NI PUTU MIRADINI

MASOLAH RING JEPANG

Kawikanan dane mabasa jepang, prasida ngateh Ni Putu Miradini dados duta pelajar
Indonesia. Mira renten dane ketah kasambat, duk juli lintang ngamolihang galah malancaran
gratis ka Negeri Matahari Terbit sareng plajar berprestasi sane tiosan ring sajebag
indonesia. Mira sane embas ring denpasar, 19 Juli 1993 polih aminggu suenne meneng ring
jepang.
” ten pocol tiang melajahin basa jepang. Kapilih dados duta relajar Indonesia punika
kewanggaan majeng dewek titiange”. Baos alumnusjurusan UPW SMK Pariwisata Harapan
Denpasar puniki saha kenyung.
Mira ngemolihang akeh pengalaman drika, pengalaman sane ngulangunin inggih punika
disiplin krama jepange. Ring makudang-kudang wewidangan krama jepang punika kalintang
kasub majeng disiplinnyane.
”Ring indonesia disiplin punike patutne praside kemargiang sakewanten mangdane
wenten kateleban lan kasekenan antuk nglaksanayang,” baos Mirah.
Mirah ngaptiang mangdane pemerintah ngwentenang program pertukaran pelajar sareng
Negara sane sampun maju. Minakadi sareng negara jepang sane sampun kasubung
kedisipinannyane.
Sane mangkin Mira dados mahasiswi jurusan UPW Poltek Bali. Selami ring jepang Mira
polih nyolahang igelan Joged Bungbung.
”Pengalaman sane nenten prasida engsapang titiang inggih punika rikale masolah lan
kaibing olih krame jepang”, Mirah nyerita.

Senin, 31 Oktober 2009 | BP

Pakeling Bulan Bahasa

SAJRONING NGRAMENIN BULAN BAHASA WARSA KALIH TALI SIYA/ DINAS PENDIDIKAN PEMUDA LAN OLAH RAGA KOTA DENPASAR
NGWENTENANG LOMBA MAPIDARTA/ MONOLOG MIWAH NGWACEN ORTI// WALIKOTA DENPASAR RING SAMBRAMA WACANANNYANE
MAOSANG/ LOMBA PUNIKI MAPIKENOH PISAN SAJRONING NYIHNAYANG KASUJATIAN BAHASA INDONESIA RING ANGGANING PELAJAR//

WALIKOTA DENPASAR IB RAI DHARMAWIJAYA MANTRA RING SAMBRAMA WACANANNYANE SANE KAWACEN OLIH ASISTEN TIGA GUSTI NGURAH
EDY MULYA NYANGGRA BECIK PAMARGIN LOMBA MAPAIKETAN SARENG BULAN BAHASA WARSA KALIH TALI SIYA// LOMBA SEKADI PUNIKI
WANTAH SILIH TUNGGIL UPAYA NGWERDIANG BAHASA INDONESIA RIKALA KATAH SANE NGANGGEN BASA DURA NEGARA / PAMEKASNYANE
RING ANGGANING PELAJAR// BASA INDONESIA PATUT KANGGEN BUKTI NYIHNAYANG KASUJATIAN WANGSA INDONESIA// MUNGGWING BASA
DAERAH SANE WANTAH PINAKA DASAR WENTENE BASA INDONESIA TALER PATUT WERDIANG// WALIKOTA NGAPTIANG/ BASA INDONESIA
MIWAH BASA DAERAH PAMEKASNYANE BASA BALI MANGDA KANGGEN RING ASING-ASING SWAGINA SAKING PARA YOWANANE/ BILIH-BILIH
DENPASAR KARENCANAYANG PINAKA KOTA SANE MEDASAR BUDAYA/ MAWINAN NGANGGEN BASA INDONESIA LAN BASA BALI MUSTI
NGANGSAN MABOBOT// WALIKOTA TALER NGAPTIANG ANGGANING SEKOLAH MANGDA SETATA NGWENTENANG PEMBINAAN-PEMBINAAN
NGANGGEN BASA INDONESIA SANE BECIK TUR PATUT// KADISDIKPORA KOTA DENPASAR GUSTI LANANG JELANTIK MAOSANG/ BASA PINAKA
PIRANTI SANE NGRATEPANG WANGSANE/ SEKADI SANE SAMPUN MUNGGAH SAJRONING SUMPAH PEMUDA DUK TANGGAL ULULIKUR OKTOBER
WARSA SIYU SANGANGATUS ULULIKUR// DUANING PUNIKA/ MAKA CIHNA NGWANGIANG SAHA NGWERDIANG BASA INDONESIA
ANGGANNYANE NANGKEN NGWENTENANG LOMBA SANE MAPAIKETAN SARENG KEBAHASAAN/ SEKADI LOMBA MAPIDARTA/ NGWACEN ORTI
MIWAH MONOLOG// RING KAKUUB JAGATE MANGKIN BASA WANTAH PIRANTI SANE KANGGEN NGRATEPANG WANGSANE SAJRONING NEPASIN
KEMISKINAN// PAKELING BULAN BAHASA PUNIKI NGUNGGAHANG TEMA “PENGGUNAAN BAHASA INDONESIA YANG BAIK MERUPAKAN CERMIN
PIKIRAN YANG POSITIF”//
PAMAHBAH LOMBA INUCAP KERAMENIN ANTUK NGATURANG TEATER LIMAS SMA NEGERI LIMA DENPASAS// LOMBA SANE KELAKSANAYANG
RING SMA NEGERI LIMA DENPASAR PUNIKI KESANGGRA BECIK OLIH PARA PELAJAR RING KOTA DENPASAR//
(KMB)

