MINANG SAHARI VIII D

PEMBUKA
Sairiang balam jo barabah, balam lalu barabah mandi, pucuak cimpago rang patahkan.
Sairiang salam sarato sambah, salam lalu sambah kumbali, maaf jo rilo kami pintokan.
Salam taunjuak ka undangan, salam tatunggang ka nan baanjuangan, sarato salam kaislaman.

Assalammu’alaikum Wr. Wb.

Yang Terhormat, kapalo sakolah smp nagari 1 padang basarato bapak/ibu wakil, bapak/ibu guru
dan staff pengajar sarato jajarannyo, ndk lupo pulo kapado kakak², adiak² dan kawan²
sapajuangan.

Yang Dihormati,
Niniak mamak nan gadang basa batuah
Kapai tampek batanyo, ka pulang tampek babarito
Alim ulama, cadiak pandai, suluah bendang dalam nagari
Sarato jo bundo kanduang, limpapeh rumah nan gadang
Sarato hadirin undangan yang berbahagia.
Puji dan syukur kito sampaikan ke hadirat Allah yang maha kuaso, ateh sagalo limpahan rahmaik
dan nikmat Nyo kapado kito basamo yg ado disiko.
Tak lupo Shalawat dan salam kito sampaikan kapado nabi besar kito yakni nabi Muhamad SAW
dengan mahantaran kato allahummasolliallah sayyidina Muhammad waalaalisayyidinna
Muhammad.
Untuk mamulai acara kito mari kita basamo mangucap basmalah, acara Malewakan Gala
Pangghulu Adat, Bapak RADITYA JAVAN NAVENDRA , pada hari ini selasa 21 November
2023 di mulai.
1.Bapak, Ibuk para Undangan yang berbahagia, untuak labih berkahnyo acara kito,mari kito
simak pambacoan Do’a yang akan di pimpin oleh :bapak USTADZ ABDLU HALIM kapado
pak ustadz waktu dan tampek disilahkan.
2. Acara salanjuiknyo, arahan dari niniak mamak kapado penghulu adaik yang akan
dilewakan.Kepada Yth. Bapak KIANDRA ASTA PUTRA DATUAK SARIPADO MARAJO
waktu dan tampaek disilahkan.
3.Salanjuiknyo pemasangan saluak oleh niniak mamak.
.Penutup.

Ibarek bajalan kito alah sampai ka tujuan, balayia kito alah sampai ka pulau, nan di ama alah
pacah, nan dimukasuik alah sampai.Kepada segenap yang hadir kami mohon maaf, nan
tasingguang dek ka naik, talantuang dek ka turun. Nan patuik di muko tabalakangan, nan patuik
dahulu takamudiankan. Ampun jo rilo kami mohonkan.
Billahi Taufiq Wal Hidayah.

Assalammu’alaikum Wr.Wb.
BAGIAN KIANDRA
Assalamualaikum Wr.Wb Mako dibari ampun lah Kami dek panghulu nan gadang
basabatuah, Kami nan indak ka manyabuik namo, balarang bapantang manyabuik
gala.Dek panghulu banyak nan batuah, rang gadang banyak nan sati, tuanku banyak
nankiramaik,sati nan bukan kapalang, bak manantang mato hari, bak manapiak
matopodang, kok ditantang mato buto, kok disabuik lidah kolu, patah lidah bakeh alah,
patahgalah biduak tatumbuak, kurang dayuang sampan tak laju.Sambah jo salam tak
babateh,salam takzim bahinggo, nan salirik banduaditapi,salanggam bandua ditangah,
dari paserek kapaseban, lintabuang disalimbaka

dipiriak jo ampu kaki dipusa jo tapak tangan, dari ujuang lalu kapangka, dari tangah
lalukatapi lalu menjerok kahilaman.Halaman carano basa, nan barumpuik
saijambaiyani, batu basusun kuliliang nyo,tampek pandeka main podang, tampek nan
mudo main catuah, pudiang ameh balikbatimba, pudiang hitam tiok suduik, linjuang solo
manyolo, limau manih sandaran alu,kamuniang pawutan kudo, cubadak buaiyan
baruak, tawa nan ampek manyudahi,sajuak anggoto katujuahnyo. Allah ta’ala kayo
sungguh, Rasul Nabi Muhammad, pangghulu dek kito sakalian alam,dek kudorat nan
kuaso irodat nan bakahandak, datang garak dari Allah turun nan dariawang gumawang,
bagarak tubuah karano nyawo, bagarak nyawo dek hati, tagarakhati dek niniak kito,
mambuek adat mangarang undang, undang luak dengan rantau,luak dibari bapanghulu,
rantau diagiah nan barajo.Didirikan rajo jo urang gadang, ibarat nyawo dengan badan
umpamo api dengan asokitulah karih timbalan padang.Diangkek basa jo panghulu
syarikat warih mandirikan nan sapayuang sapatagak, nansalingkuang cupak adat, nan
saulu samuaro saranji sakaturunan.Kamanjadi payuang panji marawa basa, bak
umpamo kayu gadang ditangah koto,ureknyo tampak baselo, batangnyo tampek
basanda, daun tampek bataduah
kahujanan, bakeh balinduang kapanasan, dahan tampek bagantuang, gantuangan
adatampek rupo. Assalamualaikum wr.wb

KIANDRA BAGIAN 2
”Kini disuku Chaniago alah diagiah gala anak ponakan kami Nan banamo radytia javas
navendra datuak rajo sati, nak di lewakan galanyo ka kito nan basa samo dinagari nan ko buliah
lah kito mamangia supayo lakek galanyo ke datuak rajo sati ko.”