KHUTBAH IDUL FITRI

Sejak hilal 1 Syawal 1431 H Nampak diufuk timur ayam bersahut sahutan, bertanda tibanya hari
raya Idul Fitri hari kegembiraan rakyat dan pemerintah, tampaklah tali persaudaraan dan
persatuan bagaikan rantai emas yang tak kunjung putus antara si kaya dan simiskin, antara
orang kuat dan orang yang lemah.
Sejak itupulahlah kalimat Takbir mengemah memuji dan membesarkan Allah, karena
memang tidak ada yang besar kecuali engkau Ya… Allah, Tuhan Yang Maha Pengasih lagi Maha
Penyayang, yang maha Mengetahui perbuatan hambanya mulai dari yang besar sampai dengan
yang sekecil zarrah.
Mapaccingngi Puang Allah Ta'ala' Puang pancajiengngi alAngnge nenniyah lollong lise,
Puang Pancajiengngi langi massusungngeng nenniyah nabelo-beloi nasaba majjuta-juta ana
wettoeng macora pappa riwennie, uleng maccaiyyah mancaji lampu ri atanna, na dee gaga tau
mulle mebbui pada-padanna koromai tajangi sininna alangnge, napancajingekki mata esso
naripake sappai dalle hallalatta, Maganiro perina pappenedditta benngenge pettangmi bawang
matteru-teru . Naiyakiyah Magamaniha natia pasujui rupanna ri Puanna, tau Makkuaero tajeng
mani bawang paccallanna Puang Allah Ta'ala iya kaminang mappepeddie, maelotokko iarega na
teako pasti nasariko rilalenna api mallumpa-lumpae.

Kaum Muslimin dan Muslimat Yang berbahagia.

Bulan Ramadhan telah berlalu dan telah menyaksikan kejahatan kita masing-masing,
Alangkah ruginya orang yang menyia-nyiakan waktunya dan penyesalan besar bagi orang-orang
yang melampaui batas dan alangkah kecewanya bagi orang-orang yang menunda-nunda amal
baik.
Musalai tongemmanisaha Eh… Uleng Ramalang malebbi ! Rigau engkana iwenni topada
engakamopa maddojaiko papolei pakkasiwiyangnge. Podo bare datunna ulengnge engkai
mangonro-onroakki riolona Puang Allah Ta'ala, Engka laloko Eh Uleng ramalang malebbi
sabbiwi sininna amala madecetta nenniyah lolloi sininna amala majata namuangoloakki riolona
Puang Allah Ta'ala nasaba tekei sininna amala madecetta.
Waa… arogippha tau tettang-tettangengngi Puasa nade napapolei pakkasiwiyangnge ri
Puang Allah Ta'ala, gangkanna napappada-padamui Uleng Ramalanna sibawa taniana Uleng
ramalang, podo bare datunna ulengnge taggilikkomai paimeng nariewako manguru siri
makkasiwiyang ri Puang Allah Ta'ala, nasaba mamadai laddenni batemu maelo pedecengiki na
aga mutimpakenni babanna surugae, naidi tomaniha tea muttamai nenniyah mututukenni
bababanna ranakae, naiyakiyah iditomaniha maelo muttamai,namutikkengenni bali marajata
iyanaritu setangnge naiyakiyah idi' tomaniha maelo malleppessangngi.
Sininna Umma selleng Malebbi engkae Hadere.

Uleng ramalang uleng mapaccing uleng nataroe Puang Allah Ta'ala lolloi sininna dosata ,
Uleng natellai Nabitta Muhammad Saw uleng pammase nenniya uleng pappenyameng. Na nigi-
nigi tau mattongeng-tongeng papole pakkasiwiyang rilalenna , majeppu mattentuni riamasae ri
Puang Allah Ta'ala nenniyah ripannyameng –nyamengtoni rilalenna suruga.
Upeppagaha, alabangeppaha, Asarongeppaha nenniyah Asaukininnawangeng
marajapaha napunnai tau makkasiwiyangnge siuleng kalepu rilalenna Uleng Ramalang rigau
engkana makkasiwiyange siuleng kalepu rilalenna Uleng Ramalang rigau engkana passukkui
puasana nenniyah tarawena nasaba de'pamale'na sangadinna bawang suruga pammasena
Puang Allah Ta'ala
Makkeddai Nabitta Muhammad SAW.

