SWASTYASTU

Ginanti

Swastyastu ne keatur,

Titiang jagi menyarengin,

Mengaturang gegendingan,

Melila cita sareng sami,

Kirang langkung atur titiang,

Sinampura sareng sami.

NUNAS LUGRA

Titiang nunas lugra ratu,

Mangugah preragane,

Doning titiang lintang dusun,

Tuara nawang kauh kangin,

Kaja kelod tuara uning,

Punika tunasang titiang,

Ring Ida Bhatara Guru,

Apang titiang tuara sisip.

MENDAK BHATARA

(wargasari)

1.Asep pejati wus katur,

Mendak Ida Bhatarane,

Peneteg lan canang arum,

Canang gantal canang sari,

Parekan pada menangkil,

Pedek sami nunas ica,

Ngadpada manyungsung,

Mengaturang palinggih.

2.Tengeran Bhatara rawuh,

Ketug lindu manggalana,

Kilat tatit kuwug-kuwug,

Dumilah ngadeg ring langit,

Raris maduluran angin,

Mangalinus maring jagat

Rempak taru rubuh,

Katibanan angin.

3.Bhatara makire tedun,

Anglayang diambarane,

Busanane sarwa murub,

Tur anunggang wyalapati,

Warnane angresing hati,

Risampun prapti ring pura,

Ancangan tumurun,

Natasang pelinggih.

4.Dibale manike luhung,

Mapanyengker ring tlagane,

Kadagingin tunjung tutur,

Tunjung bang tunjung putih,

Ring madyaning bale alit,

Ida Bhatara mabawos,

Nganggit sekar jepun,

Sekarang memargi.

MARGI LINGGAH

Margi linggah sane ketuju,

Pemargine ngaler kangin,

Rawuh maring jaba tengah,

Bhetarane sami tedun,

Malinggih ring joli emas,

Masesocan,

Sarwa mirah sane melah.

WARGA SARI

1.Purwakaning angripta rum,

Ning wana ukir,

Kahadang labuh kartika,

Panedenging sari,

Angayon tangguli ketur,

Angringring jangga mure.

2.Sukania harja winangun,

Winarna sari,

Rumrumning puspa priyaka,

Ingoling tangi,

Sampuning riris sumahur,

Munggwing Srengganing rejeng.

IDA RATU

1.Ida ratu saking luhur,

Kawula nunas lugrane,

Mangda sampun titiang tandruh,

Mengayat bhatara mangkin,

Titiang ngaturang pejati,

Canang suci mwang daksina,

Sarwa sampun puput,

Pretingkahing saji.

2.Asep menyan majagahu,

Cendana nuwur dewane,

Mangda ida gelis rawuh,

Mijil saking luring langit,

Sampun medabdaban sami,

Maring giri meru reko,

Ancangan sadulur,

Sami pada ngiring.

3.Bhatarane saking luhur,

Ngagegana diambarane,

Penganggene abra murub,

Parekan sami mangiring,

Widyadara Widyadari,

Pada madudon dudonan,

Prebhawa kumetug,

Angliwer ring langit.

4.Dibale manike luwung,

Mapanyengker ring telagane,

Kadagingin tunjung tutur,

Tunjung abang tunjung putih,

Ring madyaning bale alit,

Ida Bhatara mabawos,

Nganggit sekar jepun,

Sekarang ke Bali.

5.Ring bale emase parum,

Linggih Ida Bhatarane,

Bale mas ngranyab murub,

Upacara sarwa luwih,

Luhure sutra putih,

Ida Bhatara mabawos,

Bawose diluhur,

Pacang turun gelis.

BRAMARA NGISEP SARI

1.Om om sembah i katunan,

Dumadak juwa keaksi,

Munggwing pangubhaktin titiang,

Diastun langkung tuna sami,

Pakirang artha wibawa,

Nista solah lawan wuwus,

Miwah banget hina budhi.

2.Mogi tan kecakra bhawa,

Titiang i katunan sami,

Nista kaya wak lan manah,

Langgeng ngulami Hyang Widhi,

Sang suksma maha acinthya,

Nirbhana siwa kasengguh,

Singidang ring tampak aksi.

NING SUCI

Ning suci bhakti sumawur,

Canang tetep pingature,

Tetep labe putih kuning,

Pametik jepun sumadi,

Jambe anom ludra tiga,

Papijitan soroh lumlum,

Gande maosari.

