PANTUN SASAK 3.
LELAKAQ BEBAJANGAN
1. LELAKAQ NASEHAT
Mun belayang leq tembere
Kapek paok siq tetolang
Mun sembahyang dek temele
Sanget laloq siq tejogang
Kelak manis daun ketujur
Manggis katak araq sepempang
Epen tangis leq dalem kurbur
Tangis awak saq deq uah sembahyang
Ampet ampet kadu kipas daun kesambik
Saq tebau leq taman sedin lendang
Apik apik gamaq ntan pade jagak diriq
Sengaq mangkin jamane saq uah jogang
Endaq girang lepas sampi ngaro
Leq sedin pelepe lueq laloq uletne
Endaq gamaq girang lepas uni bawo
Mun bakat ate sekat laloq oatne
Mun bebante Sembalun Bumbung
Dasan telage langan te jok Rinjani
Lamun mate ndeq teburung
Ngumbe care adek te bakti
4.
2. LELAKAQ ANAK-ANAK
Bau paku leq sedin oloh
Jari kandoq mangan tengari
Pacu-pacu pade sekolah
Jari sangunte lemaq mudi
Impan bembeq siq daun waru
Pelembah polak leq dese Pujut
Leman kodeq te pade pacu
Uahte toaq jari penurut
Sai rengge jeruk manis
Jeruk manis leq atas langan
Sai wede kanak nangis
Kanak nangis mele mangan
Jelo Senen te juan buaq
Jelo ahad tejuan apuh
Lamunte genem jaq araq juaq
Lamunte sagaq deq araq angkuh
Pempang ere tekadu kaliq lungkak
Batang mitaq tepiaq jari pemanju
Moge- moge araq gamak kesukaq
Kanak Sasak niki sayan pacu
Kayuq timus ariq jari warangke
Kayuq mamben ariq jari pengkaliq
Sangkak ngemus ariq tegitaq beraye
Mule angen ariq mele merariq
Buaq asem begerintang
Kayuq aden begeririk
Jelo malem begeringsang
Selung angen deq baun pirik
Talet bunga arik leq bawaq bila
Taliq paku arik siq penyalin
Munne meni arik si idap rase
Sarian aku bae arik sitekawin
Kayuk paok jeri belide
Sangkur moto ji impan kedit
Leman jaok kenangku side
Bebonto bangket paranku side
Kayuk waru jari apit
Buak are si buek tumpah
Mun bebalu jari penyakit
Selung dedare bengku susah
LELAKAQ BEBONYEAN
Mun belauq sikut bedaye
Talet gadung dendeq-dendeq
Munku mauq si pade waye
Tanggep gandrung gorok bembeq
Lalo meken leq jarian
Bau tanaq impan jangkrik
Leteng laloq idap tian
Melet boye jangger ngencik
Lolon renggak jari tali
Lolon belimbing sedin langan
Lamun eraq sejari jari
Pokok ngibing jangke bian
Munte belayang sedin ilir
Bau tebu leq pejanggik
Lamun wayang leq dalem kelir
Beu tekadu pengaji dirik
Ungkah gadung leq dese temiling
Ungkah kenokaq leq bawaq bune
Uah kedung ketungkulan ngibing
Jengkene pede lupaq anak senine
5. LELAKAQ AGAMA
Bubut kerete dese lenek
Anak gagak kembang sandat
Idup mate urusan Nenek
Endak lupak bace syahadat
Mun belacu tepiak selane
Bunge putek masih laloq kuncup
Silaq tepacu turut pituah agame
Sampunte si pade masih idup
Lek punie direk arak beringin betandan
Lek pengengat arak pempang mitak
Leq dunie niki taokte ngiring betaletan
Leq akherat jemak tiang iring matak
Luek guntur Leq gumi deye
Ujan deq araq, angin doang rere
Lueq batur lupak agame
Lantaran keselaq siq lingon dunie
Suran bian sugul elek jebak
Demen kelemak tulak jok berene
Pengajian bilang lembuq lembaq
Laguk dek tesimak dek arak gunene
Mun belayang lek tembere
Kapek paok siq tetolang
Mun sembahyang endekte mele
Sanget Laloq siqte jogang
Kelaq manis daun kentujur
Manggis kataq araq sepempang
Epen tangis leq dalem kubur
Tangis awak saq endek uah sembahyang
Endaq girang lepas sampi ngaro
Leq sedin pelepe loeq laloq uletne
Endaq gamaq girang lepas uni bawo
Mun bakat ate sekat laloq oatene
Pade bsimbut mun joq sembalun
Timuq lauq ye nyet gati
Warge krumut mule dmen bpantun
Laguq ndaq lupaq lalo ngaji hehe
Goroq goroq gaji
Piringku belah empat
Amaqku lalo ngaji
Inaqku bace kitab
Kadal nongaq leq kesambiq
Benang kataq setakilan
Tajah'n onyaq deq ne matiq
Payu salaq kejarian
Talet nyiur sedin pelepe
Tiup baraq lek dalem gue
Dendek girang iur batur lenge
Sengsare awak sak tanggung dose
Peruru impan sampi
Kelabang injat-injat
Amun tetu kangen ilahi
Ndak lupaq gawek sareat
Araq lime buaq kedondong
Arak due buak sempage
Jari kanak dendek te sombong
Dunie akhirat te bedose
Bau paku sedin telabah
Buaq randu masak odaq
Pacu-pacu pada sekolah
Jari sangu sak uwah toak
Papuq tiang beli kater
Niniq tiang neteh sampah
Lamun mele jari dengan pinter
Pacu-pacu entan belajah
Aqu lalo beli tembage
Te ngadu ngelim parang
Lamun mele tame surge
Girang-girang ngaji sembahyang
Kelak manis daun ketujur
Manggis kataq arak sepempang
Epen tangis leq dalem kubur
Tangis awaq sak ndek wah sembahyang
Ape kandoq jangan tengari
Beli urap-urap jari penyampah
Apa tandoq umat Nabi
Dengan siq pacu ibadah
Lueq guntur leq gunung daye
Ujan ndeq araq angin doank rere
Lueq batur lupaq agame
Lantaran keselak siq lengan dunie
Impan bembeq siq daun waru
Pelembah aoq lek dese pujut
Leman kodek te pade pacu
Wah te toaq jari penurut
Mulok/Etnis Sasak
SMAN 1 Sambelia