MUNDAN SOLA KOTTE

Den Sangallo sitammumi mundan sola kotte. Sipakada-kadami sola duai

ussipa’kadai tu la na potuo na. Mekutanami tu mundan lako kotte’ nakua “Eh.. kotte’

umbamo ladinai tuo te napealloan liumo. Taekmo tau ma’pariu saba’ tae’mo uai, na aku

dikka ia pi ke ma’pariu tau kubisa kumande, ke manggamboi’ ku male kandei Na kuami

kotte’ umpebali “Susi bangsiaki pole’ mundane. Den dukapi uai ku bisa kumande sia

tuo. Na totemo pealloan liumo, ma’pariu dukapi tau na buda suso sia koteng lako uma

kumane bisa kumande sia tuo”.

Manda’ bangmi sipa’kada-kada sola duai saba’ susi bang tu katuoanna sia lana

kandena. Lan sipa’kada – kadanna sola duai nakuami mundan “Nala mate tonganki te

kotte’”. Lannalami kara’tasan tu mundane, nakuami lako kotte’ “Anna po eloi’ Puang

masiang melambi’ la lambanna’ sambali’na buntu, umbai na den sia katuoan sambali’”.

Nakua dukami kotte’, “Lamale dukana’ ta situru’ mora”. Nakuami mundan umpebali tu

kotte’, Madoi’-doi’ko millik, ta melambi’ male.” Nakuami kotte’, “Io kumadomi’ mora millik

tasitammu mora indete sule ta male”.

Melambi’ diomai pada malemi sola duai nasitammu dio to inan mangka

nasipakadai. Sitammumi sola duai, nakuami mundan “Lamale miki kotte’?”. Mebalimi

kotte’ nakua “Io tamalemo”. Tonna sadiamo sola duai ma’kada omi mundan lako kotte’

nakua ‘Sadia moko?” Nakuami kotte’ “Io. Dikua da’ta sitampe ladi reken misa’ sae lako

tallu ta’pa mentengka ki”. Narekenmi sola duai misa’, dua, tallu … Mentia’ mi tu

mundan, torro kotte’ ma’kak kak kak, tae’ na bisa mentia’ saba’ tae’ na ma’passare lako

Puang.