Kidung

Panca Yadnya

Kahimpun Olih :
Pesantian Gita Alapsari

Tahun 2022
Pupuh Kawitan Warga Sari
1. Purwakaning anggripta rumning wana ukir.
Kahadang labuh kartika panedenging sari.
Angayon tangguli ketur
Angringring jangga mure
2. Sukanya arja winangun, winarna sari
Rum rumning puspa pryaka ingoling tangi
Sampuning riris sumahur
Munggwing srengganing rejeng
Warga Sari Kemoksan
1. Asepe ya karegepang
Pasepane dewi pertiwi jati
Geni Sang Hyang Brahma iku
Kumenyane Bhatara Siwa iku
Majegau sada siwa
Cendanane parama siwa
Dupane hyang pramesti
2. Kastangine sang hyang dharma
Ikang kukus sang hyang iswara
Ida mangkin meraga geni
Marupa ongkara iku
Ang Ung Mang aksarania
Mirik mingin ambune
Mirik sang hyang bayu dadi

1
Pupuh Warga Sari
1. Ida ratu saking luhur
Kawula nunas lugrane
Mangda sampun titiang tandruh
Mangayat Bhatara mangkin
Titiang ngaturang pajati
Banten suci mwang daksina
Sami sampun puput
Prastekaning saji
2. Asep menyan majegau
Cendana nuwur dewane
Mangda Ida gelis turun
Tedun saking Luhuring langit
Sampun madudonan sami
Munggah maring meru reko
Ancangan sadulur
Sami ya pada ngiring
3. pangastuti kaluhur
angregepang radanane
ne ring purwa puji dumun
ring daksina ne kaasti
pascima sareng astute
ring uthara karedana
mantuk madyeng bhayu
mayoga nganjali

2
4. Sada Ciwa majagau
Prama Ciwa candanane
menyane Bhatara Guru
kukuse nepud ka langit
punika anggen pamargi
pacang turun ring kahyangan
mangda gelis rawuh
manusa manyiwi

Pupuh Bramara Ngisep Sari

1. Om om sembah I katunan
Dumadak jwa kaaksi
Munggwing pangabhaktin tityang
Dyastu langkung tuna sami
Pakirang artha wibawa
Nista solah lawan wuwus
Muwuh banget hina budi
2. Kewanten sredaning manah
Miwah katlebaning hati
Kelawan eling tan pegat
Kanggen manyanggra manyuwun
Swecan I Ratu sang lewih

3
Pupuh Magatruh
1. Hatur tityang Para sisya lintang jugul
Panembahing maring widhi
Tanpa mantra tanpa suguh
Bhakti antuk manah eling
Eling maring raga belog
2. Swastyastu pangastawane kaluhur
Ngayat ida sang hyang widhi
Mogi ida sweca asung
Ring para sentana sami
Sida mangguh kerahayon
3. Apan ratu sangkanya jagat puniku
Rawuhing dagingnya sami
Mula alit pinih agung
Ngebek ring tri loka yukti
Meraga sarining rawos

Pupuh Adri
1. Egar manah ira ngesti hayu
Ngesti bhatarane
Kalih ida sang hyang widhi
Mogi ida ica nerus
Betel kangin betel kauh
Ngulayang ikewelas harsa
Mangestiang brata sadhu
Ngesti Ida hyang Bhatara
Nunas sarining amertha
4
2. Kaula ngaturang canang harum
Ring ida batarane
Kaula manyuhun bakti
ring ida iratu
Iratu sasuhunan agung
Iratu hyang panembahan
Apang turun ican iratu
Menyari haturan kaula
Ring cokor ida batara

Pupuh Mijil
1. Singgih Ratu
Sang Hyang Maha Suci
Bhakti tityang nyokor
Ring buk pada singgih Bhatarane
Mogi Ratu ledang manyuwecanin
Kawulane sami
Mogi molih mangguh hayu
2. Apan ratu,
mangebek ring bumi,
Kantin jagat reko,
ring sakala lawan niskalane,
Kancan letuh miwah male sami
Boye wenten kari,
I ratu wantah menyapuh.

