SEMBRAMA WACANA

Kompetensi Dasar :
3.1 Memahami struktur dan kaidah wacana non sastra,
Sembrama Wacana dan laporan berbagai kegiatan secara
lisan dan tulis
4.1. Memproduksi téks Sembrama Wacana dan laporan
berbagai kegiatan secara lisan atau tulis

PERTEMUAN KE 1
Indikator :
3.1.1 Menjelaskan difinisi Sembrama Wacana.
3.1.2 Mengidéntifikasi kerangka Sembrama Wacana
3.1.3 Menyusun pokok pikiran kerangka Sembrama Wacana.
3.1.4 Menyebutkan kerangka laporan
3.1.5 Menyusun ide pokok yang akan disampaikan dalam laporan
3.1.6 Berlatih membuat laporan singkat tentang suatu kegiatan
4.1.1 Membuat téks Sembrama Wacana

PERTEMUAN KE 1
I. TEGES SEMBRAMA WACANA

Sembrama Wacana inggih punika bebaosan

sané katlatarang sané daging lan tetueknyané
ngenenin indik nyanggra utawi nyapa para
uleman ring sajeroning upacara adat, agama
miwah acara sane lianan

PERTEMUAN KE 1
II. SOROH SEMBRAMA WACANA MANUT
TATACARANE MAKTAYANG

1. Sembrama Wacana Dadakan, inggih punika ri kala maktayang

Sembrama Wacana nenten nganggén téks, riantukan sang sané
nyanggra uleman (sane maktayang Sembrama Wacana)
nadaksara kasudi mangda nyanggra para uleman.
2. Sembrama Wacana Kawacen, inggih punika Sembrama
Wacana sane sampun kaparidabdabang, sampun maduwe
teks,tur ri kala maktayang Sembrama Wacana ngawacen téks,
riantukan sang sané maktayang Sembrama Wacana punika
sampun jangkep sareng naskah sane jagi kawedarang

PERTEMUAN KE 1
3. Sembrama Wacana Kaapalang, inggih punika
Sembrama Wacana sané sampun kaparidabdabang,
sampun maduwe teks, tur sampun keapalang, raris
rikala maktayang Sembrama Wacana sang sane
ngawedar sembrama nénten nganggénteks utawi
ngawacen téks / lisan.
4. Sembrama Wacana Ringkesan, inggih punika
Sembrama Wacana sané sadurung kabaktayang
sampun nyiagayang naskahnyané sané marupa
sesuratan unteng-unteng Sembrama Wacana
kéwanten.

PERTEMUAN KE 1
III. WANGUN SEMBRAMA WACANA

Sajeroning makarya Sembrama Wacana patut uning indik

tata cara ngaryanang Sembrama Wacana punika sakadi :
1. Murda : Murdan Sembrama Wacanane mangda anut ring
topik sane jagi kabaktayang.
2. Pamahbah : Pamahbah patut madaging pangastungkara,
Pangrastiti ring Ida Sanghyang Widi, matur pangayubagia
majeng ring para uleman sane sampun ledang rauh.

PERTEMUAN KE 1
3. Daging : Daging Sembrama Wacana, mangda anut ring
topik acara sane kamargiang mangda para uleman tatas
uning ring indik lan pamargin acarane.
4. Pamuput : Pamuput patut madaging panyuksma
majeng ring para uleman sané sampun prasida rauh
micayang uratian lan pangrastitine majeng ring acara sane
kemargiang, matur nunas pangampura antuk kakirangan
ri kala nyanggra para uleman, taler panyineb antuk
parama santih.

PERTEMUAN KE 1
IV. TETIKESAN SEMBRAMA WACANA

1. Wicara inggih punika kawagedan utawi kawikanan ring

sajeroning indik daging bebaosan (penguasaan materi). Rikala
maktayang Sembrama Wacana bebaosane patut manut ring
topik Sembrama Wacana sané kabaktayang, mangdané prasida
nudut kayun para uleman sane miragiang.

2. Wirasa inggih punika kewagedan sajeroning ngaresepang lan

ngerasayang daging bebaosan (menghayati). Ritatkala
maktayang Sembrama Wacana kacihnayang antuk pangrasa
mangdané para uleman sané sampun rauh rumasa bagia
santukan sampun kasanggra becik.

PERTEMUAN KE 1
3. Wiraga inggih punika semita lan laras (gerak tubuh)
sang sané maktayang Sembrama Wacana, mangda
anut ring daging sembrama sane kabaktayang

4. Wirama inggih punika intonasi suara, vokal, tanjek

bebaosan rikala maktayang Sembrama Wacana
mangda anut ring punggelan lengkara, punika sane
ngawinan lengut kapiragi olih para uleman sami.

5. Wesata inggih punika kewagedan ring sajeroning

nyobyahan utawi ngalimbakang daging bebaosan

PERTEMUAN KE 1
 TUGAS PERTEMUAN 1 (KD 3.1)
Cawis soal ring sor puniki antuk cawisan sane patut. Kakaryanin ketik ring
Ms Word, option lan keterangannyane. Conto : Soal no 1, (B. Wesata)

1. Sembrama Wacana inggih punika bebaosan sané daging lan tetueknyané

nlatarang indik
a. ngenenin panyanggra utawi nyapa para uleman ring sajeroning upacara
adat, agama miwah acara sane lianan
b. ngenenin pamuput acara ring sajeroning upacara adat, agama miwah
acara sane lianan
c. ngenenin daging ajahan agama ring sajeroning upacara adat, agama
miwah acara sane lianan
d. ngenenin pidato umum indik sosial kemasyarakatan
e. ngenenin gatra utawi orti ring sajeroning upacara adat, agama miwah
acara sane lianan

PERTEMUAN KE 1
2. Manut ring tatacara maktayang, sambrama wacana kakepah dados …
soroh
a. 1
b. 2
c. 3
d. 4
e. 5
3. Nadaksara kasudi mangda nyanggra para uleman, kawastanin
sembrama wacana
f. Kawacen
g. Kaapalang
h. Dadakan
i. Nganggen teks
j. Nyapa uleman

PERTEMUAN KE 1
4. Daging Sembrama Wacana, mangda anut ring
a. Uleman
b. Pemahbah
c. Pacutetan
d. Panyanggra
e. Topik acara sane kamargiang
 
5. Kewagedan ring sajeroning nyobyahan utawi ngalimbakang daging
bebaosan, kawastanin
f. Wirama
g. Wicara
h. Wesata
i. Wiraga
j. Wirasa

PERTEMUAN KE 1