Om Swastyastu
Para panureksa sane kusumayang titiang, mustikanye para pamiarsa sane seneng mesatua
bali. Mimih jeg pedampyak sajan, jegeg -jegeg pesan timpal timpal tiange driki, pastika sampun uli
semengan ke salon nggih..... Sampunan lali ke pura mebakti, elingang makte canang sari, ngiring
Ring galahe sane becik puniki, titiang pacang mesatua sane memurda "SANG LANJANA"
Nah timpal timpal ajak mekejang, ade nawang satua ne ento?? beeeeeh yen tusing nawang
orahine je. Sedek dina anu, nuju anake rame megae di carik, ada ane mara nenggala, nglampit,
muah ada suba mamula. ane pulane luwire padi, kacang, jagung, kedele, miwah sane liyanan. ditu
luung pesan entik- entikane tumbuh, tur asri pisan, buine nguangepik anake ane ngeliwatin carike
ento. mih dewa ratu agung, Toya nyane ening sane nyiramin sekancan entik- entikane, tur angine
ngesirsir banban sane ngampehang sekancan entik- entikane. sriak sriuk kedulurin olih Suaran Toya
carike sane ngericik. tur suaran kedit pada girang ye mecande ajake timpal timpalne peturu cerik
cerik, Ade ane memuntir "cerikcikcikcikcik" "cerukcukcukcukcuk" "cekukur cekukur" nah keto
kone kedis e pade girang ye mecande kecas kecos di carang punyan kayune tur disisin alase. Ditu
liu kedis cenik cenik mapunduh-punduh ngalih amah. Sedeng itepa kedise cerik-cerik ngalih amah,
saget ada kedis gede pesan teka uli delod pasih. Bulunne samah, kampidne lumbang, matanne gede,
Ditu ia bareng ngalih amah. Kedise ane cerik-cerik nyeh pesan, nepukin kedise ane gede tur
galak ento. Tusing ada ane bani paek baan takutne. Kacerita jani ada kedis ngindang ba duur, madan
Sang Lanjana. Ia sliak-sliuk makeber di duur carike. Jengah pesan ia nepukin ada kedis gede,
bareng ngalih amah sig tongos kedise cerik-cerik. Solahne jele pesan teken kedise lenan, sabilang
ada ane paek jeg nagih cotota.Ditu Sang Lanjana mesliuk ia tuun tur memunyi “Ih, ne te jerone uli
dije? Tumben tepukin tiang dini, bareng ngalih amah. Buina jerone kaliwat sombong pesan.” Mare
ningeh ada kedis cerik ane mamunyi keto, pedih Sang Muun tur mesaut banggras, “Ah, iba kedis
cerik, mapi-mapi tuara nawang. Ne suba ane madan Sang Muun. Ratun kedise uli delod pasih.
Suba kone keto, masaut Sang Lanjana, “tuah iba dadi ratu, kai tuara megusti teken iba.
Buina kai tonden taen merasa kalah. Jit iba je gede, tuara ja gedenan apa tain ibane teken tain kaine.
Yadin iba makampid lumbang, kai tusing je takut nah ane Jani jalan mapatuk mategeh-tegehan
makeber.”
Baan ningeh munyine Sang Lanjana keto, jengah gati Sang Muun lantas ia ngomong, “Beh
degag pesan iba mesuang peta. Iba soroh kedis kapecit, nagih ngalahang kai. Ukudan ibane tuah
amun tain kaine dogen. Nah apang kai nawang, tegarang iba meju jani. Amuncen geden tain
ibane!”Mare keto, Sang Lanjana laut kirig-kirig tumuli makecos di duur tain kebone, mapi mapi ia
meju. nah disubane ia mapi mapi Suud meju lantas ia memunyi “Ih, iba Sang Muun. Ne dong
iwasin tain kaine!” Sang Muun bengong ngiwasin tainne Sang Lanjana, tur merasa teken dewek
Sasubanne keto ngomong Sang Muun bangras, “Nah, saja kai kalah, dening gedenan tain
ibane. Ane jani jalan mategeh-tegehan makeber!” Keto abetne Sang Muun, laut nimbal Sang
Laut ngamaluin Sang Lanjana makeber. Sang Muun sahasa ngetut pakeberne Sang Lanjana. Di
subane paek, encol Sang Lanjana mencegan di tendas Sang Muune, sambilange nyohcoh tendasne.
Sang Muun tuara nawang teken solahne Sang Lanjana keto. Buina tuara merasa tendasne tinggahina
Gelisang satua, suba tegeh pakeberne Sang Muun. Laut ia makaukan, “Sang Lanjana, Sang
Lanjana!” “Uuuh,” keto pasautne Sang Lanjana. Dingeha munyin sang lanjana tegeh pesan ba duur
teken Sang Muun. Dening karasa Sang Lanjana nu ba duuran, laut Sang Muun ngietang makeber
negehang. Ditu buin ia makaukan, “Sang Lanjana, Sang Lanjana!” “Uuuh,” keto buin pasautne
Sang Lanjana. Sambilanga nyohcoh tendasne Sang Muun. Dening dingeha munyin Sang Lanjana nu
masi ba duuran, dadi buin Sang Muun makeber negehang. Dewekne suba marasa kenyel pesan,
Dening keto, ngomong jani Sang Muun, “aduh aduh Sang Lanjana, awake jani suba ngaku
kalah. Tusing sida baan kai nutug cai, jalan suba jani tuun!” Sang Muun laut ngencolang masliuk
nuunang. Sang Lanjana nyangetang nyohcoh tendasne Sang Muun. Kanti maklumpasan kulit kaun
tendasne.
Di subane teked beten, Sang Lanjana laut ngenggalang melaib tur mengkeb di bet bête.
Sang Muun sakit nandang tatu di tendasne. Kasuen-suen Sang Muun mati baan naanang sakit.
Ainggih timpal timpal tiange ajak mekejang, Ring satua punika irage maan peplajahan, Keto
sube upah anake demen ngrusuhin anak cerikan, tur banggi muah sombong teken anak len.
Jukut kangkung mebasa sere, kirang langkung titiang nunas pangampura. Puputang titiang