5
Pupuh Mijil
1. Purwa iku,
Hyang iswara malinggih
Ngagem bajra kawot
Nika wantah senjatan idane
Putih mulus, warnine wyakti
Se aksara tuwi
Panca huripe kawuwus
2. Dasina mungguh,
Hyang brahma prajapati
Bang warnine reko
Wantah gada senjatan idane
Aksara iku, ba sampun pinasti
Nawa iku hurip
Mula kepastika sampun

Pupuh Jerum
1. Om awignam manggala
Pralanggya ngayap pakulun
Sang sinanggah hyang sinuhun
Kahulane bhakti nyokor
Mugi ledang singgih bhatara
Manyapsap dosaning hulun
Metu saking tri kaya
Tan ketaman baya kewuh

6
2. Aksi haturan kahula
Canang sari kukus harum
Asep menyan majegau
Bhaktin kahulane tan long
Aneda wara amertha
Ring bukpada hyang sinuhun
Ngawisesa tri buwana
Utpeti stiti pralina iku
3. Ratu sanghyang maha suci
Pangebaktin titiang ratu
Inista suryanin iku
Batara kantin jagat tiga
Sekala niskala reko
Baktin titiang ratu
Tan wenten bina batara
Sembah titiang jati tuhu
4. Kadi agni singgih bhatara
Sane metu sakeng taru
Santen lengis dadi metu
Paduka bhatara medal
Cokor idewa kabawos
Singgih suksman iratu
Uning wenten ngineng yoga
Sinah Palungguh iratu

7
5. Ratu sang hyang, tri purusa
Ngebek ring jagat puniku
Side ngardi jagat landuh
Nyapuh kancan male kawon
Mrage singid narwi kare
Mrage dewam dewaning mungguh
Wantah ratu make pengemban
Sarwa urip ring jagat tuhu
6. Ksane aken hulun bhatara
Presangganing hati jugu
Angayate jang pukulun
Sang pahebaning triloka
Wyapi wyapakeng sehane
Anguripe sarwa tumuwuh
Hala ayu atmaka kita
Rangwe akene sembahing hulun

Pupuh gambuh
1. Ngaturang kukus harum
Pangiring puja bhakti kaluhur
Maduluran canang gantal
Canang sari
Saha kidung matembang gambuh
Katur ring hyang widhi kawot

8
2. Purwaning puja katur
Piranti asep menyan mawelun
Panyeregeg manggala yadnya
Sang Sulinggih
Kukus cihna ripu dudus
Budhi hening jati katon
3. Atur kesama pakulun
Antuk presangga mengayap iratu
Yadin tuna presarana
Yadnya mebhakti
Maka renaming penawur
Dening bhatara pengayom
4. Ampura ratu hyang sinuhun
Menawi tuna bhakti ingsun
Ledang ugi ngampurayang
Asung asih
Kerta nugraha ratu manuntun
Tityang sadya nyanggra manyuwun
5. Medasar budhi sadhu
Saking las caryaning
Manunas panugrahan ida
Dewa dewi
Miwah pitara leluhur
Mugi nemu kerahayuan

9
Pupuh Semarandana
1. Singgih ratu sang hyang widhi
Cingak pangubaktin tityang
Tityang damuh Iratune
Ayat mengaturang sembah
Norotama saranannya
Maserana antuk santun
Ledang ugi ngampurayang
2. Om awignam atur titiang
Ring bhatara-bhatari sami
Ring kenjek rahina mangkin
Titiang ngaturang sembah bakti
Malarapan yadnya suci
Saha puja mantra sidi
Mogi ratu ledang ngaksi
3. Iratu amurbeng bumi
Duk tan hana paran-paran
Wantah iratu ring jagat
Kapretama ngardi tahen
Baburone kaping ruwa
Manusane pinih ungkur
Sembah bhakti keaturang

10
Pupuh Yadnya Kesari
1. Ring ida tityang manunas
Pedek tangkil ngaturang wangi
Dening ratu ne kapuji
Ngardi sahanan mahurip
Ledang ratu mapaica
Kerta nugraha ne utama
2. Apah teja mwang akasa
Murdaning ngebek pertiwi
Murtining ongkara suci
Malingga ring padma sari
Lintang luwih asri dumilah
Krta pabusanan ring ida
3. Surya candra lan bintang
Cihnan iratu mengaksi
Sembah kawulane mangkin
Manyutir hidupe santi
Mogi ida ngampurayang
Banget purun mapinunas

11
Pupuh Dangdang Amad
1. Om ksantawya purwaning pamuji
Apan prasangga mangayat bhatara
Sang amurbeng tri lokane
Tinghalana pukulun
Sembahning astiti bhakti
Puspa maka sarana
Pangarcananing hati jugul
Saha jnana lila suddha mangardana
Ndan pakestining kumelip
Sang anuksmeng sahana

