KHUTBAH IDUL ADHA 1444 H/2023 M

( KATOBBA ALLEPPERENG KAROBANG )

Assalamu ‘alaikum warahmatullahi wabarakatuh !!!

Sining umma’ selleng malebbi’e engkae pada ri amasei ri Puang Allah

ta’ala….
Padalaonimai patarakkai tanrang asukkurukeng tenringangkata lao risese
arajanna Puang Allah Ta ‘ala, nasaba teppajai ritu napaturungekki
fammasena nenniya famasei lao ridi maneng, nassabari natopada engkasi
makkatuda-tudangeng riyase’na tappere ulaweng’nge, natopada mattuppu
riaddeneng awo lagading’nge, makkalejja ri-salangka bitara’e, nasaba seddi
akkata iyyanaritu timpa’i bitara temmennu’e rigau engakata
pasilennerengngi pakkasiwwiang malebbi’ lao rifuangseuwwa’e.
Nariappujiang tona ritu ripuang pancajieng’ngi alang’nge, enreng’nge riala
toni ritu passumpungrio-rennu (acaddio-riongeng) rigau engkata pada
pasilennereng’ngi sempajang allepereng akkorobang’nge. 1444 H
bertepatan pada Hari Kamis 29 Juni 2023.
Pada masseddi ada, massedi ati pakarajai Puang Allah ta’ala. Dengan
Tahmid, Tasbih dan Takbir Allahu Akbar, pada talinge manekki paimeng
pakabarui teppe’ta loa ri Puang Allah ta’ala, pada maelo tobakengngi
sininna atassalatta nennia dosa-dosa’ta. Samannai yae essoe bosi
pammase, lempe addampengeng, na mali maneng sininna dosa-dosa’ta.
Bahkan yae essoe, pa’pakedona ati masere’e, pappalemmanna ati
matedde’e, pabburunna ati matojo’e.
Makkotoparo paimeng. Salawa nenniya mappassalama masse lao ri
nabikkeng Muhammad saw. Nabi mallebbangnge pammasenge’nna ritu ri
sininna alangnge. Nassabari nakiengkana pada makkacoweriwi ritu,
nakisalewangeng ritu pole ri pettanna lino wanua paccobae.
Narimakkuannanaro aja’ lalo tapabbombangngi arota mita anu
ritakkajenneki ri lino, toddo puli messei nasaba uli tassape, nainappa ri
tentuang ri laleng ati kaminang marilalengnge, iyanaritu istiqamae
makkatenni ri kitta’na puang allah ta’ala nenniya haddese essana
nabikkeng Muhammad saw. Mamuare matti pada engka manekki ri
ajeppui ummana Nabitta Muhammad SAW ri esso ri munrinna Puang
Allahu Ta’ala. Aamiin...
Allahu Akbar 3X Walillahil Hamd
Allahu akbar pangkalan tempat bertolak, memuji kebasaran Allah
Walillahilhamd adalah pelabuhan tempat berlabuh, memuji keagung
Allah
Allahu akbar walillahilhamd, diharapkan mampu menjadi penawar dikala
sakit, pelipur lara dikala bersedih dan menyinari jiwa yang lagi
gersang/kalut,sehingga betatapun kelam dan gersangnya alam sekeliling
kita, namun makna kalimat tersebut tidak pernah pudar menyinari jalan
hidup kita, menumbuh suburkan amanah, meningkatkan rasa tanggung
jawab dan keadilan dalam jiwa dan hati sanubari yang paling dalam.

