Uwae pole ri mekka jenne pole ri suruga usammpianggi busana walai pappepaccing Batu lappa riawa, langi temmaka

luang riase wala accinongeng Iyyaa na Alepu tettong riposina tanae, sappai haddese marajamu Tegana kasi massapa riasengnge nyameng kininnawa Ulipuri kampongge sappatoi riasengge babana suruga Te memme tinroku uleserang esso wenni Congana ri langie nakuputtama ketengge rimatakku Mattanggana lao riaja nakuita nurung, makkitasika lao ri alau nakuitasi nurung Natemmakitani matakku narekko degagai inurung, nauta topa atikku nerekko teengkai nurung Na idimi teppaja kusappa Na idi tona kusenge, upari babua, upari ati tokki Malomoni sedding peddie kupirasa narekko kuramppeki Uppancanji suroni aleku riwatang kalemu Gaumuna kupigau, elomu makko adammu kupattongeng Nade nawedding massarang suroe na topasuroe Narekko pole si pettangge massuni nyawaku sappaki ri rahasiana atikku natosiruntuna riwiring tinro Kumassaddana teppake lila nakumakkitana kutemmake mata Iyana saddaku annesana atikku , iyana akkitaku annesana rahasiae Massadana patattenrengi langi pitu susungnge iya engkae riwatang kaleku Mubali toni tongengku sibawa tongengmu natompona mata esso

Massuna mita tajang nakuala cinoddo riasena bunga pute Kupatoopo ri ulukku namaccerra, ru rupangku namacceyya, ri badangku pappada keteng seppuloeppa ompona.