METABUH KA SURYA

Kesurya dumun metabuh,

Menunas wara nugraha,
Ring Hyang Reseng Gana dumun,
Mangda sweca ngalugrahin,
Petabuhe mangkin kawitin,
Toya dumun keparekan,
Sajeng arak berem nurut,
Patih Hyang surya menampi.

Timbalang malih metabuh,

Ring ajeng plinggih mokiane,
Sampun puput nyane iku,
Aturang asepe rihin,
Ring Ida Sang Hyang linuwih,
Peresanak ida nudonan,
Margiang mangkin pukulun,
Titiang ngiring menabuhin.
Canang cane ambil dumun,
Aturang taler igele,
Nyiriang dedarinan sampun,
Puput raris keasepin,
Petabuhe mangkin kereang,
Dulurin sahe kidung,
Tapan anggen menabuhin.
 METABUH RING PEWAREGAN

Ring pewaregan mangkin metabuh,

Saha cane miwah asepe,
Dulurin gelagar dayung,
Batara Brahma kaastuti,
Mangda ledang nyukla nyari,
Saupa karane pada,
Manunas rahayu,
Puput raris ketabuhin.
 PENGUBENGANE KETABUHIN

Pengubenganne ke tabuh,
Sampun jangkep tabuhane,
Batara arsa andalu,
Batara ider buana astuti,
Aturin kukus lan wangi,
Upakara sampun metendah,
Saha linggih sampun,
Rawuh ring guling bebangkit.

Om Hyang Sesuhunang Agung,

Kaula nunas lugrane,
Mangkin ledang mengerungu,
Petabuha saha gurit,
Mantuk ring linggih batara sami,
Miwah ring ancangan ida,
Upakara sampun katur,
Titiang ngiring menabuhin.
Petabuhe jangkep sampun,
Ring jero muang jaba tandege,
Nawegang titiang umatur,
Sepiang legonge mangkin,
Taksu legonge kapuji,
Titiang ngaturang petabuhan,
Dulurin sahe kidung,
Tapan anggen menabuhin.

Inggih jero sekan gong,

Titiang lintang nyuksmayang,
Tan pegatan pada nabuh,
Cirin telebe subakti,
Mekenta megadang tuwi,
Kalih kirang npanyembrama,
Malih munjuk lungsur,
Agung sinampura ugi.
Kendang cengen anut pupuh,
Mengedumang tuah riyonge,
Anut gending meayu-ayu
Gangsane menyelangkitin,
Mangdane sida mekilit,
Nganggon gending bebarisan,
Rikala metabuh,
Gong kempul mengangselin.

Bacakan gemblunge kaitung,

Taler asia akehnyane,
Riyong jublag miwah kempul,
Gong kendang cengceng lan kempli,
Gangsa miwah bebende malih,
Banten suci kasuksmayang,
Lalegongan anut,
Nyuciang kayune mangkin.
Agem igele metabuh,
Tanjek kejite merayang,
Anutang ring angsel kempul,
Tangane ayunang kalih,
Babokongane elogang tuwi,
Ngees pemargine banban,
Gending mengererengut,
Solah bakti menabuhin.

Ana ia sarining tutur,

Iwarga sari tembange,
Entone mungguh ring kidung,
Batarane ane luwih,
Entone mekarya gumi,
Mayoga gumi sumedang,
Batu padma iku,
Dadi tulang gumi.
Suka dukane tumurun,
Sah ring catur begawane,
Dewa manusane turun,
Wariga kidung kekawin,
Dewa gama sastra aji,
Wisada lan japa mantra,
Sami pada turun,
Gumana ngentegang gumi.

Tunjungi di Gedong batu,

Kadi bulan purnamane,
Tunjung emas aran ipun,
Putih sarinyane kuning,
Tongada ane manggihin,
Manginka sada arang,
Manusa ne putus,
Ento dogen memanggihin.
Kenken ane madan putus,
Astiti bakti ring dewane,
Ring buta kala punika,
Sediane tuah astiti,
Sadina-dina mebersih,
Sai ngaturang canang,
Batarane agung,
Turun ida Sang Hyang Widhi.