Demikianlah indahnya suara takbir, tahmid memuja dan memuji Allah

Swt. bergema di seluruh alam islami, riuh gemuruh menusuk sukma,
alun beralun menusuk rasa, kemudian renungkan lalu tancapkan dalam
sanubari niscaya kita akan rasakan betapa mulia dan agungnya kalimat
tersebut dan betapa rendah dan kerdilnya kita dihadapanNya.
Pada saat seperti inilah biasanya orang tidak tahan diusik oleh berbagai
perasaan, tak mampu menahan kesyahduan yang berkecamuk dalam
batinnya, tak kuasa membendung gejolak keharuan, tak mampu
menahan cucuran air mata, karena teringat pada sanak keluarga nun
jauh di mata, karib saudaraa yang lama berpisah, suami atau istri yang
telah renggang, anak dengan orang tua yang sedang selisih paham,
handai tolan yang tidak sempat merayakan ‘idul adha’ bersama kita hari
ini.
Semua kembali terbayang, kembali tampak di pelupuk mata, kembali
anyar dalam ingatan, bak baharu sebentar jua. Oleh karena itu,
berbahagialah kita karena masih dapat merayakan hari kemenangan
“Iedul Qurban” tahun 1444 H/2023 M walau dengan keluarga yang tidak
lengkap.
Sining umma’ selleng malebbi’e engkae pada ri amasei ri Puang Allah
ta’ala….
Iyae essoe saisai esso marajata idi umma sellenge, esso nonroiyye sita rupa
tau siyabelangnge, saisa toi esso malebbi, esso nonroiyye
siyaddampengeng tau sisala-salae tau siya boko-bokorie padanna ma’bali
bola, tau sibenci-bencie padanna massahaba’, tau sisiriatie padana
massilessureng, tau si pau-pau ri monrie padanna massikampong, siuja-
ujae padanna umma selleng. Nasuroki Agamata situlung-tulung, siamase-
masei, baik tau kasi-asi, tau sugi, ana-ana, tau matoa, nennia tau
mapparenta sibawa rakyanna, nasaba pura ri pahangi makkeda “naiyya
Puang Allah ta’ala de’natangngai ri rupanna nennia ri uli’na atanna, de’
nappasilaingeng nasaba warang-paranna, makkotoparo de’na nilai atanna
nasaba pangkanna” naikia makkedai Puang Allah ta’ala “Majeppu
kaminang malebbie pole ri iko tumennang, ri sesena Puang Allah ta’ala,
iyanaritu tau mitau’e nasibawai teppe (orang muttaqin)”.
Allahu Akbar 3X Walillahil Hamd
Jaji de’nasitinaja idi umma sellengnge situna-tunai, sipandang enteng,
siuja-uja, sisinggung-singgung, enrengnge sibenci-benci, nasaba sedddimi
nenek diammaneng-manengi, iyanaritu neneta Nabi Adam A.S., nenniya
pole komanemmi ri uwwae sitetti’e na matuna, nennia lisui paimeng
mancaji bakke makebbong na mariawa. Narimakkuannanaro asseddiki
rigau engkatta “rebba sipatokkong, mali siparappe, malilu sipakainge, sirui
menre, te’sirui nonno”. Makkotoparo paimeng de’ nasitinaja engkaki rota-
rotaki iyaewe esso mapaccingnge nasaba assiboko-bokoreng iya mompoe
ripallawengenna ra’yae nato mapparentae, bali bolae lao ribali bolana,
siyajitta paimeng, sikampotta nennia siagamata. Nacecce Puang Allah ta’ala
tau iya pettuengi assisompunna padana rupa tau rimonri purana
sisompung. Ritanro-tanroi ri Puang Allah ta’ala tau solangiengi
assisompungenna rimunri purana napadecengi. Jaji pada laoni mai malai
barakka’na iyaewe essoe nasaba assiyamaseng-maseang. Insya Allah
engkatoni tu Puang Allah taala makkamase lao ri idi maneng, nasaba
natimpa’na Puang Allah taala barakka’na tanae nennia napatabbolo-bolo
toi barakka’na langie.
Sining Umma Selleng Malebbi’ Engkae pada ri amasei ri Puang Allah
ta’ala…
Kejajiangngi iyyae essoe, maddatu sebbu umma selleng orowane
makkunrai, iya enkae toto’na makkulle menre papolei pakkasiwiyang
hajjie. Makkedai Puang Allah ta’ala rilalenna akorang malebbi’e :
          