Bettuanna;
"Majeppu engka babanna suruga riaseng Arrayyan pada naola muttama pappuasae matti
riesso rimunrinna Puang Allah Ta'ala, nade gaga tamaiwi sangadinna pappuasae, Makkedai
Puang Allah Ta'ala, tegani pappuasae ? Aga nakkatettongenna Pappuasae ritu muttama
rilalenna narekko pada muttamani ritu nadena gaga wedding muttamai sangadinn ritu"

Hadirin dan Hadirat yang Berbahagia.

Wa … Acilakappaha , asarjureppaha, asolangeppaha, neniyah abinasangeppaha

napunnai tau passia-siaengngi wetunna rilalenna Uleng ramalang , tau simata mammatu-
matue tobakengngi dosana. Nasengngi kapang alena maelo tuo batu rilalenna iyae linoe tau
makkuaero nasari'mi alena ri abinasangnge rilalenna Uleng ramalang , nateppammiha alena ri
api mallumpa-limpae nade' napeneddingiwi, napogau'mi anu nacaccae Puang Allah Ta'ala
nalulu manengmi sininna nappesangkangnge Nabitta , napero-pero manemmi sininna
nappesangkangnge nabitta, napero-pero manenni sininna nappasengnge topanritae, naluta-
luta manenni siniinna amanahna tomapparentata, nabutamataruammi pappangajana duae
topajajianna, natennajampangini pappatalinge'na pada oroane sellenna, narekko ijellokengngi
laleng madeceng majeppu hawa nafsunnami menre, narekko ripesangkai pogau gau maja
nasemmiha alena ripakasiri..
Tau makkuangngero sipa'na talinge memenno makkukkuae toba memenno
makkukkuae, sesse memenni alemu iyae essoe, pateri-teri memenni matammu tobakengngi
atassalammu, nenniyah pangolo memenni rupammu ripuang seuwwae, nasaba tegako maelo
lao tennareppa cekko-cekkommu nenniyah naeddui nyawamu malakalmaut natiwiko mangolo
ri Puang Sewwae, naduami onrong tajekko iyanaritu suruga nennia ranaka. Naiyakia
Muabbokori suruga pegani Massempajakko mabbonga-bongamo, Ma'da'wai taue simata
makkare-aremu, pakkanre memenni parembolo'mu, baca memenni pajjappimmu, taro
memenni masse olimu nasaba ranakatu muoloi, api mallumpa-lumpa muonroi teppa, salo dara
nenniyah salo nanah muonroi nange nenniyah iyatonaro muinung nasaba pangobbinami iblis
muturusi, jaji sibawano rilalenna Ranaka.
Uleng ramalang Uleng mapaccing, uleng mabbarakka nenniyah uleng pammase bahkan
uleng asaukininnawangenna tau mateppe'e nasaba tampu'I siaga egana deceng , naiyakiya
engka niro mabboko temmassaile mengucapkan selamat Tinggal bagi orang Mu'min dan yang
taat dan durhaka, Riebarai kappala engkani mattolla loloangngi puasata taraweta, amala
madecetta, nenniyah sumbangetta tau makkarana allae simata-mata narigau engkana mellau
pammase ripuang Allahu Ta'ala nainappa nataro rionrong kaminang makessingnge.
Narimakkuannaro rilalenna iyae essoe engkani ritu mapaccing kenna siseng pole
ridosata nasaba purana ritobakeng rilalenna Uleng Ramalang, naiyakiyah aja lalo naompo
rinawa-nawatta nenniyah ajalalo naettokengngi ati nenniyah aja lalo nompo rinawa-nawatta
makkedae : Laben'ni uleng ramalang , tarotoni upalabe amala madecengnge, nasalaini Uleng
ramalang tarotoni usalai kasiwiyangi Puang Allah Ta'ala , mabbokoniro uleng ramalang taro toni
uwabbokori sumbangengnge, iyae essoe tomallepe'na taro toni uleppe bowong nenniyah
pakeang sempajakku, tarotoni upaleppe passiona setangnge uwewa sibawa papolei
adorakangnge ripuang Allah Ta'ala Uleng Ramalang paimeppasi natosiladde maebbu amala
madeceng.
Ateka bangsana iyae d'siseng-siseng nawedding napake tau masengngi alena selleng,
nasaba siaga egana tau maelo rapi'I Uleng Ramalang naiyakiyah leleni ripammasena Puang
Allah ta'ala , Iyanaro nakkeda nabitta Muhammad SAW.
Makkedai tau riolota : AJA MUPATTANJENGNEGI JAMA-JAMAMMU RIMATU'NA
BAJANNA, SANAGDINNA NENNIYAH MEMPANA, NASABA PENE MATUI PENE MAMMATU
MATUKO. BAJA DE'BAJANNA. SANGADI SANAGADI NAPPAI MEMPAI MULEMPAI BELLEMU
MUTEKEI DOSAMU MUABBOWONGNGI ASAJURENGNGMU.

