PANTUN SASAK

AZIZATUL ULYA
3A
 Lelakak Nasehat

Mun belayang leq tembere

Kapek paok siq tetolang
Mun sembahyang dek temele
Sanget laloq siq tejogang

Kelak manis daun ketujur

Manggis katak araq sepempang
Epen tangis leq dalem kurbur
Tangis awak saq deq uah sembahyang

Ampet ampet kadu kipas daun kesambik

Saq tebau leq taman sedin lendang
Apik apik gamaq ntan pade jagak diriq
Sengaq mangkin jamane saq uah jogang

Endaq girang lepas sampi ngaro

Leq sedin pelepe lueq laloq uletne
Endaq gamaq girang lepas uni bawo
Mun bakat ate sekat laloq oatne

Mun bebante Sembalun Bumbung

Dasan telage langan te jok Rinjani
Lamun mate ndeq teburung
Ngumbe care adek te bakti
 Lelakaq Anak Anak

Bau paku leq sedin oloh

Jari kandoq mangan tengari
Pacu-pacu pade sekolah
Jari sangunte lemaq mudi

Impan bembeq siq daun waru

Pelembah polak leq dese Pujut
Leman kodeq te pade pacu
Uahte toaq jari penurut

Sei rengge jeruk manis

Jeruk manis leq atas langan
Sai wede kanak nangis
Kanak nangis mele mangan

Jelo Senen te juan buaq

Jelo ahad tejuan apuh
Lamunte genem jaq araq juaq
Lamunte sagaq deq araq angkuh

Pempang ere tekadu kaliq lungkak

Batang mitaq tepiaq jari pemanju
Moge- moge araq gamak kesukaq
Kanak Sasak niki sayan pacu
 Lelakaq Bebajangan

Kayuq timus ariq jari warangke

Kayuq mamben ariq jari pengkaliq
Sangkak ngemus ariq tegitaq beraye
Mule angen ariq mele merariq

Buaq asem begerintang

Kayuq aden begeririk
Jelo malem begeringsang
Selung angen deq baun pirik

Talet bunga arik leq bawaq bila

Taliq paku arik siq penyalin
Munne meni arik si idap rase
Sarian aku bae arik sitekawin

Kayuk paok jeri belide

Sangkur moto ji impan kedit
Leman jaok kenangku side
Bebonto bangket paranku side

Kayuk waru jari apit

Buak are si buek tumpah
Mun bebalu jari penyakit
Selung dedare bengku susah
 Lelakaq Bebonyean

Mun belauk sikut bedaye

Talet gadung dendeq-dendeq
Munku mauk si pade waye
Tanggep gandrung gorok bembek

Lalo meken leq jarian

Bau tanaq impan jangkrik
Leteng lalok idap tian
Melet boye jangger ngencik

Lolon renggak jari tali

Lolon belimbing sedin langan
Lamun erak sejari jari
Pokok ngibing jangke bian

Munte belayang sedin ilir

Bau tebu leq pejanggik
Lamun wayang leq dalem kelir
Beu tekadu pengaji dirik

Ungkah gadung leq dese temiling

Ungkah kenokak leq bawak bune
Uah kedung ketungkulan ngibing
Jengkene pede lupaq anak senine
 Lelakaq Agama

Bubut kerete dese lenek

Anak gagak kembang sandat
Idup mate urusan Nenek
Endak lupak bace syahadat

Mun belacu tepiak selane

Bunge putek masih laloq kuncup
Silaq tepacu turut pituah agame
Sampunte si pade masih idup

Lek punie direk arak beringin betandan

Lek pengengat arak pempang mitak
Leq dunie niki taokte ngiring betaletan
Leq akherat jemak tiang iring matak

Luek guntur Leq gumi deye

Ujan deq araq, angin doang rere
Lueq batur lupak agame
Lantaran keselaq siq lingon dunie

Suran bian sugul elek jebak

Demen kelemak tulak jok berene
Pengajian bilang lembuq lembaq
Laguk dek tesimak dek arak gunene
 Beli empak leq Labuan
Te pesopoq sik kereng bende
Lelah tiang beketuan
Leq enbe taoq taoq balende

Toloq paoq atas sempare

Munte mele karing te beit
Ttmaqne jaoq sedin segare
Lamune jodoh gente bedait

Tiang tokol leq alas tipah

Gitaq tiang suratde nyelit
Uwah suwe te bepisah
Leq mangkin niki te bedeit

Sajaq dateng lengan jaoq

Meta gedeng batur leq Seruni
Betaun-taun te pade bejaoq
Nengke te bedait leq acara reuni

Araq kembang leq bebaleq

Ndeq ne tesiram jari layu
Janjinte bedait lengan laeq
Laguq nengke baruqne payu

Lamun mele lilit paku

Llilit paku leq teken jarang
Lamun mele berdait aku
Bedait aku leq peken doang
 Jok aiq mel te pete ladik
Yaq ku pete idiq kakaq araq sepulu
Ndeqku semel yaq bedait
Sengaq ite idiq kakaq aro wah bebalu

Daun bebele jari peranget

Jok sesade jaq te bau seneq
Lamun ngene wayen angen
Antih rede leman neneq

Batu bireng ariq leq penamaq

Bau laos gamaq ariq leq dese marong
Mun pengileng ndeq ku kawaq
Mun kememos gamaq siq ku anyong

Kelaq botor sintung tumpah

Kelaq keke romboqan aiq
Mule nyelembor laguq kedung wah
Aku mele leq side ariq

Tanaq lapang te boyaq balang

Buaq bagu araq sekeranjang
Ndaq de paran raos tiang doang
Ku dateng yaqke buktiang

Lampaq nae jok Gunung Malang

Kepeng siu eleq Sugian
Maraq nike ate angen tiang
Side doang kembang impian
 Arak lime buak kedondong
Arak due buak sempage
Jari kanak dendek te sombong
Dunie akhirat te bedose

Bau paku leq sedin oloh

Jari kandoq mangan tengari
Pacu-pacu pade sekolah
Jari sangunte lemaq mudi

Piaq gambar kadu potlot..

cemoh laloq jari lukisan..
Ndaq paran tyang mosot..
jodoh sino lengan Tuhan

Peteng dendeng lek Penujak

Gedeng lontar taok beguru
Redayang tiang gamaq inaq
Tiang lumbar pete ilmu

Lalo mancing kadu sampan

Sampan baru, baruq tepinaq
Onyak-onyak entan bekelampan
Bace do’e sedekman lampaq

Bli cincin leq toko cempaka

Ndak lupak beli intan
Lamun ndek de mele tame neraka
Ndak nurut nafsu setan
 Ndak lekaq tengak langan
Lain side telanggar siq le Somat
Ndak girang ngadu dengan
Lamun de’mele selamet dunia akhirat

Mpak mate leq sedin kolam

Embun cincin leq berende
Ndak lupaq ucapan salam
Lamun de badait siq batur de

Empat buaq endaq bukaq

Leq atas na toloq bawang
Timaq toaq endeq lupaq
Inget ngaji dait sembahyang

Beli tepeng pinaq bubur

Te gore isiq sndeq kqwqt
Liunun mete selamet teq kubur
Pada girang baca salawat

akaq side bedoe paoq

Endeq rebang lalon kedondang
Dakaq side uati taoq
Endaq girang pada sombong