Bettuanna: napperelluangngi Puang Allah ta’ala masse’rirupa taue menre’
hajji ribaitullae, risesena tau paullewe waramparang nennia paullewe
watakkale molai lalenna koritu (Q.S Al-Imran ;97).
Allahu Akbar 3x Walillahil Hamd...
Iyae essoe pada engkani takkappo rimina, rimonri purana wokkopo
ripadang arafah. Rigau engkana mallai-laingeng apolenganna, bahasana,
suku bangsana, enrengnge topa paimeng tappana. Tenripassalaingeng tau
bolong tau pute, tomalolo tomatoa, orowane makkunrai, tau sugi tau kasi-
yasi, ana’guru na punggawa, ra’ya enrengnge pamarentah. Pada engkani
koritu masseddi pakeyang, sirupa mapute sebagai tanra mapaccing, pada
nasalaiwi keluargana, sompung lolona, wija-wijanna, warang-paranna,
nennia wanua ancajingenna. Rigau engkana pada masseddi ati, lila
mappuada, ati mappattongeng, lanroale mappogau, seddi ateka, seddi
tujuan. De’gaga nakkattai sangngadinna paddupai pangobbi’na Puang Allah
ta’ala.
“Labbaikallahuma labbaik, labbaika laa syarika laka labbaik, innal hamda
wan ni’mata laka wal mulk laa syarika lak”.

