Poma dengon ayah keulhee dengon guree

Ureung nyan ban lhee meu bek ta dheut-dheut

Munyo na salah meuah ta lake

Pemiyup ulee tacom bak teuot

Poma mengandong lepah tat susah

Lam reuoh reah tanggong derita

Saket lam tuboh sampo lam tuleng

Oh ka troh buleun metarong nyawa

Bak saboh jamok poma meulet let

Bak saboh pijet poma meujaga

Hana pre wate poma geupapah

Mulai ie mirah sampo dewasa

Guna di ayah ingat rakan lon

Tanggong nafekah lam rumoh tangga

Geujak harekat di rumoh geutheun

Meuntong-untong bak geujak mita

Hujeun ngon bade lam uroe tutong

Ladom meutarong lam bakat raya

Demi beuekna ke breueh si are

Bah tuboh lape hana geu kira

Ureung peuturi donya akhirat

Guree hai sohbat yang that meujasa

Ureung peuraba haleu ngon hareum

Haek ta bileng jasa rayeuk that

Ureung peuhija tanyo alehba

Ureung peuruno tanyo meubaca

Yang peubleut bata tanyo meuhitong

Yang peudeh bandom donya akherat

Bek teumeurekah aneuk metuwah

Beugot tapapah siumu masa

Olheuh sembahyang jeut jeut tip wate

Sabe meulake beu ampon dausa

Poma dengon ayah khelee dengon guree

Ureung nyan bhan lee meu bek ta dheut-dheut

Munyo na salah meuah ta lake

Peumiyeup ulee tacom bak teuet.