2. Apan bhatara nyusuping hurip

Lan wyapaka prakertining sahana
Ring wastu lawan abyaktane
Ring hala lawan hayu
Ring ganal lawan alit
Kita ikang tumingkak
Tan kawenang dinulu
Apan wasitwa ring jagat tatan wah
Maka murtin welas asih
Ring sahananin gumelar

12
Pupuh Murdha Gita
1. Pinaka unteng pinunas
Mangungsi waranugraha
Paican ida ne sujati
Amertane sanjiwani
Lintang suci dahat utama
Utama jroning angga
Ngalilir ring siwa dwara
Maka sinar ida ne suci
Mangresepi jroning hati
Sreda bakti anggen manyanggra

2. Mogi ida manganugraha

Sinar suci ne utama
Piranti mangraksa hurip
Sidha muceh indria geni
Mungguh ring stula raga
Apan ya satruning jagat
Bingung yan mangawasa ika
Kroda duka minekadi
Tur katemu sinar ring widhi
Saksat swarga palania

13
3. Apan ida mangawisesa
Ngutpeti stiti mrelina
Meraga agung meraga alit
Manguripang sarwa prani
Langkung singid dhurlaba
Kadi geni jroning sela
Sapunika kejatiyanniya
Lan kasengguh sanghyang widhi
Tan raryanan manywecanin
Sahananing jana loka
Kama Mala ( Wirat Tebusol)
1. Kadi harsaning taru latangelih, angayam-
ayam Labuh kapat.
Sukaning sakendrani, dateng nrpa suta,
kadi tambaying hudan.
Nguniweh tikang sura wadhu, dumadak
asemi kungnya denira.
Ketering pater padani wrttanira, lagi
rinengwa Rengwaken.
2. Ri sedengniran tama, sinanggraha ta sira
tekap-ning apsari.
Amapag sakeng pangungangan, maka
pasaji manisnikang mata.
Hinuwusnya ring crmin, ikang liring aluru,
binangkitan guyu.
Asegeh manahnya, tamuyan wenang asiliha
ring smaragama.
14
Pupuh Alis Alis Ijo
Iring iring silak siluk
Hawa nikang munggah
Mihate didukuh rame
Ingambal ambalan watu
Cara caraniya abra murub
Kang katinggalan asri
Tahen kencana ngererembun
Roniya nuntun aneng lemah
Parijata mengreronce
Wunga tambang, wunga warih
Ajar ajar lan andong ijo
Menyanding sulasih
Kelawan miyana biru
Kasuluhang bayem luhur
Melak melok
Hana abang, hana putih
Angraras tinon

15
Pupuh Warga Sari
1. Turun tirta saking luhur
Nenyiratang pamangkune
Makalangan muncrat mumbul
Mapan tirta Amerta jati
Paican betara sami
Panyupatan dasa mala
Apang sida lebur
Malane ring bumi
2. Turun tirta saking luhur
Tirthan Panca dewatane
Wisnu Tirta kamandalu
Hyang Iswara sanjiwani
Maha Dewa Kundalini
Hyang Brahma tirta Pawita
Hyang Siwa pamuput
Amerta kinardi

Pupuh Mijil
1. Titiyang nuhur tirtane utami
pangleburan kawon,
Sekancan mala ring jagate
ye ke sapuh, kanti kedas bersih
apan katibenin
antuk tirta bersih nulus

16
2. Sampun puput nunas Tirta ne suci
Trapti jaba jero
Bayu landuh sabda lan idepe
Nggih pamuput matur pangebhakti
Om shanti, shanti, shanti
Mangguh galang teduh landuh

Pupuh Adri Rerepan

1. Turun ida nuwur kukus harum
Ngamedalin kawulane mangkin
Manglinggihin arca mas angarawit
Singgih hyang ratu agung
Kaliliran sanghyang ayu
Kawulane ngaturang sembah
Ring iratu hyang agung
Tityang sarat manunas
tirtane sane utama
2. Tirta utama sakti manerus
Paicain kawulane mangkin
Nene sandi mapasupati
Panyupatan lara agung
Saluwiring lara kasapuh
Hilang moksa maring sunya
Letuh hilang ala dudus
Katibenin antuk tirta mahutama
Paican Ida Bhatara