NGASTAWA DEWA

(adri)

1.Tembang adri pengastawa ayu,

Ngastawa Ida Bhatara,

Ngastiti Ida Hyang Widhi,

Dasa indria sami kumpul,

Panca wisayane kumpul,

Malih maring rasa sukla,

Ring putih hati manerus,

Bayu sabda idep sukla,

Anggragap pranawa sukla.

2.Egar manah ira ngesti hayu,

Ngesti Bhatarane,

Kalih Ida Sang Hyang Widhi,

Madak ica ida nerus,

Betel kangin betel kauh,

Ngulayang ka welas harsa,

Angestiang brata sadhu,

Ngesti Ida Hyang Bhatara,

Nunas sarining amerta.

TURUN TAUN

1.Turun taun sigedong sari,

Mumbul katon swarga mulya,

Langan de side nurunang sari,

Sarin mretha sarin sedana,

2.Kukus katon siputiq jati,

Margan de side siq micayang,

Muncrat mencur tirtan de kaji,

Sweca de kaji bepaica.

3.Kaji ngaturang pangubhakti,

Bhakti nunas panugrahan,

Muncar katon gedong de kaji,

Atep maniq kertha muliya.

4.Lawang emas winten sari,

Tmbok emas becerancang,

Bepelinggihan kursi maniq,

Pengayah atep lq natar.

MANDAMALON

OOO/O-O/-OO/O-O/O-O/OO

1.-.Stutinira tn tuls Sinahurn paramrta iwa,

-.Anaku huws katn Abimantnta temnta kabeh,

-.Hana pangangrahngku adhu skti winmba sara,

-.Pasupati sstra kstu Pangarnnya nihn wulati.

2.-.Wuwus sira Snghyang wara mijl tang apy ritangan,

-.Wawang asarra katra mangnditakn warayang,

-.Tinarima Sng Dann Jaya tikng sara sksma tika,

-.Nganala sarra stmaka lawn warayng wekasan.

3.-.Kretawara Sng Dann Jaya manembh hat pranata,

-.Pinisalinn lars makuta Tan han kalah hlah,

-.Winara warh sirng aji danr dara sstra kabeh,

-.Kreta semayng prayga dadi sksme Bhatra iwa.

4.-.Sahasura sddha rana parng kesana snia mwah,

-.Rasa tanirt hidp nrepati putr katnanira,

-.Kadi masaln sarir suka tan pabalk prihati,

-.Satiru tirn kretrta sira den kadhira nira.

5.-.Hanamara jnma tn pamihutang brata yga tapa,

-.Angentul amnta wrya sukanng Widh saha sika,

-.Binalikakn purh nika lwh tinemnia lara,

-.Sinakitanng rajh tamahinn dehning prihati.

PUPUH JERUM

1.Kidung pangundang ring bhuta,

Basa lumbrah pupuh jerum,

Bhuta asih Widhi asung,

Caru pasajene reko,

Genep saha upacara,

Manut warna lawan ungguh,

Sekol iwak pada bina,

Olah-olahan sadulur.

2.Pangideran panguripan,

Kangin panca putih mulus,

Kelod siya barak mungguh,

Kawuh kuning pitu enggon,

Kaje selem urip patpat,

Manca warna tengah brumbun,

Akutus panguripannya,

Babhutane manut ungguh.

3.Kangin ring angin magenah,

Kelod ring api amungguh,

Ring tanahe sane kawuh,

Kaje ring toya manongos,

Ring embange bhuta tengah,

Malih sane bilang bucu,

Manut urip lawan warna,

Tengos babhutan karedung.

4.Kaje kangin urip nemnem,

Yen ring warna rupa klawu,

Kelod kangin hurip kutus,

Nasak gedang warna kawot,

Kelod kawuh warna kwanta,

Panguripannya tetelu,

Kaje kawuh warna gadang,

Jati tunggal hurip ipun.

5.Babhutania ne kinucap,

Prete pisaca aran ipun,

Bhuta kala dengen rusuh,

Ring durgama ne manongos,

Ring alas tukad segara,

Ring pangkung pangkung kredung

Genep sami siya warna

Kang inundang sida rawuh.

6.Yan sira sampun wus nadah.

Gati prasama mewantuk,

Ngungsi unggwane swang mantuk

Aja mami gena wong,

Miwah mami gena yadnya,

Asih kumasih satuwuk,

Ngawe degdeg jagad raya,

Jane pade manggih hayu.

NGIRING MANGKIN

Ngiring mangkin tampekang

Malinggih raris mebhakti,

Mengayat ngaturang canang,

Canang sari segewan daun,

Maduluran canang gantal,

Sajeng sari,

Kukuse mengasti dewa.

