ERAN DI LANGI'

Ia ade’ tonna dolona tae’pa ia tau umpogau’ kakadakean. Mintu’ torro tolino sitiro lindopa
ia Puang Matua belanna denpa tu Eran di Langi’ bendan lo’ padang di Bambapuang.
Eran iamote tu napolalan torro tolino kendek langngan langi’ mekutana lako Puang
Matua ke denni tu apa la napogau’.
Denmi pissan den misa’tau disanga Saratu’ Sumbung Pio kendek duka langngan langi’
sitiro lindo sia mekutana lako Puang Matua. Tonna la sulemo natiromi tu Te’tekan
Bulaan Na Puang Matua. Mailumi sia sepangmo tu penaanna lako kakadakean
naurunganni naboko tu Te’tekan Bulaan.
Tu’bami kasengkeanNa Puang Matua belanna napogau’ mo tolino tu kakadakean, anna
tarassai tu Eran di Langi’ anna songka. Dadi tae’mo lalan la naola torro tolino la sitiro
lindo Puang Matua. Randukmi ka’tu tu kasiumpuranna Puang Matua anna torro tolino
belanna natumang kakadakean napogau’ tolino.
Jatonna tarassaimi Puang Matua tu Eran di Langi’ songkami tama lino anna sumpandan
randuk lo’ mai ma’palurekke. Iamora ade’ mendadi buntu batu ma’dandanan randuk lo’
mai Bambapuang sae inde tondok Toraya iamora tu Buntu Sarira. Susimoto tu ulelean
diona Eran di Langi’ ke dipokada kondi’ bangmi.

Pesan moral: “ Lan te ulelean di, bisa Ki melada' kumua andi' ya alai tu apa tannia
apanya. Belanna yake dipogaukanni naposengke Puang Matua anna umparampoan
kamadosan lako kita.”

Artinya: “Dalam cerita di atas, kita bisa belajar bahwa janganlah mengambil apa yang
bukan milik kita. Karena perbuatan itu dapat membuat Tuhan marah dan mendatangkan
dosa bagi kita.”