Materi Ajar

 Kesusastraan Bali
Kruna kesusastraan mawit saking kruna sastra polih pangater su- miwah konfiks
ka-an. Kruna sastra mateges ajah-ajahan. Pangater su- mateges luih-becik, konfiks ka-an
nyinahang artos kawentenan.
 Kasusastraan inggih punika kawentenan ajah-ajahan sane luih/becik.
 Kasusastraan Bali inggih punika saluir ajah-ajahan utawi kaweruhan sane
becik, pakaryan para wagmine ring bali sae kasurat mabasa bali, inggian
nganggen aksara bali miwah huruf latin.
 Tetujon nyelehin kasusastraan Bali
Tetujon nyelehin utawi melajahin kasusastraan bali kadi ring sor :
 Anggen tetimbangan utawi madabdabin budaya bali ri kala ngarepin aab
jagat.
 Ngwikain nilai-nilai budaya adiluhung sane pacing mawiguna sajeroning
ngelimbakang budaya bali
 Kanggen nincapang rasa bangga makrama bali.
 Kanggen nincapang seni, ileh-ilehan, miwah unen-unenan ring bali.
 Molihang daging-dagingtatwa agama pinaka tuntunan karakter kanggen
nincapang srada baktine ring Ida Sang Hyang Widhi Wasa.
 Kakuwub susastra Bali
Yening uratiang saking basa sane kanggen nyurat utawi maosang susastrapunika
wenten nganggen basa bali, basa jawi, taler wenten nganggen basa bali tengahan utawi
jawa tengahan.
1. Manut masa kawentenannyane
Yening selehin saking masa kawentenanipun, kasusastraan baline kakepah
dados 2 soroh :
 Susastra bali purwa (sastra tradisional) minakadi :
- Gancaran
- Tembang
 - palawakia
 Susastra bali anyar (sastra modern) minakadi :
- Prosa (cerpen, novel drama)
- Puisi bali anyar
2. Manut tata cara nglimbakang
Yening selehin saking tata cara nglimbakang utawi malajahin susastra
punika, kasusastraan bali kakepah dados 2 soroh :
 Susastra tutur (sastra lisan) minakadi :
- Gegendingan
- Satua-satua
- Paribasa bali
 Susastra sasuratan (sastra tulis) minakadi :
- Mawangun puisi bali anyar
- Mawangun tembang (geguritan, kidung, kakawin)
- Mawangun gancaran/fiksi (cerpen, novel drama)

Kasusastraan Bali kakepah dados 2 inggih punika

1. Kasusastraan Bali Purwa inggih punika karya sastra sane sampun wenten duk ilu tur
pidagingnyane akeh indik tutur-tutur sane kalintang luih.
Kasusastraan bali purwa wenten mawangun :
a. Gancaran inggih punika kakawin utawi karya sastra sane nenten kaiket antuk
uger-uger.
Kasusastraan bali sane mawangun gancaran :
- Satua-satua
- Wiracarita
- Itihasa/parwa
b. Tembang utawi puisi inggih punika kakawin utawi karya sastra sane kaiket
antuk uger-uger. Manut wangunnyane tembang kakepah dados petang soroh
sane kabaos sekar, minakadi :
- Sekar Rare (Gegendingan)
 - Sekar Alit (tembang macepat, )
- Sekar Madia (kidung utawi tembang tengahan)
- Sekar Agung (wirama utawi tembang gede)
2. Kasusastraan Bali Anyar inggi punika kasusastraan sane nganutin panglimbak
pamargin kesusastraan Indonesia baru.
Sane ngranjing ring kesusastraan bali anyar , minakadi :
- Puisi bali anyar
- Novel
- Cerpen bali anyar
- Drama bali anyar.