Uddani Marilaleng Lao Ri Ambo’ Indo’ ku

(Andi Olha Mappasosory)

Upaletturengngi sininna uddani

marilalengku ri to matoakku melebbi’e
To matoa iya de’na pettu pa’doangenna ri ana’na

Makkuni wissenna de’gaga pada-padanna papojimmu ri aleku

Makkutoni aleku
De’ullei pappada-pada pappojimmu ri aleku

Iyami wisseng
Idi’na tau ulawenna linoe ri matakku
To matoakku teppettu pariloangenna ri puangnge
Marillau adecengenna ana-ana’na

Makkutongenna
De’gaga pada-padammu ido’, ambo’
Parillau doangemmi ulle willau ri puang Allah Ta’ala

Tannapodo tuli salama’

Tannapodo ripassalama’ tomu ri lino
Tuomu ri lino laingnge sangngadi

Uwillowangeng adisengeng
Tannapodo muitamanemmoi ana’mu
Madeceng iya padae elo’mu

O indo’, o ambo’,
Sellengku marilaleng pole atikku
Taddampengengka
Iya’ ana’mu de’na malebbi’e
Mattuntuq Paddissengeng
(sukarding)

Usalai tana ancajingekku

Ulettoi tasiq maloawang
Usompeq mabela

Sellukka rialeq kabo

Kupusa nawa-nawa
Ati mallolongeng

Ia teppaja kusappa
Paqgoncing pattimpqna
Babanna suruga

Pura toddoq pettu ri atikku

Iyapa kullisu
Ulolongeppi wakkattaiye

Tudanga ripesonaku
Sanreqka ritotoku
Kutajeng pammase

Resopa na temmangingngi
Malomo naletei
Pammase dewata