1
Cakepan Sekar Pangkur
1. Mingkar mingkuring hangkara,
Akarana karenan mardisiwi,
Sinawung resmining kidung,
Sinuba sinukarta,
Mrih kretarta pakartining ngelmu luhung,
Kang tumrap neng tanah Jawa,
Agama ageming Aji.
Cakepan Asmarandana
2
1. Anjasmara ara mami, masmirah kulaka warta,
Dasihmu tan wurung layon, aneng kutha Prabalingga,
Prang tandhing Urubisma, kariya mukti wong ayu,
Pun kakang pamit palastra.
Cakepan Kinanthi
3
1. Punapa ta mirahingsun, prihatin waspa gung mijil,
Tuhu dahat tanpa karya, sengkang rinemekan Gusti,
Gelung rinusak sekarnya, sumawur gambir melathi.
Cakepan Kinanthi
1. Mideringrat hangalangut, lelana njajah negari,
Mubeng tepining samodra, sumengka hanggraning wukir,
Analasak wanawasa, tumuruning jurang trebis.
Cakepan Kinanthi
1. Nalikanira ing dalu, wong agung mangsah semedi,
4
Sirep kang bala wanara, sadaya wus sami guling,
Nadyan ari Sudarsana, wus dangu nggenira guling.
Cakepan Kinanthi
1. Saya nengah denya adus, lara larane kinanthi,
Kasreg roning tarate bang, linuding maruta ngidid,
Kagyat dening iwak molah, amangsa kalalar kali.
Irama 3