Iyanae ada’E neniya kalima’E pannessai atangenna ata’E nenniya

afuangenna fuang’nge. De’nasilaingeng Ara’E neninya Ogi’E,
de’nasilaingeng tau sogi’e nenniya tau kasi-kasi’e. De’nasilangeng tau
kefangka’e nenniya raya’ biasae. De’nasilaingeng burane nenniya
makkurainyye, pada maneng’ngi ata ri-olona fuang Allah ta’ala.
Narimakkuanna-naro de’nawedding ifuata fadatta’ata, de’to nawedding
ifofuang atae, nasaba de’gaga wedding fuang sengadinna fuang Allah ta’ala.
Allahu Akbar 3x Walillahil Hamd...
Upe’paha nennia alabangeppaha nappunnai tau engkae pasilennarengngi
pakkasiwiang hajjie, nagau nasibawai ati mapaccing, ati ikhlas, akkatta
tongeng-tongeng, rigau engkana Puang Allah ta’ala simata-mata nakkattai.
Makkedai Nabitta SAW :
“Naiya hajji ritarimae de’gaga pamale’na sangngadinna suruga nasaba
pammasena puang Allah ta’ala”.
Hati siapakah yang tak tertarik, perasaan siapakah yang tak bahagia,
manusia siapakah yang tak bercita-cita untuk mencapai kemuliaan dan
keistimewaan itu.
Belo-belo tennapaja, manniya temmapettu, mannawa-nawa temmagangka,
meminasa ri Mekka, mattinja ri Madinah, sapui Baetullah’e, bau’i Hajratul
Aswad. Nari makkuannana ro ma’pangaja Nabitta SAW Makkeda: “tungke-
tungke amala’e engkapi nasibawi niya’, nennia majeppunnani tungke-
tungke amala’e ilolongngngi sesuai aga di niyakeng”
Jaji pada engka laloki pakessingi niatta nasaba aga tona gunana amala’e
narekko de’natarimai Puang Allah ta’ala, engka bawammi sia-sia, bellang
linro’e, makkadaro uttue, cappu warang-parang’e de’gaga naruntu
sangngadinna saisa’i tau pille/rugi. Jaji pada tanekki deceng, ri sappoi
nasaba 2 kalimat syahadat, nari alitutui nasaba sempajang, ribajai nasaba
sekke’, ribolloi nasaba puasa, mabbau nasaba suruga, riengngalai nasaba
pammasenna Puang Allah ta’ala, nainappa ri nasu ri uring mappesona’e, ri
garui nasaba sinru akkalitutu, ri sappoi nasaba cenning ati kininnawa,
narijagai aja nanrei balesu siri ati, nallekkeki cicca puji ale, nabbolloangngi
atakabborokeng nato saju ri tengnga laleng sapu ri pale’.
Allahu Akbar 3X Walillahil Hamd
Narimakkuanna-naro laoni mai natofada pedeceng’ngi assisumpungetta ri
fadatta rupa tau, sarekko ammeng’ngi nattugengkeng asseddingetta
namadeceng lao riagamata enreng’nge wanuatta faimeng. Aring’ngerakki
fole riadanna fuang Allah ta’ala, rigau makkedana:
“Akkatenni massekki lao ri-tettonna (agamana) fuang Allah ta’ala, aja’ lalo
to’massara-sarang”. Tidak ada kekuatan tanpa persatuan, tidak ada persatuan
tanpa kebersamaan, tidak ada kebersamaan tanpa menjalin silaturrahim, tidak
ada silaturrahim tanpa ada komunikasi dan tidak ada komunikasi kalau tidak
saling menghargai, menghormati dan meyayangi. Sifakatau, sifakallebi,
sifakainge, fadatoha nakkada toriolota: “mali sifarappe, rebba sifatokkong,
malilu sifakainge”. Itulah yang terjadi hari ini di padang Arafah "miniatur
kehidupan akhirat" sebagai simbol kebersamaan walau berasal dari latar
belakang yang berbeda-beda, tetapi disatukan oleh kalimat tauhid “Laailaaha
illallah Muhammadan Rasulullah”.
Allahu Akbar 3X Walillahil Hamd
Naiya akkattana haji mabrur’e, iyanaritu haji rifafolewe nasaba ati mecinnong