Hadirin yang berbahagia

Ianae Essoe ripallahereng rio rennutta risesena Puang Allah Ta'ala Natomaddeppungeng
sipulung padatta Umma selleng mengngerang manegngi dosata, baik dosata lao ripadatta Rupa
tau, ribali bolata, risompulolota, risikampotta terutamani lao riduae topajajiatta, nasaba
makkukkuae tanri sappa tau biasa peppe'I tomatoanna nainappa nasalai gangkanna pole lao
narewe puwatai to matoanna naia mua maega lalo riolona tomatoanna temmellau tabe,
bahkan engka tau narekko riewai ada ritomatoanna paggera'mi nabalingiwi, iarega biasa naewa
makkara-kara tomatoanna gara-gara warang-parang gangkanna engka mpunoi tomatoanna.
Purai kajajiang riseddie makkunrai selleng sipoji oroane tenniae selleng , namaelon'na
kawing aga naripesangkai ritomatoanna. Onro peddi'na Lapong anana riacciang ritomatoanna,
gangkanna napatinro-tinro madeceng tomatoanna nainappa mala piso tareng maelo gerei
ambo'na, Naiyya riwettu nagere'na ambo'na takko paseddingngi Indo'na matteru nakkatenni
jarinna ana'na gangkanna de'to natteru pettu bulo-bulo tigero'na lapong ambo kasi nassabari
dettopa natteru mate.

Hadirin yang Berbahagia.

Puratoi Kajajiang Riseddi Oroane siallebinengeng punnai Indo' naiyakiya iaro indo'na
maulu'ni . Mappabubbu-bubbu eloni, natemeini alena , najambangini alena sehingga de'na
naulle jampangiwi indo'na , nasaba baenena engkatoi simata najampangi an'na nenniyah
simata sessakangngi pakeanna lakkainna. Gangkanna Lapong Oroane naebburenni baka-baka
Indo'na akkata maelo mabbiayangngi ritengngana ale'e , tempona Nala baka-bakana
makkutanai ana'na Eh… Ambo Maeloki magai baka-bakae, aga nappebalina lapong Ambo
makkedae Eh… ana maeloi ritaroi nennemu rilempa ritiwi'I ritengngna ale'e , nasaba iyaro
nenemu matoani maulu'ni de naulle jampangiwi alena ,nenniyah indo'mu dettona nulle
jampangi manengngi nasaba engkatokko simata najampangi, mettei lapong anana makkedae
mesanitu kasi neneku nanre macang nassabarini dena gaga neneku. . Naiyya riwettu natiwinana
Indo'na ritenggana ale'E nasalaiani sibawa iyaro baka-bakae, gangkanna lapong anana jokkatosi
malai iyaro baka-bakae natiwi lisu, gangkanna makkutanai lapong Ambo eh… ana maeloki
magai iyatu baka-bakae. Nappebalina lapong anana makkedae Eh… Ambo maeloka parakaiwi
iae baka-bakae narekko matoatoni matu pada nenenku ulempatoni ribaka-bakae uwabbiakki
pada toha neneku, tempona nengkalinga pappebalinna ana'na inappa kera mabbetta langi
mengngerangngi dosana lao ritopajajianna gangkanna laoni paimeng maelai Indo'na
napedecengiwi piarana nasimata teri mellau addampeng ri Indo'na

