KATUTURAN I KIDANG

Penulis:
NI PUTU EPRILIA SUWINTARI

2024
Di alas wayah ane kalintang madurgama tur serbi, liu
kone sarwa beburone ane nongos ditu. Punyan kayune
tegeh-tegeh tur gede-gede, majajar saling kuubin ajak
punyan tiing gesing ane bet ngeriung tur punyan
gegirang ane medui mangan-mangan.N Ade masi
punyan jake, celagi, teep, bayur, lan punyan biyu
mekejang pade mabuah nged.

1
Ane dadi ratu di alase tuah ya I Macan poleng. Awakne
gede, megigi mangan tur macaling renggah, mekuku
mangan, semaliha gelurane ngae beburon ane lenan
jejeh tur takut. Mekejang isin alase nyeh ajak I Macan
Poleng. Sawireh I Macan poleng sesai ngamah beburon
aneh cenik-cenik tur ane sing ngidang nyiagayang
dewekne.

2
 Sabilang ade beburon ane liwat ditu di alase, setate
amahe tur matiange. Mekelo-kelo liu burone nyeh liwat
di alas wayah ane tongosine ajak I Macan Poleng.

3
 Punggelang punang cerita, sedek dina anu, I Macan
Poleng ngalih amah-amahan meilehan. Sakewale uli
semengan nganti sanje tusing ade buron ane dapetange
ditu. Sawireh mekejang pada melaib ngungsi alas ane
lenan. Ditu I Macan Poleng payu mekente tusing
ngamah.Bas keliwat layah basangne.

4
 Laut I Macan Poleng ngojog tongos ane misi punyan
celagi liu. Biasane ditu ada dogen panak celeng clapat-
clapat. Yenade, sinah lakar matiange tur amahe. Keto
pemineh I Macan Poleng, laut mejalan srayang-
sruyung, lemet ulian mekente uli semengan.

5
meplayanan saling uberin. Ngetel kanti poosne I Macan
Poleng nepukin kucit liu, nah jani sube lakar ke sagrep,
payu jani awake ngamah. Keto munyine I Macan
Poleng. Mekecos I macan nyagrep kucit ane paling
mokohe, tur besbese basangne, cerete getihne, amahe
bene. Kucit ane lenan melaib pati silib takut dadi
tetadahan I Macan, Kucite amahe kanti kedas, tusing
mesisa kayang tulangne amahe.

6
Kucit ane lenan lantas melaib mesadu ajak para wadua
burone ane ade di tengah alase, ngorang ade macan
ngamuk tur mengamatiang timpal-timpalne Mekejang
sarwe beburone ane ningehang, pada jejeh tur takut,
sawireh I Macan Poleng tusing ade bani nantangin.
Kenkenang jani medaya, apange alase dedeg rahayu,
tusing ade I Macan ane sesai ngae duhkita.

7
 Ditu laut memunyi I Bojog Ireng:
"Nah yen sube keto jani, ede sube sumandangsaya bin.
Jani icang lakar nyiatin I Macan Poleng. Sawireh sube
liu masih burone ane matiange". Mare keto munyin I
Bojog Ireng, mesaut lantas I Kidang:
"Weh bojog, kaden cai aluh nyiatin Macan I Poleng?
Kadi rasa I Kebo ane ngelah tanduk sakti, tusing bani
nyiatin I Macan, sawireh ia ngelah kuku tur caling
mangan, awakne gede ganggas, tur bayune siteng.
Kenkenang cai ngelawan I Macan, sing buungan cai
lakar mati"

8
 "Bah, I kidang mule getap. Sing bani mesiat, mendep
sube, ede cai bani nungkasin isin keneh icange."
"Aduh cai bojog, ape cai tusing mepineh malu memunyi
buke keto? Kaden cai awak caine ngidang ngalahang I
Macan ane ngelah bayu gede totonan. Yen ngelawan
melaib-laiban, sinah I Macan ane menang. Ape bin
metanding mesiat, kudang buron kaden sube ngemasin
mati ulian mecentok ajak I Macan Poleng."

9
 "ane mati to, I Kucit ane tusing ngelah bayu tur sing
saje ririh. Ane jani, awake ane lakar kemu nyiatin I
Macan, ede suba sangsaya teken icang. Dugase malu,
leluhur icange ngempel pasih ngae kreteg Sutibanda,
mepitulung tekening Ida Bhatara Rama, ngentasin pasih
ditu ngungsi jagat Alangke. Nyiatin para raksasa sakti-
sakti, mekejang mati. Keto yen sakti bojoge pang cai
tatas nawang".

10
 Keto munyin I Bojog ireng, nigtig tangkah merase
teken awakne ririh tur sakti. Lantas mecruet mekecos
sambil nyerit nyagjagin tongos I Macan Poleng medem.
I Bojog nyagjag sada mengejengit ngedengang gigine
ane mangan, merasa teken awakne ririh, ikuh I Macan
Poleng paide.