nasibawai nyameng kininnawa. Bettuanna, de’gaga akkatta sengadinna atturu
rifarentana fuang Allah ta’ala. Saisai fole ritanranna tau haji mabrur’e,
iyanaritu tongeppi nafoadai adae, namalempu taro gau. Nasaba fura rifahanni
makkedae saddaemitu mabbinru ada, ada’e mabbinru gau, gau’e mabbinru
tau. Na’iya riyaseng’nge tau, tessilaingeng’ngi adanna nenniya gau’na
(satunya kata dengan perbuatan).
Attumanikki fole rigau sala’e nenninya sala gau’e, aritutui aleta fole risala
kedo’e nenniya kedo sala’e. Toddo poli’i ateka essa’e sarekkoammeng’ngi aja
takawasi-wasi, bolaiwi getteng’nge, warekkeng’ngi ada tongeng’nge,
mumalempu taro gau. Insya Allah mancajiki tau bolai haji-mabrur, nassabari
natofada tama ri-suruga fammasena faung Allah ta’ala. Idi furae pafolei
pakkasiwiang haji’e, aja’ laloki naengka melo solangi haji’ta nasaba ada
nenniya gau tennaelori agamata. Makkutofaro faimeng idi’ de’efa nafole,
sibole-boleta pusifa’i sifa’na haji’e. Insya Allah runtu’ki afatiroang ri-laleng
panua-lino, natosalama ri-akhera matti.
Sining Umma Selleng Malebbi’ Engkae pada ri amasei ri Puang Allah
ta’ala…
Rilalenna iyyae esso’e, kajajian toi sejarah maraja risesena idi’ umma
selleng’nge. Mancaji tanrai rialebbirenna nenniya ri-arajanna umma
selleng’nge, iya wedding’nge riala aggurung nenniya fangaja lao ri-idi’
maneng umma mateppe’e. Sarekko ammeng’ngi naenceng pulana teppe’ta,
natemmalara toddo’ta, temmalere akkatennitta, nattugengkeng tettotta, nafada
ribolai iyaseng’nge getteng, lempu, ada tongeng, pattetong’ngi agama’e
pedecengi abbanuang’nge.
Aggurung neninya fangaja maraja fole ri-sejarahna Nabitta Ibrahim a.s. saisai
Nabi riyareng asagenangeng waramparang nenniya akuasang, naikia de’
naegka nonroiwi rekke’, ceko-ceko. Sangadinna alabongeng simata-mata lao
rilaleng nafurennue fuang Allah ta’ala. Massumbang’ngi nasaba fuang Allah
ta’ala, makkarobai nasaba fuang Allah ta’ala, mappedeceng’ngi nasaba fuang
Allah ta’ala. Jadi idi tau engkae nonroi asagenangeng waramparang,
engkalaloki molai laleng nafatiroangekki fangulutta Nabi Ibrahim a.s. Nasaba
iyatu waramparang’nge sai-sai faccoba fole ri fuang Allah ta’ala. Nafasa sugi’i
tau nafuelo’e, nenninya nafakkasi-asiwi tau nafuelo’e. Waramparang’nge de’
nannennungeng maewaki sibawa, nasaba narekko taniya alena salaiki idi
salaiwi.
Allahu Akbar … 3 x Walillahilmad
Maega tau narekko riujiwi sibawa akasi-asingeng, afeddireng. Simata
matinulu’i ruku, sujud lao ri-fuang Allah ta’ala. De’gaga wettunna nasia-
siakan simata tuli nafegau’i nassurong’nge nenninya naniniriwi
nappesengkang’nge. Naekia, maegato tau narekko ricobai sibawa asogireng
waramparang, nappito fede menceng kedona. De’na nassekke, de’na
nassempajang, cani mitai masijie. Massekke’si de’si na-ihklas, makkarobasi
iyyasi kaminang mabeccu’e namadoko-doko, massempaja’si fappadami billa
takkajo’e. De’ga fada musadartu mennang, egana fabberena fuang Allah ta’ala
lao ri idi’ maneng berupa kenikmatan de’bajang siccumpu’ fakkessiwiang
ifegau’e esso-wenni, narekko ifegau to’i. Mappammulai moto’ki gangkanna
matinroki faiming, bahkan tinrota seddi fappenyameng nawerekki fuang Allah
ta’ala tanpa harus dibayar “Allah berfirman dalam QS. Al-Kautsar: 1-3”.
         