Hadirin malebbi paeddippatu lamong tomatoa kiana narekko makkuaero ampe kedota idi
ana'E, gangkanna biasa mettekeng ada lapong tomatoa makkedaE" Bennengnge weddikko
riuno iyolo nainappa ripatuoko de' tekki unomu nataro peddi lapong to matoa, nasaba buru
manrasa bawakka sah tungkai sengerenna tennia iyya makkalu.
Anappaha ga adorakangeppaha, tojopaha, pettappaha atinna ripangajari
tennengkalingai, nangkalingasi tennatassi, natassi tennapegaussi, napegaussi tennalaku-lakusi
tanranna ana' macilaka.

Hadirin Yang Berbahagia

Jaji pada atike laloli pole ridosata ritoduae pajajiatta iyanaritu tomatoatta riaseng puang
mallinota, nebennengnge engka wedding risompa idi rupa tauwwe rilainnae puang allah Ta'ala
akkoni tomatoatta wajikki massompa idi rupa tauwwe taisseng muga tau madorakae ritoduae
pajajianna makkedai tau riolota : " Nigi-nigi tau madoraka ritoduwae makkatenningngi
namarunrung, makkaleccai namaruttung , mapokka pinceng putei, mareppa ittelloi, mapettu
sampengngi, tennakkeccengi peppaja, teccolli teccokkongngi temmitai parumpaja riduae
wanua iyanaritu wanua lino nenniyah wanua ahera.
Makkedai Puang Allah taala rilalenna akorang malebbie.

Bettuanna :
"Pura napettui puammu makkedae aja lalo musompai rilaenna Puang Allah Ta'ala neniyah
appedecekko ri toduae pajajiammu, narekko narapini umuru atoangeng sala seddinnaiyarega
iyadua aja lalo mupuadangngi makkedae ada Puah (ach) aja to' mugera gerai nesseriko
puadangngi ada-ada malebbi."

Makkoniro naseng Puang Allah Ta'ala , iyamua bawang makkedae ada puah (akh)
temmaka kere'na naocopasiha narekko rigera-gerai, ribali-baliwi iyarega riewai mappangewang
. Mua pakkadang narekko tea tabbollo-bollo uwai matatta mingngerangngi pappedecenna
riasengnge Tomatoa, sikurang-kurangna risessekengngi ale dosata lao ritoduae pajajiatta.
Taissengmuga peddi'na narekko tobiu-biu makkedai pakkelongnge " PEDDI PALE KOTOBIU-BIU,
MALASA TENRI JAMPANGI, MATE TENRI WALUNG, RIWALUNGSI DAUNG OTTI, RILEMME
GANGKA UTTU, NAKAISI BAWI, ENGKASI NASESA BAWI NARI SARI RITIMPO-TIMPOE NANRESI
BEBBU RITAROSI RIPALE LIMAE, SO'EMI NADEE'NA GANGKANNA NALUTTURENG ANGING . Jaji
idi engkae mupa to matoanna nesseriki simata mappedeceng ri toduae pajajiatta aja kammana
maelo mupi mitai riasengnge tomatoa nanasalaini, Idi de'enagaga tomatoanna tellau
doangemmani bawang ri Puang Allah Ta'ala , neniyah tewai siwolong-polong madeceng tau
purae naewa siwolong-polong tomatoatta riwettu tuona engkani'tu ribilang tau mappedeceng
makkedai nabitta Muhammad Saw

Bettuanna :
" Naiiya riona Puang Allah Ta'ala taggattungngi ri riona toduae pajajiatta, naiyya
gellinna Puang Allah Ta'ala koi gellina tau duae pajajiatta"

Sininna Umma Selleng Malebbi engake hadere .