11
 I macan kesiab menepukin bojog cekah saha nyerit
nagih mesiat. Enggalang bangun, I Macan laut mebalik
ngamis awak bojoge laut keentungang. Pati luntang,
awak I bojoge ketes sahasa mekaplug dibatune gede.
Awakne sakitange, telah benyah, konden maan
amongken meangkihan, I Macan poleng langsung
nyagrep I Bojog, basangne besbese, getihne mebrarakan
di tanahe.

12
 Payu I Bojog Ireng ngemasin mati ulian merasa teken
awakne andel tur ririh. Merasa teken sube sakti tur kuat,
care sesenggake, gangsaran tindakan kirangan naya.
Orte I Bojog ane ngemasin mati mesiat ngelawan I
Macan poleng, jani sube rame di tengah alase.
Onyangan isin alase, jejeh tur mepangenan ulian matin
ye I Bojog.

13
To mahawinan, lantas I Kidang memunyi: "Ne sube ane
takutin I dewek jani. Kaden sube saja sakti, kaden saja
sube awakne ririh, saha nagih mesiat ngelawan ratun
alase, buka ye I Macan Poleng." kone maan daya lakar
ngepet patin I Macan Polenge.

14
Mesaut lantas I Kidang: "Ih Cai Angsa ajak dadua, cai
setata nongos ditu di tukad tanggun kangine. Jani
mapan yeh tukade bin nyat, bin kebek, bindan sujatinya
yeh tukade kebek, yeh tukade ening, ditu icang lakar
ngekadaya bakal ngepet patin I Macan Poleng.

15
 "I Angsa laut nimpalin: "Yen unduk yeh tukade
takonang, bin limang dina uli jani, tukade pasti kebek,
ditu yeh tukade jeg pasti ening". "Nah yen sube keto,
kayang totonan, icang lakar ngekadaya buin, apange
ngidayang I Macan Poleng mengamasin mati". Keto
pesautne I Kidang, lantas sarwa burone pada mulih.

16
 Sube kone panumayan limang dinane teka Ditu jani I
Kidang mekecos, ngalih tongos I Macan Poleng
medem. Disubane bakatange, laut I Kidang memunyi
nyeritin I Macan Poleng: "Ih cai macan poleng cai.
Ngudiang cai ditu medem dogen, ape cai tusing sebet,
yen ade macan ane lenan nguasa dini di alase wayah?"

17
Mare keto dingehe kone munyin I Kidange, laut bangun
I Macan Poleng sambil mesaut bangras: "Weh Cai
kidang, ape ane orang cai busan? Pang cai nawang nah,
icang sube ratun alase dini, ane kuasa ken sarwa burone
ade di alas wayahne." "Ane pidan to orang cai. Ane
jani, sube ade macan ane lenan, ane aengan ken cai, ane
gedenan teken cai, ane sitengan tur ane ngelah
kesaktian luwihan teken cai.

18
" Mare keto dingehe ken I Macan, saha galak ia mesaut.
Merasa dewekne jani katunan teken macan ane lenan:
"Yen saja buke keto care munyin caine, uli dije
macanne ento? Ape ye uli alas doh mai, kelapu-lapu
ngungsi alas icange dini, saha dadi ratu. Ape ye sing
metolihan ke ibane malu, sawireh dini ade icang ane
dadi ratu kuase dini. Ih cai Kidang, jani ajak icang keme
ke tongos macanne ento, pang tawange, lakar siatin
icang jani, pang sepalaan, bangke tenasne". "Nah yen
keto, mai tugtug jani icang".

19
Disubane keto munyin I Kidange, laut I Macan Poleng
nugtug I Kidang uli duri. Disubane teke kone jani di
sisin tukade kangin, ane yeh tukade sedeng kebek, ditu
mereren I Kidang tur memunyi: "Nah dini ia sube
nongos di beten tukade. Ade macan gede sajan, yen cai
sing ngugu, tegarang tolih". Mare keto munyin I
Kidange, ngelantas I Macan maekin sisin tukade.
Tepukin jani lawatne pedidine di yeh tukade.

20
I Macan ngaden lawat ibane ento macan ane lenan, ane
orange teken I Kidang. Jeg sahasa mekecos I Macan
nyagrep lawatne pedidi. Dadi anyut jani I Macan,
mengeluran tulung-tulung, sing ade buron ane
ngerunguang. Pemekasne I Macan anyudang yeh tukad
tur mati dadi pekelem di tukade. I Kidang lege pesan
bayune nepukin ento.

21
Mekejang lantas mesuryak nyagjagin I Kidang. Sawireh
sube madan kasiddhaning don ape ane arepange teken I
Kidang lan sarwa burone ane ade di alase wayah.
Pemekasne, alase ento trepti jani, mekejang sarwa
burone hidup rahayu, tusing takut buin teken I Macan
Poleng.

22