Assalamu ‘Alaikum, Wr.

Wb

Sadâjâ tokoh masyarakat sé salagghi’ buto dâlem tirakat

konglangkong ajunan sé mulja Kyai ……. Ajunan sé mulja Kyai ….. sareng
sadâjâ Kyai bânga seppo sareng ruguru sasembâ’ân bâdân kaulhâ
panjenengan sadâjâ sé salagghi’ ka angélan abdina nyebbut asma aghung
épon bâng sebângnga sé tantona ta’ ngorangi rasa songkem sembhâ bâkte
abdina dâ’ sadâjâna. Hatta Anaalallahu Bithuuli Hayatihim.
Ajunan Sohibid Da’wah al-‘Adzimah salerana sé muljâ Bapak ….. sareng
…… sana’ bhârâjâ sé ampon Nabung pangésto é bâjâ malem samangken ka’
dinto dâlem rangka Nyalametti Potrana/Potréna Asma épon …….. sé
ampon karasok sareng kembhârân épon kembhâng ghâdding kana’ laké’ sé
salagghi’ lancéng kapacéng/ kembhârân épon kembhâng malaté pote kana’
biné’ sé salagghi’ paraben tor soccé sé agendhu’ Asma …………… Malaté
sareng gâddhing sé éajum dâddi du’ remmek, malar moghâ kéngénga
petongkas tor du’a mustajab dâri para ajunan sadhâjâ, kantos kéngéng bes
arbes ebbun pangrabet dâri guste Allah sé amurbâ jhâghât. Jughânan
Nyalameddin Potré épon sé ampon a rémbi pan saponapan bulen sé
tapognkor sé kapareng Asma……..
Ajunan sadâjâ tan tarétan Majlis Shalawat ….. sé ampon nambhâi rassa
tarésna sé apé tampé, rassa kerrong sé ta’ ré maré alek-lek é pamegkang
até da’ ka ajunan kanjeng gusté Nabi Muhammad sé bersé até
‘Azzakumullah Jami’an.
Ta’ kalép dâ’ sadâjâ tan tarétan Crew …….. Audio/ Soundsystem sé
samé parjhughâ malar moghâ ghilina hidayah tambâ lorghâ, malar moghâ
jâlânna pétodu tambâ legghâ saengge ta’dhâddi manossa se ghâ-ogâ.
Sadâjâ poji ka aghungânna ghusté Allah sé maha téngghi, mongghu
sakalangkong aghung ni’mat epon, ampon katéngal paddhâng lo’
kasamaran, langkong dimin ngiréng badan kaulah sareng panjenengan
sadâjâ ngatoraghi ghundegghâ dâdâ tor roserrowanna pamuji jhughân
pamojhâ dâ’ ghusté Allah sé maha téngghi jhughân sé maha muljâ,
amarghâ é baja Malem sé kakembhâng kalabân kajhumambharan tor
jhughân kabâjrâ’ân, bâdân kaulhâ sareng panjenengan sadâjâ salagghi’ bisa
jhughân kobasa apangghi salera partela rassa dâlem séttong taréka engghi
ka’dinto Walimatul ‘Ursy jughâ Walimatul Aqiqah…… sé élaksana’aghi
sareng Tuan Rumah Bapak ….. sé Insya Allah bhâdhi kalampan bhâjra
kajuma’ tapékol kadhunung ontong sé ta’ ka étong sé terros arontong dâri
ajunan épon ghuste Allah sé Maha Séttong.
Rassa abâ’ ta’ kobâssa arantep totor bhâsa sé sakalangkong
makobâssa ngajum okara sé saokorra ngangghi’ kalémat sé tongos karamat
angéng sabâris pangesto sholawat sareng salam dhâ’ Nabbi Karamat
pantuman ummat, poserra cahjâ neng alam kiamat, arebbhân sadâjâ ummat
lagghu’ neng aré kéamat, ghusté kanjeng Nabi Muhammad SAW gusté sé
salagghi’ apamor mancorong ka onang eman jaman kaémbâ’ânna juntrong
sopajâ ummat kengeng épon Syafa’at.
Para rabu seppo sé samé muljâ, anom sé samé parjhughâ.
Maksod Tor Tojjuwen Bapak …… Sabhârunḍhut Sana’ Bârâjâ Marabu
Bâlâ tatangge é Malem/Gulaggu se langkong parjughâ ka’dhinto. Niat