MERDUKOMALA

---/OO-/O-O/OO-/O-O/OO

1.-.Ong sembahning anata tinghalana detriloka sarana.

-.Wahyedyatmika sembahning hulun, ijengta tan hana waneh.

-.Sang lwir agni sakeng tahen kadi minyak sakeng dadi kita.

-.Sang saksat metu yan hana wang amuter tutur pinahayu.

2.-.Wyapi wyapaka sarining parama tatwa durlaba kita.

-.Icchantang hana tan hana ganal alit lawan hala hayu.

-.Utpatti sthitti linaning dadi kita ta karana nika.

-.Sang sangkan paraning sarat sakala niskalatmaka kita.

TOTAKA

1.aiwimba haneng ghata mesi banyu

Ndanasing suci nirmala mesi wulan

Iwa mangkana rakwa kiteng kadadin

Ring angambeki yoga kiteng sakala

2.Katemunta mareka sitan katemu.

Kahidepta mareka sitan kahidep

Kawenangta mareka sitan kawenang

Paramarta siwatwa nirawarana

TIRTA UTAMA

( adri )

1.Tirta utama lwir sandi nerus,

Icenin para damuhe,

Sane sandi mapasupati,

Penyapsap lara agung,

Salwire lara kesapuh,

Moksah hilang gelis punah,

Hala hilang leteh dudus,

Mundur kegumi kahyangan,

Tibenin tirtha utama.

2.Tirta utama sakti manerus

Paicain kaulane mangkin

Ne sandi mapasupati

Panyupatan lara agung,

Salwiring lara kasapuh

Hilang muksa maring sunya

Letuh hilang hala dudus

Katibening antuk tirta

Paican Ida Bhatara.

TURUN TIRTHA

(turun taun)

1. Nunas tirtha ring Hyang Widhi

Kalih Ida Hyang Bhatara

Tirtha suci maha sakti

Pangleburan dasa mala

2. Kawula nunas amertha suci

Ne nyiratang pinandita

Raga suci manah ening

Tetuladan para warga

NUNAS TIRTHA

(wargasari)

1.Turun tirtha saking luhur

Tirtha panca Dewatane

Brahma tirtha kamandalu

Hyang Iswara sanjiwani

Mahadewa kundalini

Hyang Wisnu tirtha pawitra

Hyang Siwa pamuput

Amertha kinardi.

2.Turun tirtha saking luhur

Ne nyiratang pemangkune

Makalangan muncrat mumbul

Mapan tirtha amertha jati

Paican bhatara sami

Panglukatan dasa mala

Sami pada lebur

Malane ring gumi.

3.Nunas tirtha pangelebur

Wangsuh pada Dewa Dewi

Tirtha suci adi luhung

Tirtha amertha jati sidhi

Panugrahan dewa sami

Brahma Wisnu Maheswara

Laksmi Uma Sambu

Nglebur malan gumi.

MIJIL

Sampun puput nunas tirtaning suci,

Trepti jaba jero bayu landuh,

Sabda lan idepe,

Ngepah muput matur pangubhakti,

Om Shanti Shanti Shanti,

Mangguh hayu teduh landuh.

KIRANG LANGKUNG

Kirang langkung hatur titiang

Sinampura Bhatara sami

Tambet titiang sane kelintang

Mangda sweca micayang rahayu

Bekelang titiang riwekas

Manumadi mengayah ring mercepada.

Puput

Reaksi:

SHARE:

CATEGORY : Kidung

4 komentar:

Anonim
Said

1
Om suastyastu
kalo bisa buat mp3nya agar bisa didonlod
26 September 2010 03.22

Anonim
Said

om swastiastu....
bisa nggak minta record dari kekawin totaka..... saya ingin mempelajarinya....... suksma banget....
om shanti...shanti... shantiii om..
9 Desember 2011 23.39

Ngurah Dhika
Said

3
Om Swastyastu
lebih baik upload mp3 biar mudah untuk dipelajari
suksema, lan ajegan gumi baline
13 Juni 2012 20.03

Kawiswara Dharma
Said

4
Om Swastiastu....ngiring simpang ring pondok titiang driki...
http://www.kawidha.com
22 Juli 2012 10.09

Poskan Komentar
Link ke posting ini
Buat sebuah Link
Posting Lebih BaruPosting LamaBeranda

Langganan: Poskan Komentar (Atom)