SAMBRAMA WACANA

PARIKRAMA PERPISAHAN SISIA KELAS XII

SMA LAB UNDIKSHA SINGARAJA
WAKIL SAKING SISIA KELAS XII

.
Om swastiastu.
Bapak Ketua Yayasan Sekolah Lab Undiksha Singaraja
sane dahat wangiang titian.
Bapak Direktur Sekolah Lab Undiksha Singaraja sane
dahat wangiang titian.
Bapak Kepala Sekolah SMA Lab Undiksha Singaraja sane
dahat wangiang titian.
Bapak miwah Ibu Guru SMA Lab Undiksha Singaraja
sané Baktinin Titiang
Lan timpal – timpal sané Tresna Asihin Titiang

Angayu bagia ngaturang titiang majeng ring Ida Sang

Hyang Widhi Wasa santukan sangkaning asih lan pasuecan Ida,
titiang prasida masadu ajeng ring galahe skadi mangkin
majalaran antuk pemargin indik acara perpisahanné puniki.

Acara perpisahan inggih punika gumanti acara sané

rutin kalaksanayang nyabran ngwarsa. Mungguing suksmanné
wantah nyihnayang prosés pendidikan-né sampun mamargi
antar tur labda karya. Punika sampun nyihnayang Bapak lan
Ibu guru sampun prasida sidaning don sajeroning ngamel
wasta pahlawan tanpa tanda jasa, sakadi atur timpal – timpal
titiangé ring kelas XII. Duaning guru punika wantah sane
patut digugu lan ditiru, gumanti pinaka dados tatuladan
sajeroning ngmargiang swadharma ring sekolah.
 Nglantur, titiang ngaturang suksma majeng ring
pabesenné utawi piteketné i wau, dumogi ja malarapan antuk
pasuécan Ida Sang Hyang Aji Saraswati, titiang sareng sareng
sami prasida nincapang pangweruh, turmaning mangda seleg
tur jemet malajah, mangdané napi sané kaaptiang prasida
kapikolih. Tiosan ring punika, dumogi titiang satata susatya
ring baos miwah pituduh Bapak lan Ibu guru.
Sane mangkin timpal - timpal sareng sami sampun
kawastanin tamat saking sekolah iraga sane tresnain puniki.
Titiang nunas majeng ring timpal sareng sami sané pacang
nglanturang ka jenjang Perguruan Tinggi, mangda satata seleg
malajah, sampunang pisan purun piwal ring sapituduh guru tur
satata ngulati kalédangan kayun Bapak lan Ibu guru. Sapunika
taler majeng ring timpal – timpal sané nénten nglanturang
masekolah, mangda taler malajah, inggih punika ring
masyarakat. Ajah-ajah napi sané sampun polih ring sekolah
mangda kawigunayang sajeroning mapaayah-ayah ring
masyarakat.
Inggih sakadi asapunika prasida antuk titiang matur
nagingin galah sambrama wacana puniki. Pét pradé sajeroning
titiang matur, wénten atur titiang sané nénten manut sajeroning
arsa Ida Dane Sameton Sami, antuk punika lugrayang titiang
nunas agung rena pangampura. Pinaka pamuput atur titiang
sineb antuk parama santih.
Om, Santi, Santih, Santi Om.