17
Pupuh Semarandana
1. Puput sampun pangubakti
Tityang nunas wangsuh pada
Panugrahan sungsungane
Becik anggen nyudamala
Sane wenten jroning angga
Manah galang miwah teduh
Durus ratu paicayang
2. Swecan ratu lintang suci
Damuh sami satya mengantosang
Panugrahan iratune
Tanpa ceda lwih utama
Panyupatan dasa mala
Sida nyepuh lara agung
Ngardi santih ring triloka
3. Suksmaning manah atur sami
Ri sesampun molih wangsuh pada
Rasa galang picayune
Sinusuping tirta amerta
Turun saking sunya loka
Paican ida sanghyang tuduh
Sang mangenter maring jagat

18
4. Sahuwus tityang ngabhakti
Wasuh pada lungsur tityang
Mesarengan ring bijane
Sida ngardi tutug yusa
Sarwa roga sinapuhan
Pangicalan letah letuh
Jagat sami kerahajengan
5. Kotaman tirthane suci
Pangleburan dasa mala
Tan perawat wigenane
Ngardi landuh jagat raya
Salunglung sabayantaka
Lantarannya lara gempung
Balik tampek kasadyan
6. Mengaturang ampura ugi
kakirangan dewek tityang
Ngaturang pamujane
Baktin tityang tanpa sarana
Selanturnya cakup tangan
Manyiriang baktine puput
Om santi santi santi untat

19
Pupuh Jerum
Sampun sami kasiratang
Antuk tirta suci nerus
Wangsuh pada ida hyang agung
Raga stiti jabe jero
Mala letuh sirna hilang
Mawali menadi landuh
Baktine maka pamekas
Parama santi ida hyang luhur

Pupuh Jerum Pengundang Bhuta

1. Tan ngéh anamun turida
Salimur tan kasalimur
Prakerti abayéng dangu
Tumuwuh ta dadi wong
Rasa tan dadi ageman
Marmantra misréng kidung
Tan anuting pupuh basa
Pinahewa dé sang wiku
2. Ndan kaprascita ring gita
Kundang dé ya aran ipun
Taruna ring banjar kidul
Kang kumawi catur mangko
Kocapan iku undang déya
Mangulanjar gawén ipun
Kasih asih inéman éman
Kamban kara déning ibu

20
3. Kidung pangundang ring bhuta
Basa lumrah pupuh jerum
Bhuta asih widhi asung
Caru pesajiné reko
Genep saha upacara
Manut warna lawan lungguh
Sekul iwak pada bina
Lawan olah-olahan sadulur
4. Pangideran panguripan
Kangin panca putih mulus
Kaja siya barak mungguh
Kauh kuning pitu anggon
Kelod selem urip patpat
Manca warna tengah brumbum
Akutus panguripnya
Bhabutané manut lungguh
5. Kangin ring angin magenah
Kaja ring api umungguh
Ring tanahé sané kawuh
Kelod ring toya manongos
Ring embangé buta tengah
Malih sané bilang bucu
Anut urip lawan warna
Tongos babhutané karendung

21
6. Kaja kangin urup kutus
Yan ring warna rupa kwanta
Kelod kangin urip nemnem
Klawu warnanyané kawot
Kelod kawuh warna wilis
Asiki uripnyané tuhu
Kaja kawuh nasak gedang
Tatelu uripnya tuhu
7. Babhutanyané kinucap
Préta pisaca aran ipun
Bhuta kala dengen rusuh
Ring durgamané manongos
Ring alas tukad segara
Ring pangkung-pangkung kredung
Genep sami siya warna
Kang inundang sida rawuh
8. Yan sira sampun hwus nadah
Gati prasama mawantun
Ungsi ungwani sowang mantuk
Aja amigna wong
Miwah mamigna yadnya
Asih kumasih satuwuk
Ngawe degdeg jagat raya

22
Wirama Totaka
1. Sasi wimba haneng gata mesi banyu
Ndan asing suci nirmala mesi wulan
Iwa mangkana rakwa kiteng kadadin
Ring angambeki yoga kiteng sakala
2. Katemun ta mareka si tan katemu
Kahidep ta mareka si tan kahidep
Kawenang ta mareka si tan kawenang
Paramartha siwa twa nirawarana