  
Bettuanna: "Majeppu fuang Allah ta’ala, maega ladde’ nawerekki
fappenyameng, narimakkuanna naro tettong’ngi sempajang’nge nakarana
.”fuang-mu, enreng’nge akkorobako
Nasaba iyyaro akkarobang’nge mancajiwi seddi bukti, akan kedekatan kita
kepada Allah Swt dengan kedekatan kita terhadap sesama manusia, sebagai
. ”wujud dari “hablum minallah, wa hablum minan-nas
Attumanniki fole riadanna nabitta Muhammad saw. makkada’e: “nigi-
nigi tau nonro’i asagenangeng nade’ nakkaroba ajja’ lalo muaddepperi
onrong assempajang’nge (allepereng’nge).
Allahu Akbar … 3x walillahilmamd
Hikmana nenniya maknana akkarobang’nge engkai ritu, ritujunna
keikhlasan’ta sibawa ketulusan’ta pegau’i. De’akkatta sangadinna karena
fuang Allah ta‘ala semata. Pentingnya ibadah qurban berbanding lurus
dengan pentingnya ibadah shalat terutama bagi mereka yang dikarunia
dengan keluasan reski iyare’ga “asagenageng”. “Fashallil-li rabbika wan-har”
maka dirikanlah shalat karena tuhanmu dan berkorbanlah.
Narampe to’i fangulutta Imam Al-Gazali karramallahu wahja,
narimakkedanna ritu atuongeng’nge rilino padai ritu mennang narekko to
berlayar riseddi’e tasi maluang, mabbombang namalamung. nappani
leppang riseddi’e fottanang riyaseng “pelabuhan dunia”.
Akkuni’e riyaseng pelabuhan lino’e, leppangeng cinampe untuk pulung
iyare’ga mabbalanca nasaba kebutuhan akhera. Maega rufanna tau mebbu
bokong, engka mebbu bokong nasaba sempajang, puasa, sekke, akkarobang
laing’nge tofa faimeng. Iyyenaha riyaseng’nge bokong temmawari, naebbu,
natiwi tau simata mateppe nenniya matturu’e riparentana nenniya
naniniriwi fappesangkana fuang seuwwa’E.
Engkato tau mebbu bokong nasaba ceko-ceko, marinung, maddampo,
mappangaddi laing’nge tofa faimeng. Fonco’na ada, nafegau’i anu
nappesengkang’nge nenniya naniniriwi anu napparentang’nge fuang Allah
ta’ala. Nasaba naitai alena tuo batu, sehingga dunia laksana surga baginya.
Sining Umma’ Selleng Malebbi Engkae pada ri amasei ri Puang Allah
ta’ala…
Naperellu toi tapahang makkeda, agaro gunana allepperengnge, gunana
allepperengnge iyanaritu sarekkoammengngi engka tokki siyalleppereng
dosa, yare’ga siyaddempeng-dempangeng pole ri yamanenna atassalatta
ripadatta tau ripancajinna Puang Allah Ta’ala. Pada laoni mai topada
siyaddempeng-dempengeng na aja’ki gaga tampu’i ri laleng ati’ta, nennia
sibenci-benci massajing, massilesureng, massilise kompong. Iyae essoe,
esso allepperengnge, naiyya mua akessingenna riyasengnge
addampengeng, kuaetopa pada-padannae : ra’yae mellau dampeng
ripamarentana, ana’ guru mellau dampeng rigurunna, balibolae mellau
dampeng ri balibolana, anrie mellau dampeng ri daeng’na, bainewe millau
dampeng ri lakkainna, naiyakiya yang paling utama sekali iyanaritu ana’e
suju’ mappakalebbi riolona duae topajajianna atassalatta nenniya dosata.
Nasaba riona Puang Allah Ta’ala okkoi riona tau duae pajajiyatta.
tapikkirikini, magana bateta panrasa-rasai duae pajajiyatta, terutama
indo’ta, sussana kasi’na, de’gaga pada-padanna sussa riwettu natampu’ta, 9
ulenna monroki ribabuwana indo’ta, peddi’na kasi’na peddi’e, sussana
kasi’na sussae, tega-tega’i lao engkaki simata natiwi, gangkanna jajisiki,
massu’ki pole ri babuana indo’ta. Riwetuero siaga egana ure’na indo’ta
pettu, naiya nyawana wettuero taggattungi ripallawangenna langi’e na
tanae, siwali ajena rilino siwali ajena ri kubburu’e, bettuanna cedde’
bawang tassalana nalolongengngi yasengnge amatengeng.
Agana jajisiki, batena maccarinna ri idi’ namuni matengngang matinro,
mettengangngi manre, narekko terrikki, jambakki. Tennajampangi alena,
moto lengeng ritinrona, luppe’i rionrong anrena mewaiki. Aga naengkana
saisa’ ana’ malopponi, marajani, engkana awatangenna, engkana
pakkulleyanna, makkipangka’ni, makki warang paranni, samanna melo’ni
luta’-luta’i duae topajajianna, biasani nabali-bali tomatowanna, nagerra’-
gerra’ni tomatowanna, napojini passai tomatowanna, samanna napuata
tomatowanna, naiya ana’makkuwaero ana’ madoraka pura de’naullei
lolongengngi decenna lino, lebbi-lebbipiha decenna akhera.
Peddi’pa kasi’ lapottomatoa narekko punnai wija mabbali-bali, ana’ matojo
atinna, ripangngajari tennangkelinga, nengkalingasi tenna pugau’si,
napugau’si temmallaku-laku, tanranna ana’ macilaka, ana’ madoraka, ana’
temmaturu’ ri duae topajajianna. Makkedai tau ri olota:
“nigi-nigi tau madoraka riduae pajajianna makketenning na marungrung,
makkalejja’i namaruttung, luppe’i namapolo pinceng pute, te’cokkong
te’maccolli, tennaccekkengngi peppaja, temmitai parumpajang riduae
wanua ri lino lebbi-lebbipaha ri ahera matti’. Jaji idi engkae mopa to
pajajiatta, appideceng laloki lao ri alena nasaba, makkedai Nabitta
Muhammad SAW: “Naiyya surugae koi ri yawa pele’ kajena indo’ta.
Allahu Akbar 3x Walillahilhamd...
Engka dua tellu pappasenna anregurutta pa’ hikmae, pappasenna tau
madecengnge atinna tau te’mappasilaingengnge napangajari. Makkedai
tomaotatta riolo:
1. Tettong batakki nasaba lempu, ta abbesi kellikki nasaba getteng,
akkawaliki nasaba ada tongeng, ta sanre ri Indo Ambo’ta
temmappasilaingeng, ta pusipai sipanna uwaiyye na ala mariawa
na matenre akkeguna ripadanna anu ripancaji.
2. Ta sappai deceng mappedecengnge ri padatta rupa tau,
namadeceng wali-wali.
3. Akkatening massekki ri Agama sellengnge, nasaba tau de’egaga
Agamana pada laona mattekeng larungeng de’ gaga abbeninna.
4. Aja tabbiasangngi aleta ri ja’e, nasaba lele bulu te’lele
abiasangeng, pinra bulu te’pinra sipa pinra mua abbiasangnge
nasaba abiyasangeng.
5. Siri’na padatta rupa tau’e siri’ta to’tu tempeddingngi idi nassabari
natassanra siri’na silessuretta, nasaba tau de’ naissengi taro
siri’na silessurenna riasengngi tau masebbo timpo.