Nyalamettin Potrana/Potréna …… Kalaben Pangarep coma sabhuntel
pandu’a kaberkadhân sé kabhughel sekken ḍâlem até: malar moghâ
dhâddhiyâ juḍhu bhâris dhunnya kantos akhérat. Saéngghâ samé somakta
épa’atong-rokon sareng Ghusté Allah, kantos tébhâ paḍâ alebbhu ḍâ’
sowarghâNa. Tor jhughân du’remmek malar moghâ adâunna ghumbus
rampa’ naong bâringin Korong, akembhânga saré maddu katarésna’an
kantos padâ nono atongket roman, salaén dâri ka’dinto malar moghâ
abuwâ’â buwâna até, calokobânna jhântong, cebbhing otaba kacong sé
soleh tor solehah. Pramela dhari Ghapanika Abdhina Mewakili Shohibud
Da’wah Nyu’un Pangapora atas sadâjâ kakorangan bâgus parténgka, tempat
sé korang saé, dhâdâbuwen se korang sondhup otabâ mi’ pola bhâdâ sé ta’
kajhâpo’ é sapa, jughânan dhâri ka’ angka’ sé ampon é sedia’agi ka’dhinto
ami’ korang parjughâ. Adbhina Nyu’un Pangapora sé sobung bâtes épon.
Tor Jughâ Mator saébu sakalangkong atas Rabuna Para Ajunan sadâjâ sé
ampon ikhlasagi kaangguy areng sareng nyambâdâni onjengan epon
abdhina sekeluarga. Sobung sé bisa é bhâlessagi, namong abdhina
nyu’unnagina dhâ’ Allah kalaben pamator Jazakumullahu Khoiron Katsiran.
Para rabu Seppo se same mulja, Anom se same parjhugha.
Komalancang tor kalélan bâdân kaulâ nyabis mator cangkolang,
ménangka pangéréng Lampan é bâjâ Malem/Gulaggu sé é sonaré kalabân
téra’na dhâmar/mata aré tarkataran néra’é pettenga alam sé asalamparan,
Nyo’on édhi ka angghuy merté bâdâna pan saponapan Lampan se bhâkal
ka ator:
 1. Sé sapésan aropa’aghi angkat lampa sé kapéng séttong éngghi
ka’dinto Biddâng peddis métorot bângsalan madurâna sé lerres totok
tegghes épon, biddâng poka’, maka ngiréng bukka’ bâdâna
papangghiyân é bâjâ Malem/Gulaggu samangkén ka’dinto kalabân
pamaosan Suratul Fatihah sé bhâdi éseppowé sareng ……………. sé
ka’dimmah kalabân pangarep tor panyo’on papangghiyân samangken
ka’dintoh édhâddiyaghina papangghiyân sé barokah. Amiin Amiin Yaa
Rabbal ‘Alamin.
2. Lampan sé kapéng Duwâ’ éngghi ka’dinto pamaosan Sholawat Bil-
Qiyam……. Sé bâdi e maos sareng ……….
3. Pamaosan Do’a aropa’agi lampa sé kéngbingkéng
Akhir épon tadâ’ saghârâ sé tadâ’ ombâ’na, sapoté poténa kapor
salagghi’ bâ’âng rassana, saro’om ro’omma kembâng Mawar kole’ bâlengrat
marghâ durina, dâri kabidhan kantos pongkasan lampa, manabi bâdâ sésép
pamator sé kotor, taloccor sé ta’ ka okor, nyalamor sé ta’ apamor sé
arénténg jhughân sé arontong kalabân sala téngka sé ta’ atong kantos ghâli
bâto ghunung, ghunung na’nong bâto kaletthak sabangbangah lala’ sakoko
éréng, amarghâ bâdân kaulâ ta’ mampu ngangghit okara sé saloka, sé
ngiréng tatanan bhâsa se lerres, tor ta’ngarté ondhâga bhâsa sé téngghi,
dâri sadâjâ katoppalan tor kasésébhân nyo’on Pangapora dâri sadâja Sala
tor dhusa.
Tor pongkasan taréka lampa édâlem pasémoan aghung sé aghându’
ombul Walimatul ‘Urys dâri keluarga ….. sareng…… sé ampon ka onjâr dâri
kabidân kantos pongkasan, ta’ mabi épandu sareng bâdân kaulhâ.
Asryadanallahu Waiyyakum Ajma’in Ilaa Sirotin Mustaqim
Wassalamu ‘Alaikum, Wr. Wb