija mangkin?” I
Lutung mesaut bangras, “ ih Lembu, iba mula demen ngeletehin gumi kema mai muyagan bancin
ibane, jani iba patut kene denda mati. Iba lakar repotan kai ring Prabu Singa.”
“I Lutung laut mejalan ngerereh I Singa, diarep I Singane, I Lutung masila. I Singa
ngeraos, “ Ih I Lutung adakeh iba nepukin pakeweh nabdabang gumine?,” I Lutung mesaut
“nawegan Sang Prabu!, ipun Lembu sane purun tempal ring I Ratu, manah ioune mebalik, ipun
jagi ngadu ring I Ratu.” Mara keto raos I Lutung, I Singa pedih makpak, ngalih nyarap ukudang I
Lembune, lantas I Singa ngalih I Lembu kasarengin teken I Lutung.
Ceritayang I Lembu ketemu teken I Lelasan. I Lembu orahange dewekne repotange teken
I Lutung, sinah ia lakar sarape baan I Singa, I Lelasan seken ngeraos “ uduh Lembu de jejeh!,
seenune kaine hidup, konden karwan iba lakar mati, awake misadya nandingin I Singa.” Buin
kejepne saget teka I Singa ajak I Lutung, I Singa nyagjagin I Lembu, I Lelasan encol ngadang I
Singa sambilange mamunyi bangras, “ ih Singa cang tandingan ci!, yan kai suba mati mara iba
dadi nyarap I Lembu.” I Singa mamunyi bangras, “ ih Lelasan nyalah – nyalah kai ngelawan iba,
gediang awak ibane!, dosan I Lembu gede pesan, ia pantes kene denda mati?” I Lelasan ngucap,
“ ih Singa eda iba liunan pete mai metanding. Lawan icang. I Singa ngamuk laut nyarap, I
Lelasan saget mekelid tendasne ngigel ikutne kutal – kutil. I Singa pedih pesan laut ngengsebang
nguber. I Lelasan encol makecos ka tunggak tinge, I Singa ngansebang. Nyerap, saget tunggak
tinge kene sagrep, metatu bungut I Singa cuah – cuah pesu getih. I Singa nyelempoh lantas mati.
Nepukin I Singa mati I Lutung melaib bah bangun ngunggsi alas wayah.
TETUWEK SATUA I LUTUNG dadi Pecalaang :
- De nulad bikas ye I Lutung mapi – mapi ririh tur care negakin tain sampi.