SEMBAH PANGUBAKTIN TITIANG RING IDA HYANG WAGISWARI SANG MARAGA MAHAJNANA JENEK RING NERDAYA SUCI MOGI SIDANING PENGAPTI NGATURAN DAGING PITUTUR NGETUS SAKENG DEWA TATWA INDIK NANGUN YASA KERTI MANGDA INGKUP NYANGGRA PANCA BALIKRAMA
KRAMANING NGINKINANG KARYA KANISTA MADYA UTAMI DASARIN SUCI NIRMALA RING MANAHE SANTA ASIH NGRESTIT IDA HYANG WIDI KAMULAN ANTUK RAHAYU RING WACIKA MANACIKA KAYIKANE MANGDA GILIH JANTEN DURUS SIDANING DON LABDAKARYA
DURMA MALIH LANTURAN PENYANGGRA NANGUN YADNYA MIDABABIN YASA KERTI TAN MAMBEK IRSIYA TAPA BRATANE GELARANG TAPENE PAGEHING ATI SUKSMAN BRATA
NYEKUNG JENYANA SANDI SAMPUNANG NGAMBEKAN BAYUNE KRODA LAKSANA ME MATI - MATI TINGKAH HIMSA KARMA PATUT SAMI ICALANG BREGEDEGANE RING HATI PATUT PUCEHANG ULAH HAYU NGAWI SANTI
MANGDA LANUS NYANGGRA KARYA NANGUN HAYU SAMPUNANG NGAWEDAR UJAR GANGSUL WAK PARUSI STITI TUHU SATYA WECANA GELARANG MANGDA SAMPUN MEDALANG BAWOS TAN TUHU LINYOK MEKADINYA UJAR APERGASE MALIH NENTEN ANUT RIKALANING NANGUN YADNYA
SATWIKA YADNYA PUNIKU MAWIT SAKENG YASA KERTI NUNAS PENUNTUN TATIMBANG
RING IDA SANG MRAGA LINGSIR MANGDA SAMPUN GANGSAR TINDAK KIRANG NAYA RING PAMARGI
NGAMEL SALUIRING PAKARYAN MANGDA ANUT RING PENGAPTI MANGGUHANG SATWIKA YADNYA