Wirama Wasanta Tilaka

1. Kawit sarat samaya, kala nirar parangka
Nton tang pradesa ri hawanira kapwa
ramya
Kweh Lwah mageng katemu denira tirta
dibya
Udyana len talaga, nirjara kapwa
mahening
2. Tunjung putih pwa ya ta, tunjung abang
sedeng rum
Kumbangnya gurnita, masabda humung
sadarpa
Len manda maruta, mirir ya suganda
mamba
Sang rama laksamana, rikang ksana tusta
denya

23
3. Akweh tekapnya, rumuwat brata pandu
putra.
Lunghang dinakara, ginantyanikang
sasangka.
Tamtam maninghali, wilasanikang surastri.
Oyut mahanuluhi, les sumilib kameghan

4. Lwirnyan kede, mulati gatra sangarya

partha.
Mingmang mamancana, kabancana
denikungnya.
Maryanaha ngidungidung, humirib laranya.
Tunggal makangsi makecap, mametik metik
jeng.

Wirama Merdukomala
1. Om sembah ninganatha tinghalana de tri
loka Sarana
Wahyadyatmika sembahing hulun ijeng ta
tan hana waneh
sang lwir agni sakeng tahen kadi Minyak
sakeng dadi kita
sang saksat metu yan hana Mwang amuter
tutur pinahayu

24
2. Wyapi wyapaka sarining parama tattwa
durlaba kita
Icchantang hana tan hana ganalalit lawan
hala hayu
Utpati stiti linaning dadi kita ta karananika
Sang sangkan paraning sarat sakala
niskalatmaka kita

Wirama Mandamalon
1. Stuti nira tan tulus, sinahuran Paramartha
Siwa.
Anaku huwus katon, abhima tanta
temunta kabeh.
Hana panganugrahangku, cadu sakti
winimba sara.
Pasupati sastra kastu, pangaranya nihan
wulati.

2. Wuwus ira Sang Hyang Iswara, mijil

tangapuy ri tangan.
Wawang asarira katara, manginditaken
warayang.
Tinarima Sang Dananjaya, tikang sara
suksma tika.
Nganala sarira, satmaka lawan warayang
wekasan.

25
3. Krta wara sang dhananjaya, manembah
hati pranata.
Pinisalinan laras makuta, tan hana
kalahalah.
Winara warah sireng aji, dhanur dhara
sastra kabeh.
Krta samayang prayoga, dadi suksma
bhatara siwa.

4. Saha sura siddha sarana, pareng ksana

sunya muwah.
Rasa tanirat hidep nrpati putra, katonanira.
Kadi masalin sarira, suka tan pabalik
prihati.
Satiru-tirun krtarthasira, deni kadhiranira.

Wirama Cardhula Wikridita

1. Ambek sang paramartha pandita
huwus limpad sakeng sunyata,
Tan sangkeng wisaya prayojanan nira
lwir sang graheng lokika,
Siddaning yasa wirya donira
sukaning rat kininkin nira,
Santosa heletan kelir sira
sakeng sanghyang jagat karana.

26
2. Usnisangkwi lebu nipadhuka nira
sang mangkana lwir nira,
Manggeh manggalaning miket
kawijayan sang partha ring kahyangan,
Sainbandanya bhatara sakra
katekan dumiti lawan baya,
Wanten detya madeg
niwatakawaca khyating jagat digjaya.

Wirama Widara Gumulung

1. Meh rahinasemu bang hyang-Aruna, kadi
netraning-ogarapuh.
Sabdani kokila ring kanigara, saketerni
kidungning-akung.
Lwir wuwusing wini panca, papetaking-
ayam wana ring pagagan.
Mrak-anguwuhuh bhramarangrabhasa
kusuma, ring parahasyan-arum.
2. Gandhani jangga menur, nika ngalayalata
mrik-angumkuma mar.
Lot linawadni kukusning-angusuma, ri
wimba bhatara gana.
Molih-ulih wangining sulasih-agaru,
candana gulgula mar.
Srigadinging harepan, wilaja mangalasa
manegeh-negehi.

27
Wirama Kilayu Manedeng
1. Sanghyang surapati metu sangkaring kuta,
Lawan sura bala gumuruh.
Airawana gaja pati rengga, runggunira
ratna Kadi gunung apuy.
Bajra yudha mareki sira, payung garudha
roma Kadi jaladara.
Saksadaruna ring udaya dri, wimbani
dhanuh-Nira makara-kara.
2. Siddharsi gana padha sumungsunging
gagana, gurnita majaya-jaya.
Lumrang sura kusuma lawan hudan
ksanika, tan pajalada tumiba.
Akweh wihagannira sarira kampa, suda
manggalani lakunira.
Huntung bhawana tekap ikang
mredangga, kala beri murawa kumisik.