Labe'niro Uleng ramalang muttamasi uleng sawwaleng uleng naoroiyye rupa tuwwe
siaddampe-dampengeng , nenniyah naonroiyye maddampngengi keluargana nenniiyah
padanna rupa tau.
Iyyae essoe sininna tau engkae jama-jamanna ripallawangenna masyarakae, pada
nasalai manenni mennanro jama-jamanna napada lao rimasijie iyarega ritana lapangengnge
untu' pasilennerengngi sunna malebbina Nabitta Muhammad SAW iyanaritu sempajang sunna
allepperengnge , iyarega iayae essoe sininna Umma sellengnge napakeni pakeang mabarunna,
sulara barunna, waju barunna , lipa barunna engrengnge rilainnae iyaro siajitta ana yatingnge
(Tau de'e gaga indo ambo'na) , tau miskingnge engkamuigaharo mabbaju baru , mallipa
baruiyarega nade'. IyaE essoe engka tau mario engkato tau masara nawa-nawai totona .
Padatoh riwettunna nabitta Muhammad SAW. Engka anana simata teri pikkirikiwi totona,
nasaba engkai koritu ambo'na lisu ripammasena puang allah Ta'ala rimusue perjuangkangngi
agamana Puang Allah Ta'ala, naiyamua indo'na mallakkaiwi paimeng, nainappa nasuro medde
ana'na nasibawai seddi waju , seddi sulara iyanaritu simata napakewe. Narekko naitasi
padanna anana sibawa ambo'na malleppe' mappake pakeang baru terisi, iayaro ananae'e rigau
ngnkana poadai rilaleng atinna makkedae.

1. Eh… Ambo' ! Bennengnge engkamopi ambo' engkamatoiro indo'ku pojika

naiyakia nacaccana Indo'ku nasaba engkana passelleta
2. Eh… Ambo ! Bennengnge engkamopi ambo' engkamatokkaro jokka malleppe'
sibawaki, naiyakiyah makkukkuae cilalekumani bawang, sibawa masirika lao
malleppe' nasaba kape-kape pakeakku,
3. Eh… Ambo! Bennengnge engkamopi engkamatokkaro ambo' mappake pakeang
mabaru.
 Gangkanna mnoroi kasi iyaro ananae mitai tauwwe lalalo lao malleppe nasimata teri tassiku-
siku pikkirkikwi totona . Agana tempona lisu tau pole riallepperengnge, gangkanna iritaio ri
Nabitta Muhammad SAW, naritanaina iyaro ananae makkeda'e : Eh… Ana magai tateri ana ?
aga nappebalina iyaro anana'e makkedae: Iya'kasi saisaka ana Yatim , natemmaga eloku lao
malleppe sibawa tomatoakku naiyakiyah tennaelorengngi Puang Allah Ta'ala nasaba ambo'ku
lelei ripammaena Puang Allah Ta'ala rimusue, naiyya aindo'ku mallakkai paimeng, nainappka
nasuro medde' pole ribolana ambo'ku. Aga natetti'na uwai matanna Nabitta Muhammad SAW
mengkalingai caritana iyaro ananae, nainappa napuadang makkedae Eh … Ana aja'na muteri
muteri , makkukkuae Fatimah kakamu, aisyah Indo'mu , iyya'na ambo'mu.
Hadirin Yang Berbaghagiag
Narrekko topada lisuna matu ribola tudangetta , tudang-tudang madecenni sibawa
keluargata, atteru'ni mampai limanna toduae naribau, taroki siawatingeng narekko
naddampengemuakki dosata natopada mellau doang ri Puang Allah Ta'ala makkedae.