Makkeda toi to Panritata tellu gau passalamaki ri lino:

1. Appecaki narekko teaki mareppa.

2. Allemaki narekko teaki mapolo.
3. Akkomppeki narekko teaki mapettu.

Makkeda toi anregurutta, “Sio’i tepetta nasaba Sempajang, sio’i warang-

paratta nasaba Sekke/Pasidekka’, sio’i Lilata nasaba Mekko, sio’i
Paddisengetta nasaba Uki, sio’i Amalatta nasaba Nyameng Kininnawa.
Mamure simata riakkatenning masse’i Agama Sellengnge, riwarekkeng
te’malerei bokong ampikale, natattimpa minasae, nasi riju’-rujukeng
assisompungeng lolo’e, nattuju pallaong penni’e mattama ri masiji’e,
natakkatoro pabbanua’e, namadeceng pulanai wasselenna pallaong
rumae, nattuju laleng generasi muda’e naengka malomo bangungngi
kampotta.

Engka seppulo tau nagelli Puang Allah ta’ala ri lebonna yae lino, macilaka
ri lino nennia ri esso ri munrinna Puang Allah ta’ala: 1. Tau sugi na
masekke’, 2. Tau kasi-asi na matemppo, 3. Tau panrita na mangoa, 4. Tau
matoa na malampe nawa-nawa, 5. Tau malebbi na maja ampe’, 6.
Makkunrai na makurang siri’, 7. Pakkamala’e na maddennuang ri
amalanna, 8. Tau malolo na makuttu, 9. Tau mapparenta na maceko-ceko,
10. Tau mappogau pakkasiwiang naekia maelomi ri aseng.

Naiyya lisenna Imang’e yarega Teppe’e tellu ri ala sappo iyanaritu:

1.Tau’e ri Dewata Sewwa’e, 2. Siri’e riwatakkaleta, 3. Siri’e ri padatta rupa
tau.