Wirama Rai Tiga

1. Nda ta tita sang prabhu gumanti
tujara ta sirang marut suta,
Sadara sira mara manglawada,
Parateng taman katemu dewi janaki.
2. Pranatar panembahati bhakti
jaya jaya namostu manggala,
Dewi wijaya nara natha huwus,
Pahawas hidhepta tekaning sukekihen.
28
Wirama Wirat Jagadhita
1. Sang sura mriha yadnya ring smara mahyun
hilanganikang parang muka
Lila kembangura sekar taji nikesaning ari
pejahing rananggana
Urnaning ratu mati wija nira kunda nira
negaraning musuh geseng
Shahitya uti tendasing ripu kapeka nirata
nika susrameng laga
2. Ndah samangkana kastawan nira tekeng
tribhuwana winuwus jayeng rana
Kapwa shabda bhatara natha samusuh nira
tekapi huwusnya kagraha
Ngka lumra tineher ta paduka bhatara
jayabhaya panenggahing sarat
Manggeh sampun inastwaken sujana len
dwija wara resi sewa sogata
3. Ngka rakwa tumurun bhatara giri natha
lawana mara sanggahalen rsi
Yatna srin pamaso mamursita mangarga ri
sira sangacintya nirmala
Yeken tusta manah bhatara mawuwus aji
jayabhaya away sangsaya
Tatan krodha katakuyatpara suka sunga
wara karananta digjaya

29
4. Tanggap tosenannugrahangkwa ri
wekangku jayabhaya rengoniking praja
Swastyastu prabhu cakra wartya kita ring
sabhuwana jaya satru ring musuh
Tekwan langgenga satmaka naku lawan
kita tulusa bhatara ring jagat
Nahan sabdanira tereh telasinastwakenira
rsi sanggha ring langit

30
 DAGING CAKEPAN

I. Kidung Dewa Yadnya

1. Kawitan Warga Sari 1
2. Warga Sari Kemoksan 1
3. Pupuh Warga Sari 2
4. Pupuh Bramara Ngisep Sari 3
5. Pupuh Magatruh 4
6. Pupuh Adri 4
7. Pupuh Mijil 5
8. Pupuh Mijil 6
9. Pupuh Jerum 6
10. Pupuh Gambuh 8
11. Pupuh Semarandana 10
12. Pupuh Yadnya Kesari 11
13. Pupuh Dangdang Amad 12
14. Pupuh Murdha Gita 13
15. Kama Mala (Wirat Tebusol) 14
16. Pupuh Alis Alis Ijo 15
17. Pupuh Warga Sari 16
18. Pupuh Mijil 16
19. Pupuh Adri Rerepan 17
20. Pupuh Semarandana 18
21. Pupuh Jerum 20
22. Pupuh Jerum Pengundang Bhuta 20
23. Wirama Totaka 23
24. Wirama Wasanta Tilaka 23
25. Wirama Merdukomala 24
26. Wirama Mandamalon 25
27. Wirama Cardhula Wikridita 26
28. Wirama Widara Gumulung 27
29. Wirama Kilayu Manedeng 28
30. Wirama Rai Tiga 28
31. Wirama Wirat Jagadhita 29
 PURWAKA

Om Swastiastu,
Pinih riin titiangngaturang pangayu bagia
majeng ring Ida Sang Hyang Widiwasa,
santukan sangkaning pasuecan Ida titiang
presida nyusun utawi menghimpun buku
Kidung Panca Yadnya puniki.
Dagingipun titiang ambil saking
makudang-kudang rontal/buku sane sampun
ketah mange ring pakraman utawi
masyarakat. Taler wenten sane keniang titiang
malantaran saking nguping saking para
sawitran titiange.
Pangaptin titiang mugi-mugi kekidungan
puniki wenten pikenohipun majeng ring ida
dane para semeton titiang sane oneng
makekidungan. Makawasana tan lali titiang
nunas geng rena sinampura yan prade wenten
makatuna langkung antuk titiang ngaturang.
Inggih wantah asapunika atur piuning
titiang, ampurayang pisan.

Om Santih, Santih, Santih, Om

Alapsari, 31 Oktober 2022

Penyusun
ttd