Angine mengaji tuwuh,

Manguripang mertane,
Pasti Ida Hyang ngelingin,
Toyan batune nasarin,
Geni desa batu punika,
Tirtane berumbun,
Mewadah gadah kuning manik.
Wajik cane mangkin katur,
Kasurya rihin margian,
Dulurin gelagar dayung,
Ider kidung angen nampi,
Kahyangan pemarep sami,
Mengider sejeroning pura,
Puput ider kidung,
Kereang ngaturang linggih.

Tembe san menampi dayung,

Punapi daging dayunge,
Arak berem sarin tahun,
Pucunge pajang diduri,
Jemak gelagare mengilgil,
Jejeh limane mengetor,
Tetabuhane ulung,
Dayunge ngutaltil.
Katake mebudi hidup,
Masilihan batan tunjunge,
Mekecog menek ka luhur,
Melampeh nganteg ring langit,
Sangkan ada matan ai,
Ditu bulane sayang katon,
Bintange merumpuk
Menyuluhin gumi.

Suba ada pasih danu,

Medaging paturu toya,
Mumbul menyujuh ambun,
Dadi balembong dilangit,
Remrem surya para jani,
Peteng diet punang jagat,
Dadi mega mendung,
Dadi ujan angin.
Sabehe suba tumurun,
Tumiba ring pretiwine,
Menadi belabar agung,
Toyan danu toyan pasih,
Ngaja ngelod dadi abesik,
Batan gumine mengambah,
Nyusup dadi damuh,
Ngamertanin gumi.
 RING LESUNG

Metapa di bukit lesung,

Aja wera ke budine,
Gagodane teka nerudus,
Uli arep bilang samping,
Ada ngabah cobek cenik,
Ada ngabah cobek belah,
Kaos dadas kaos parus,
Yang tan mengidep munyi.
 DEWASA NANDUR

Sarin padi buntak tuwung,

Padi barak cendanane,
Punika mustikaning pantun,
Ketan injin menyarengin,
Anggen nabe nika sami,
Menayuhin punang jagat,
Menadi sarwaning tahun,
Ring sawah ida ngebekin.
 ANGGEN RING LUMBUNG

Sarin padi buntak tuwung,

Padi barak cendanane,
Unggahang ida digedong lumbung,
Wadahin dulang mocatri,
Payasin cempaka putih,
Penganggene petak ika,
Suda mala jepun,
Kemerakan sari.
 MEJUGARAN RING BEDUGUL

Jero ketut utengne nyantung,

Gede pesan sesangine,
Mesanggup ngaturang bungkung,
Bungkung timpas bungkung kandik,
Bungkung mutik sedeng dikacing,
Negen keranjang gegalaran,
Nututan sampi lukuh,
Megantung kundali.

Titiang petani pemacul,

Ngaryanin carik tegale,
Menandur kasela jagung,
Kerta masa nandur pada,
Nunas ica ring Batara Sri,
Menadi sarwa tanduran,
Mangda pada mupu,
Ring carik tegale sami.
Pangina dadi manuk,
Ulele nika wastane,
Metaluh sampun tatelu,
Lekad putih bungutne kuning,
Katur ring Ida Batara,
Nunas mangda rahayu,
Nunas merta sanji wani.

Masa maya Ida turun,

Melinggih ring perahu mase,
Perahu mas endih murub,
Metiang sarwa mas manik,
Masesocan mas sinanggling,
Layare kelap-kelap,
Mebidak medayung,
Ida turun ke Bali.
 PELINGGIHAN IDA BATARA

Malinggih ring gedong sampun,

Munggwing punika ke gedonge,
Gedong menyan gedong madu,
Supacara sarwa ngerawit,
Dumilah ring pura suci,
Sinaiban pajeng robrob,
Tuwek payung pagut,
Lalontek lan pegawin

Sampun ida meraga putus,

Raris munggah ke gedonge,
Gedong ratna sakeng luhur,
Hyang Wiswa karma mekardi,
Mekori mas ngerawit,
Megocira windu sara,
Sasocane mancur,
Sarwa mirah manik.