Naiyya lisenna Akhlak pergaulangnge iyanaritu: Alemppureng, Amaccang,

Asitinajang, Reso, sibawa Siri’. Siri’mi ri onrang ri lino, utettong ri ade’e,
ta jaga laloi siri’e nasaba siri’e sunge’ naranreng nyawa nakira-kira.
“resopa temmangingngi na malomo naletei pammase Dewata Sewwa’e”
Allahu Akbar 3x Walillahil Hamd
Sining Umma Selleng Mellabi Engkae pada ri Amasei ri Puang Allah
Ta’ala…
Jadi pada laoni mai, natopada marellau doang ripuang Allahu Ta’ala,
mangngoloangngi ati macinnotta, naripapolei jancitta, natommellau lempu
riale mapaccinna Puang Allahu Ta’ala makkedae : E ...... puang !!! engkaki
mai’ pura pasilennerengngi alleppereng karobae de’gaga iyakkattai
sangngadinna riyotami Puang, barakkuammengngi naenceng teppe’e
nennia tau’e lao ridi Puang, mamuare natoengkasi lolongengngi coppo’na
decengnge ri atuwo-tuwotta, sanreseng pulanai assipabbinru-
binrusengnge, pattimpa malessina pakkalinongnge, pabburunna ati
matojoe, nasaba engkani mattugengkeng teppe’e nennia tau’e lao ri idi
Puang, namamuare nariyakkatenni masse Agama Sellengnge, warekkang
temmalere, bokong temmawari, namamuare selennerengngi.
E... Puang taparajaiakka kasi’ Addampengeng nasaba makkokkoe punnaika
dosa temmaka egana idimi mitai sininna ja’na ampeku, biasa mopi
naompori atakkabborokeng, nasaba paddisengekku, waram-parangkku,
pangkakku, abbatirekku, sehingga uwita mariawai padakku rupa tau.
E... Puang narekko engka atatta hadere makkokkoe de’ nattongeng-tongeng
suju lao ri idi tapattamai mancaji golongan supaya narasakangngi kessinna
suju’e lao ri idi Puang.
E... Puang narekko engka atatta madoraka ri tomatoanna ta
dampengangngi, pancajiwi tau mappideceng lao ri tomatoanna.
E... Puang addapengengngi sibawa tapassalamai tau pajajianna atatta, tau ri
olona atatta, pancajiwi sisa umurunna mabbarakka, jagai teppenna,
linrungi pole paccipina kuburue iya bburu engngi kabuttunna, pabelai pole
pellana api neraka iya paccoloengngi watakkalena,
E... Puang addapengeng toi sininna guru-gurue iya jellongekki laleng
paddisengeng nennia melempue lao ri atatta, tau mappidecengnge
ripadanna rupa tau.
E... Puang arengngi kasi’ atatta keluarga makessing, sakina ma waddah,
warahmah, istri yang sholehah yang tidak ditipu dan silau dunia, suami
yang sholeh supaya mancajiwi contoh nasibawai kebanggaan lao ri
keluargana sibawa keturunanna serta dapat mencukupi rezeki
keluarganya.
E... Puang arengngi kasi’ atatta wija-wija makessing yanaritu sholeh dan
sholehah, tajagai lao ri adorakangnge, kekafiran, kefakiran sibawa kehinaan
dunia akhirat, golongkanlah anak-anak kami yang senantiasa mendoakan
kami ya Karim.
E... Puang ta puji’i atatta ya engkae hadere makkokkoe, supaya engkai
mingngerakki, engkai talinge’, aja tapancajiwi atinna marellau kecuali lao ri
idi, aja to tabiarkangngi atinna marillau kecuali tatarimai minasanna,
pancajiwi ahli sempajang mattongeng-tongeng, pappuasa ikhlas, pabbere
sekke’ yarega sidekkah ya mapaccingnge, obbi’i atatta mancaji hajji mabrur
ya Allah.
E... Puang to matoakku maderi mopi kasi’ ubali-bali, maderi wakkeda-kedai,
gangkanna tetti wae matanna, teri marenni atinna utaro napakkua
adorakakku lao ri alena, alenami kasi tetti wali pusenna lao sapparangnga
dalle na engka wedding wanre sibawa mangngongkoso. De’ usitinaja
mattama ri Surugata Puang nappakua ja’na ampena sibawa dorakanna
atatta naekia lebbipaha de’ ullei tama ri laleng Neraka’ta Puang.
E... Puang tatarima laloi kasi toba’na atatta, nasaba upahang makkeda idi
maraja Akkamaseki, maraja Addampekki lao ri sininna atatta Puang.
E... Puang tawerekki kasi’ ajapa-jappangeng nenniya addising-disingeng
sarekkuammangngi ri rapi’si uleng zul hijjah taung paimeng Insya Allah.
AMIN...AMIN... YA RABBAL ALAMIN.