Salawa nenniya papasalama masse ripangolo lao ri nabikkeng Muhammad Saw, nabi
mallebangnge apammasengenna ritu ri sininna alangnge. Nasabari nakiengkana pada
makkacoeriwi ritu apatiroanna nenniya pada makkatenni masse ritu ri agamana iayanaritu agama
sellengnge iya pura napapolengekki ritu. Nakisalewangeng tona ritu pole ripettanna lino wanua
paccobae lipumpewang sumange nappasajang rennu. Narimakkoannanaro aja tapabombangngi
arota mita anu ritakkajenneki ri lino, toddo puli masse’i nasaba uli tessape juku temmalala
nainappa ritettuang ri laleng ati kaminang marilelengnge, iayanaritu istiqama’e makkatenni ri
kitta’na Allah ta’ala nenninya haddese essana nabikkeng Muhammad saw.
Narekko massarakki bajaE sangadiE, napoleiki uddani congaki ribitaraE tosiduppa mata
riketengngE. Engkatu bunga-bunga sitakke utanengakki, narekko makelle’I daunna
tabollorangmanika kasi nasaba wae mata. Sarekkoammnengi engka mancaji passengereng
pallawa uddani.
بارك هللا لي ولكم في القران الكريم ونفعني واياكم بما فيه من االيات والذكر الحكيم.
KHUTBAH KEDUA
Ee…Puang…Purani wola peri’e nennia sussae ripetta kape’e, naikiya gau mannessa, majeppu
pettang kape’na lino denaulle kalai pettang kape’na laleng kuburu, risesena tau takkalupae
sukkuruki pappedalleta puang lebbi-lebbipi risesena tau iyya massakkarengengi puang.
Sewwa wettu matti gau mannessa riolai laleng amatengnge, riuttamaki calori’na kuburu’E,
tajengngi esso paccappurengnge rilino wanua cinampe’E, naikiya :
Tapakarajangengga addampeng puang, nasaba cakka’na annessana amatengnge riseseku naikiya
tennassabari natatamba teppe’ku, tennassabari natattamba paddisengeng nennia amala
madecekku, naikiya iyakkeppaha deuwissengi aleku, takabboro’ka nennia takkalaupaka sukkuru.
Padahal, pura riwerengnga dalle nennia pappenyameng temmaggangka naikiya deusukkurukiwi
puang.
Tawerengnga mata, iyyae mataE Tania appunnaku puang naikiya simata-mata appunnatta
tapinrengika, narimakkuannanaro sitinajai upakkeguna matakku molai apatiroatta puang, bacai
kitta malebbita puang, naikiya taddampengekka puang nasaba deupakkegunai pakkitakku lao
rilaleng tapurioe pung. Maladdeka takkalupa nennia tappasala puang, nasabari tekkeangke’I
atuo-tuongekku rilino puang.
Tawerengnga jari, sitinajai upakkeguna lao rilaleng madecengnge, sappa’I dale hallala’ta,
tulungngi duwae pajajiakku, tulungngi bali-bolaku nennia sikampokku. Naikiya iyakkeppaha
upakkegunai jarikku malai warangparanna tau laingnge, upakkegunai jarikku malai cengkena
bali dare’ku, nennia upakkegunai jarikku peddiriwi padakku rupa tau. Maladde’ka tappasala
nennia takkalupa puang.
Eee…Puang…
Sitinajaka mappedeceng lao ritau duwae pajajiakku, nasaba ale malebbina nassabari kuengka
talleng rilalenna lebo’na lino. Sitinajaka turusi passuroanna, sitinajaka jampangi riwettu
malasana, sitinajaka engka riseddena riwettu napparelluakku. Naikiya takkalupaka nennia
tappasalaka puang, mabbali-balika rilaleng pangajana tau duwae pajajiakku, ugera-gera’I iya
dua, deupogaui passuroanna, usalai riwettu malasana, mabelaka riwetuu napparelluakku.
Madorakaka lao ritau duwae pajajiakku puang…nappaka massesse kale naekiya denigaga
tauduwae pajajiakku puang, lisuni rionrong mannennungenna rilaleng pammaseta puang…Ee…
puang tapalettukakka selleng uddanikku nennia ellau addampekku lao ritau duwae pajajiakku
puang, sarekkoammengngi naddampengangi sininna dosa-dosaku lao rialena puang. Nasaba
manrasa-rasaka rilino puang, temmatujungi jama-jamakku teppolei dalle masempota puang.
Nakennana ada-nna tau riolota rimakkedanna :
Nigi-nigi madoraka lao ritau duwae pajajianna, makkatenningngi namarunrung, makkalleccai
namaruttung, mapokka pinceng pute, mareppa lebu ittelloi, mapettu sampengngi, mapolo
sangila, teccokkong temmaccolli, tennaccekkengi peppaja, temmitai parumpaja lino lebbi-
lebbipa ahera.
Ee…Puang…
Narekko uwengnggerangi egana dosa pura upogau, sitongeng-tongenna deupasitinajai ale’ku
mancaji tolise surugata puang. Naikiya maladde’ka matau lolonganganggi paccalatta nennia
pellana apinna neraka puang. Narimakkuannanaro taddampengakka puang, tessingakka babua
puang, tatarimai toba’ku puang, tapalomoi urusang linoka puang makkotoparo urusang ahera’ku
puang, tapancajingekka lalekku laleng malempu pada lalenna tau ripuriota puang, Tania lalenna
tau ricaccata puang. Sarekkoammnengi topada salama rilino nennia pada rilolongngengi
pammasena nennia pakkamasena puang Allahu Ta’ala mati Riesso rimunrinna Insya Allah.
وأصلح, أللهم أصلح لنا ديننا الذي هو عصمة أمرنا, وأرنا الباطل باطال وارزقنا اجتنابه, أللهم أرنا الحق حقا وارزقنا اتباعه
واجعل الحياة زيادة لنا في كل خير واجعل الموت راحة لنا من, وأصلح لنا آخرتنا التي إليها معادنا, لنا دنيانا التي فيها معاشنا
كل شر.
اللهم اغفر للمسلمين. ربنا اغفر لنا وإلخواننا الذين سبقونا باإليمان وال تجعل في قلوبنا غال للذين آمنوا ربنا إنك رؤوف رحيم
ربنا آتنا في الدنيا حسنة وفي اآلخرة حسنة. والمسلمات والمؤمنين والمؤمنات األحياء منهم واألموات إنك أنت الغفور الرحيم
وقنا عذاب النار.
فاذكروا. عباد هللا !! إن هللا يأمر بالعدل واإلحسان وإيتاء ذى القربى وينهى عن الفحشاء والمنكر والبغي يعظكم لعلكم تذكرون
وأقم. واسألوه من فضله يعطكم ولذكر هللا األكبر وهللا يعلم ما تصنعون, واشكروه على نعمه يزدكم, هللا العظيم يذكركم
الصالة إن الصالة تنهى عن الفحشاء والمنكر.