Perreng Towa Gebey Tale

Nambere' Raje Ojena

Oreng Towa Je' Salae

Amarge Raje Dusana

Sarkajena E Bungkana
Nyalaga'a Ka Sabena
Se Raja'a Pangabruna
Dha' Ka Bala Tatanggana

Sapa Rowa Andhi' Tarnya'

Mano' Poter Le'le' Pote
Sapa Rowa Andhi' Ana'
Sela Penter Becce' Ate

Sapa Rowa Anhdi' Tarnya'

Plappakencor La-Kellana
Sapa Rowa Andhi' Ana'
Andhap Asor Pon Cacana

Rempa' Naong Bringen Korong

Bantal Lama' Ka Poncana
Suka' Atong Saleng Tolong
Bakal Bannya' Ca Kancana 

Koceng koros neng atas papan

kajuh bengkal ekrobung rengngik
lanceng koros benni keng korang ngakan
mekereh bekal keng gik nikkenik

Mon getel geruh

mon mornang congkek
mon neser gibeh buruh
mon mangmang dentek 

Acellak sambih akacah

nyabek odeng delem petteh
mon mellak bedeh neng e matah
mon methdem bedeh neng e ateh
Perreng lanjeng cek bennya’ en

Tapeh sayang tak bisah emasoagi ka petteh

Oreng genteng cek bennya’ en

Tapeh sayang tadek semasok ka ateh.

Celanah celleng kelambih celleng

ngalak sarong eyanggui dhikah.
Dhikah senneng buleh senneng
makeh setaon edhenta'ah

Namen cabbi namen bebeng

Terrong serrat gabay jemo

Ajar ngaji ajar bejeng

Dha’ aherat gabay sango

Nyabe’ pelappa neng romana

Nyambi accem pamolena

Ajje’ peloppa dha’ agamana

Odhi’ marem ban arena

Ka bajem melle katomber

Mano’ poter kaka’ towa

Pabajang ba’na se ajer

Ma’le penter kalamon towa

Kampong cena e temor daje

Gula palo e romana

Pompong be’na gi’ dhe-ngodhe

Je’ malo anya tanya

Nyabe’ odheng dhalem petthe

Mon mella’ badha e mata

Mon meddem badha neng ate

Dhimma jaradda cena

Etoro’a pendhusana

Dhimma jalanna tresna

Etoro’a ka disana

Sello’ sesser soca mera

Eara’a ka ju’ tengga

Lolo’ nesser ka se eara

Mon atemmo padha bunga

Terrong kella pathe

Juko’na cakalan guring

Kerrong ekapathe

Mon tak atemmo ekagerring

Bengkona kaju klompong

Kaju pandha’ gabei tabing

Sokona lakar teppang

Esanggu jalan se ba’ jelbing

Lo’ naregga perreng pandhe’

Perreng talena ageggeren

Lo’ naregga oreng ta’ endhe’

Tako’ pamelena lo’ ongguwen.

Karowa’an karonningan
pager laok tatta aghi
se towa’an se koningan
tanggel tellok penta aghi

Mon ghetel gheruh

mon mornang congkek
mon nireh ghibe buruh
mon mangman dentek

Gempeng geddhing keng ta’ aranca’

aranca’ kajuh jheteh
dhikah radthin je’ ca’paroca’
senga’ dhikah ta’
pajuh lakeh

Sasapah esassa’a
ekaserbeta noro’ lorong
ce’ emanna se apesa’a
kare abit se ekalong-polong

Sittung, duwe’, tello’, empa’

atak kajhel palesteran.
Mun ta’ endhe’ dhulih ngoca’
ma’ta’ lanjhengg ka pekkeran.
Ser-keseran obi manis
jheng lajhengan daunnah nagkah.
Ker-pekkeran sambih nangis
jheng bejhengan e sanggu dikah.

Kaos kotang lek toponah dhedheh

klambih celleng e ka kodhung.
Ngkok rajeh otang le’ mekkereh sedheh,
siang malem tak ngiddeh tedhung.

Aghuringah mloloh, tak ebeli’eh?

Adek kering..
Ajellingah mloloh, tak e pentaah?
Adek ekala’ oreng….

Tak terro ngakana juko’ bendheng

juko’ bendheng benyak tolangnga
tak terro alakea oreng ghenteng
oreng gentheng benyak otangnga

Mon alembur malem areh

ngalak aeng dhe’ somorrah
oreng lebur ning saareh
mon niser saomorrah

Bileh ondem sengak ngastete

metek kembeng, kembeng melate
mon meddem bei laa bede neng ate
geniko se anyama kembengah ate

Ke’ keke’ kerbuy mateh

be’ gibas abudu’an
nak kanak kenek sendi alakeh
kenneng tembung tongkeng gu’onggu’an
Aeng delem e korok katak
lentenah odik e rao’ah
pokok gelem lek dika norok kaka’
mateh odik sengko’ atoro’ah

Kerrap sapena lek

tekok lentenah
tellak lakenah lek
sengkok se mlenjenah

Arapah cantheng ma’ ames

polanah cantheng pakeben
arapah wak lanceng ma’ nanges
polanah terro ka praben

Nyang manyang perreng odik

e tatta’ah gebei obur
jek man nyaman deddih reng odik
bekal e se’saah e delem kobur

Arokok lok olle nyomet

mon nyomettah sabek etabing
olle norok tapeh tak olle ngenep
mon ngeneppah pas akabin

Serah oreng seh ngala’ tarna’

pokol empa’ guring seh manis
serah dhikah le’ seh andhik anak
seh la morka’ bibirah manis…

Ka berek katemor melleah kesah

derih madureh toron bendebesah
mon dikah tak endek buleh tak maksah
maksaah oreng buleh takok dusah
Der bede’eh ojen nimur
kodhung kaddhu’dher beca’ah.
Dher pde’eh lanjeng omor

Kareh neggu’ dher tekka’ah.

Ngare’ lalang ngarek rebbhe

Ngarek rokem bebenah betoh

Ngirem salam ngirem sembe

Ngirem songkem ben pangestoh

Kuruak an kronnengan
ghengan kondhur kellah celok

Setuak an sekoningan sengak cambhur ben se kerok

Keddur katon lemponah

manggenah tak atengka’ah
kadung lebur ka pangestonah
tak terro apesa’ah

Ne` kene` lobengah soleng

etopeh epamereng
daddih reng bine` jek leng ngaleleng
etemmoh buleh nek etabeng leng-leng

Naik sapeda ka kona lika

ngalak tale ekagebea nyandi’
bule abit se kerrong dha’ dhika
tape sayang dhika la bedhe se andi’

Koli bangunan ngola lolo

reng paseser entara ajhele
dhedi oreng je’ acaca malolo
ma’ta’ esanggu reng ghile
Terrong ranca’eh…
terrong buwhena…
kerrong ka oca’ eh
kerrong ka robhena

Jhe’ pa lopot mun pon melea

juko’ tonoh e bheghie ben abenah
corak repot kaula se nyarea
takok tak nemmuh bule lambennah

Mun serena sa nyomoa

maske nyomo tak kera rajhe
bhule nyare masak nemmua
maske nemmu tak kera padhe

reng satria ngakan cabbih

sekian terima kasih....