Bettuanna :
" Eh… Puang taddampengikasi dosaku nenniyah dosana toduae pajajiakku kuaetopa tamasei iya
dua padatoha namaseikku riwettu baiccukku"

Sininna Umma Selleng malebbi Engkae Hadere.

Mappammulani iyae eso'e nataronitu ana gurunna iblis napatassanrai rilebo'na tanae
nasaba leppe'na pole ripassiona . Aga natabbage- bagena lao rionrong addoa –roasengnge pada
tiwi'I balu-balu'na . Engka ana gurunna Iblis balu ceko-ceko, engka tona balu ada belle,
engkatona balu mangke-mangke, pau-pau rimonsri, sere ati atakabborokeng nenniyah
angoangeng koae topa rupa-rupanna adorakanegnge . Aga napolena pangellie malliwi balu-
balu'na Iblis koromai saisanna tau panritae, saisanna tau mapparentae, saisanna tau sogie,
saisanna kasi-asie, oroane nenniyah makkunraie. Aga nasimata cawana Iblis rigau engkana
mappaleppa nasaba taralana balu-balu'na Iblis, Naiyakiyah tongenniro engkaki melliwi balu-
balu'na Iblis nassabari natomadosa iyarega natomadorakla ri Puang Allah Ta'ala , yebarai lasa
engka maneng pabburana , makkedai nabitta Muhammad SAW

Bettuanna :
"Sininna lasae engka maneng pabburana , naiyya pabburana iyarega pabbisana dosae iyanaritu
parellau addampengnge"

naiyya asukkukenna pabburae dosae iyanaritu ": alako tebba aju sabbara mupasibawai
bua paddissengeng nainappa ala tokko unga jenne namumaraja pappejeppu, nainappa mukire-
kire piso tareng ati, namulelei nasaba appoji ridewatae, riasana pisoe ribatu asukkurukengnge,
nainappa rinasu rioring Pesonae, namupaddudduri api atemmangingngireng, mugarui nasaba
attongeng-tongeng. Namanasupi matti nainappa mupe nasaba jari akkalitutu , namusampoi
nasaba nyameng kininnawa, namutaroi rilalenna petti parengngerangnge, mujagai pabburae
aja ' kiammana nalepe'I balawo sere ati, nalepei meong poji riale , nainungngi cicca maelo
riaseng, Narekko maelo'ni mabburangngi pabburae pakeno pakeang nasaba tau ri dewatae
assalemunno pakambang rennu , aja nakennako talippolo harang sibawa anging makero nari
paccolona Pabburae nasaba maraja toba , mutaro toi lasuna nasaba pikkiri mubissai nasaba
hallala , nainappa riinung pabburae nasaba kalima'

Umma selleng engake riamasai ri puang Allah Ta'ala

Riolo de'napa upaccappui iyae katobbaku, upuminasai palettukengngi pappaseng

makkedae :
" Pada tanengki taneng-taneng deceng ! naribolo uwai amala, narisappo baca akorang ,
nabbua suruga , naiyya buana suruga riengngalai nasaba rakkapeng sempajang , narinampu ri
palungeng sekke'e narinasu ri oring puasae, naekko manasuni matti risamponi nasaba cenning
ati nasibawai nyameng kininnawa, naaja nalepei balawo nasaba sere ati.nalepei cicca poji riale,
nabolloangngi lima atakabborokeng natosaju ritrengnga laleng.
Jaji na narimakkunnanaro sompe'ni topada sompe' natopada mattonangeng rilopi
asellengengnge, nariakkulu balang naaba Teppe', naripasangnna sompe'e nasaba sompe
asabbarakeng, naripennoi lureng nasaba lureng amala shaleh, natossompe caddio-rio,
saukininnawa aja nakennaki bombang marajana kubburu'e natopada rappe ritanah pammasena
, natopada sita riarunna dewatae iyanaritu Puang Allah Ta'ala , puang pamaseie rilino nenniyah
riakhera.

Read more: http://muhammadsawaluddin.blogspot.com/#ixzz2a2eBrxH2