Senin, 22 Maret 2010

NYEJER

Pamahbah:
Orti mabasa Bali puniki wantah anut ring budaya Baline kadi mangkin. Utamin ipun anak-anak
muda utawi anak gaul mangdane sareng-sareng taler ulatiang indik sakadi puniki, bilih ipun basa
Bali sane kasurat ring ungkur teleb pisan dagingnyane. Ngiring sareng-sareng wacen, nureksa lan
telebang kayun soang-soang

Nyejer
Olih I Wayan Lugraha

Sarahina sesampun kamargiang upakara Melasti Déwa Cili, nemoning panglong a pisan sasih
Kasa Prawatek Déwata sajebag Désa Pakraman Kutuh kalinggihang ring Balé Panjang utawi
Balé Agung Pura Desa. Nganutin dresta krama désa ring galah puniki ngaturang upakara pinaka
srana bakti ring sesuhunan makasami. Saking semeng jantos wengi kramane rauh slegenti
ngaturang bakti. Wénten sané wau rauh, wénten sané budal. Yukti rame pisan kawéntenané.
Upacara puniki kawastanin upacara Nyejer.

Nyejer kruna lingganipun jejer sané maartos ajeg, jegjeg, tegak. Jejerang, ajegang, jegjegang
maarti tegakkan. Ring upacara Nyejer madué kasuksman sané dahating utama sané patut
kauningin, resepang tur laksanayang. Prawatek Déwata sané kanyasayang antuk pratima, arca,
lan sané tiosan wénten sané marupa macan, singa, lembu, jangkep taler antuk uparengga,
mabusana sarwa dumilah lan suci. Ring pakraman Kutuh indik Prawatek Déwata punika
kabawos Auban. Satmaka betara-betari makasami (kabeh) tedun sané pacang nodia, micayang
pawarah-warah ring damuh ida makasami. Ida sesuhunan saking niskala pacang parama lédang
yan pradé krama sangkaning bakti madasar tulus nunas karahayuan. Ida saking niskala sampun
masikian ring sané kanyasayang antuk parikrama “parum agung niskala” ring Balé Panjang.
Sapunapi sapatutnyané krama makasami? Sangkaning “parum agung niskala” raris metu pikayun
pacang nulad parilaksana punika. Sida raris ring sakala krama gilik saguluk salunglung
sabayantaka paras parau sarpanaya. Wantah puniki sané syarat jujur ring kahuripan sajeroning
désa pakraman. Kapikukuhan nyejerang, ngajegang dresta agama ring kahuripan. Pamargin
dresta agama ring désa pakraman mangdané tetep lestari sadirga yusa. Yan pradé krama nénten
magilikan janten pisan nénten sida pacang ngamargiang dresta agama. Désa pakraman wantah
genah utama ngajegang agama sané kalimbakang antuk dresta mawacara. Ring upacara
Nyejerpuniki satiosan mangaturang sembah bakti ring sesuhunan taler utama pisan anggé
matemu wirasa ring pasametonan, anggé ngraketang pasawitran, pakulawargan, pasidikaran
miwah sakancanipun. Para pamangku, prajuru, panglingsir, moncol désa pinaka conto sané becik
anggé tetuladan. Galah puniki becik anggé srana madharma tula niténin indik dresta, agama,
dharmaning kahuripan makapamekas indik nyungsung sesuhunan ring désa pakraman. Taler para
yowana nénten surud-surud malajahang angga, setata pedek tangkil ring sesuhunan, parek ring
para panglingsir, moncol désa santukan wantah yowana sané pinaka pawaris dresta agama.
Sapasira malih yan tan yowana pacang nglestariang indik dresta agama druéné.

Nyejerang agama boya ja sarahina kéwanten, nanging mangda sarahina-rahina. Ngajegang dresta
agama boya ring pura kéwanten sapatutnyané ring sahananing lampah lan genah. Upacara Nyejer
pinaka salah sinunggil tunggul pangeling-eling mangda i manusa satata jejer, éling ring
kasuksman urip. Sanghyang Widi Wasa nedunang agama pinaka titi pangancan ring kahuripan
sané kabuatang pisan olih i manusa. Titi agama puniki sane kalimbakang marupa makudang-
kudang sastra agama sané anggé sepat siku nuntun kahuripan. Kabaosang wantah i manusa
wantah sane kanugrahin Tri Pramana inggih punika bayu, sabda, lan idep. Pramana idep puniki
sané minayang manusa ring prani sané tiosan minakadi buron lan tumuwuh. Buron madué dwi
pramana inggih punika bayu lan sabda. Tumuwuh madué éka pramana wantah bayu kéwanten.
Sangkaning idep puniki i manusa prasida pacang mawiwéka ring kahuripannyané. Rumasuk
sapunapi ngemban urip sané patut. Mautsaha setata migunayang wiwéka antuk pangancan
sanghyang agama taler maduluran nunas ica ring sesuhunan. I manusa wantah mautsaha nanging
sané mastikayang wantah ida sesuhunan. Sangkaning wiwéka i manusa ngrincikang pamargin
agama raris ngwetuang budaya agama. Ring sajeroning magama Hindu sané patut kawangun
wantah budaya Hindu. Malarapan budaya kasinahang agama punika. Duaning asapunika
“Ngiring ngabudayaang agama, boya ngagamayang budaya.”