Labu berkuntum
Menghadapkan Matahari
Semoga berkat Selalu menetap pada kalian
Untuk menyimpan,yang dicari
==
==
Naung pardambirbiran
gabe pardantaboan
jolma naung hagigian gabe jadi sihalomoan
Niraprap hodong
tinapu salaon
sinok do mata modom
musu unang adong be si jagaon
Dirobean pinggol tubu di nahornop pangidai jorbing anak ni mata natingkos na ni idana.
Manunjang dibalatuk
marboa di tapian.
Parraut si etek-etek.
Marsanggar-sanggar.
Marurat ni langgumgum
marparbue di pandoran
patampak-tampak hundul pulik-pulik hata ni dohan.
Naolo manutung-nutung
naolo mangan sirabun
naolo manangko naolo mangan sirabun
Dongan sotarhilala
musu sohabiaran
Si idupan do nauli
si saemon do nahurang
Lulu anak
lulu tano
lulu boru
lulu harajaon
Situlluk namardai
sidilati panutuan
Partiang latong
hau joring parira
partangkula nabara
Sitortori na so gondangna
Sihohari ranggiting
Bintatar pandidingan
simartolu parhongkomna
sidok hata hagigihan soada hinongkopna
Sirotahi pangananna
Sisopsop rentengna
Sibondut ranggas nagaung-gaung
Sialap manaruhon
Sipatubi-tubi manuk
pasalpu-salpu onan
Sitangko bindana
Siaji pinagaranna
Soban bulu
dongan musu
Partungkot mundi-mundi
parsoban hau halak
parroha sibuni-buni pa ago-ago halak
Siuntei naigar
siasomi na asom
sisirai na ansim
Sinintak hotor-hotor
humutur halak-halak asing do timbang dongan asing timbang halak
Talaktak siugari
ibana mambahen
ibana mamburbari
Holi-holi sangkalia
sai marhormat do langkani ama mida tangan ni ina
Somalna do peamna
Holi-holi sangkalia
tading nanioli dibahen nahinabia
Partungkot mundi-mundi
parsoban hau halak
Parroha sibuni-buni pa ago-ago halak
mate uluna
mangabasi ihurna.
UMPASA
Siboru buas siboru Bakkara, molo dung puas sae soada mara
(Dame ma).
Sungkunon poda natua-tua, sungkunon gogo naumposo
(Bertanggung-jawab).
UMPASA MANGAMPU
Bulung ni Taen tu bulung ni Tulan
Ba molo tarbahen, sai topot hamu hami sahali sabulan,
Molo so boi bulung ni tulan, pinomat bulung ni salaon,
Ba molo so boi sahali sabulan, pinomat sahali sataon.
Artinya: Sebelum melakukan sesuatu lebih baik di teliti dulu situasi apa yang mau dilakukan
Artinya:
Janji urat ni eme tu laklak ni simarlasuna, Adat na denggan na so ra sega, uhum na uli na so
ra muba i, asa manumpak ma Tuhanta i sinur ma pinahan gabe na niula jala horas jolma.
Dangka ni hariara ma pinangait-ngaithon, tubuma dihamu anak dohot boru, sai unang ma
panahit-nahithon.
Balintang ma pagabe tumandakhon sitadoan, saut do hamu gabe asal ma tontong masipaolo-
oloan.
Dangir-dangir ni batu ma hamu, pandakdahan ni simbora, Gabe do hamu jala sarimatua asal
ma sai marsada ni roha
Ai na tinapu salaon, salaon situa-tua, Denggan ma hamu masianju-anjuan asa saut gabe jala
sarimatua.
Sai situbu laklak ma hamu situbu singkoru di dolok ni purbatua, sai tubuan anak ma hamu
tubuan boru, donganmuna sarimatua.
Hariara na bolon bahen parlape-lapean, Sai tubu ma di hamu anak dohot boru na bolas
pangunsandean.
Bagot na mandung-dung tu pilo-pilo marajar, Tading ma antong na lungun, sai roma na jagar.
Muba dolok muba duhutna, muba luat sai adong do muba adatna.
Tangan do botohon, ujungna jari-jari, Bangko nihata si dohonon, asal ma jumolo marsatabi.
Tinallik randorung bontar gotana, Dos do anak dohot boru nang pe pulik margana, ai dompak
marmeme anak, dompak do tong marmeme boru, andung ni anak sabulan di dalan, andung ni
boru sataon.
Habang leang-leang songgop tu parapian, Bolak ni rosu angka na marpariban, sai masitopot-
topotan songon pidong leang-leang.
Na niida ni mata paula so niida, na binege ni pinggol paula so ni bege.
Lagu mp3 batak marsirang adong, umpasa halak batak di na laho marsirang tong do adong,
songonon ma akka umpasa batak na lao marsirang :
Umpasa Batak sidohonon molo dohot iba mangadopi natua tua namanjalo sipanganon sian
angka anakkonna
Andor halumpang ma togutogu ni lombu dohot togutogu ni horbo laho tu Lapogambiri
Sai saur ma hamu leleng mangolu paihutihut pahompu sahat tu na marnono dohot marnini
Hata sian undangan tu natuatua i:Polta bulan i Ama ni Manggule: Ro nuaeng angka
pomparanmu mamboan sipanganon ba dohot hami mauliate
Molo tung sipata rugi hamu ba sai dapot nian nidok ni umpasa :
Soban rantingranting soban ni Sijamapolang
Ba molo rugi hamu sian antinganting, ba sai mangomo ma sian golang
Baangkup ni i :
Molo adong disi hulingkuling sai adong ma disi holiholi
Molo adong disi na so muli sai adong do rongkap ni i naso mangoli
Sahatsahat ni solu ma sahat di rondang ni bulan
Sai leleng ma hamu mangolu jala sai dipasupasu Tuhan
Angkup ni i :
Hotang binebebebe, hotang pinilospulos
Unang iba mandele, ai godang do tudostudos
Tamba muse :
Hotang benebebebe, hotang ni Siringkiron
Unang iba mandele, ai godang dope sihirimon
On pe :
Dolok ni Simalungun ma tu dolok ni simamora
Sai salpu ma angka na lungun, hatop ma ro silas ni roha
Tampulan sibaganding
Diatas na pangiringan
Tugabenama hamu saluhutna
Tondi muna sai masipairing-iringan
Pinantingkon hujur
Tu julu ni topian
Horas ma hamu saluhut
Jala dapotan pancarian
Bagol namadungdung
Tupilo-pilo namarajar
Dao ma nalungun
Sai ro ma na jagar tu joloan on
Bagol bogil
Bagol so habal-balan
Salpu ma nahansit
Sai ro ma najagar tujoloan on
Balintang ma pagabe
Tumundalhon sitadoan
Ari mu ma gabe
Asal ma hamu masipaolo-oloan
Diruma Pohki
Bahul-bahul pansalongan
Pir ma tondi
Jala luma panamotan
Dangka ni sitorop
Pinanghait-haithon
Tubu ma anak dohot boru
Sitongka panahit-nahiton
he..he..he…he…
Bintang ma narumiris
Ombun nasumorop
Anak pe riris
Boru pe torop
Ima tutu.
Beranda
==