Assalamualaikum wr.wb.
BPK
Sampun katimbalan marak Sowan Wonten Ngarso dalem
Gusti Panjenenganipun ALM. BPK RAJIMAN Kanthi
Tentrem.
Wonten Ngarsanipun poro pepunden, poro
Pinisepuh, Sesepuh, Poro Aji Sepuh Ingkang hanggung
Mastuti dateng pepoyaning kautamen Ingkang Tansah
Pinundi saha kinabekten.
Wonten Ngarsanipun Pang-reh, Pangemban,
Pangembating Projo satrianing nagari, ingkang saged
dados Pandam pandoming Pangayoman Kawula dasih
ingkang sinubo sinudarsono.
Wonten Ngarsanipun Bpk Ibu Tuwin Para asung
pambelo sungkowo, Kakung sumawono Putri ingkang
Kinurmatan. Mugi diagung ing pangaksami Kula
Paripaksa gempil kawibawan ganggu Kamardikan
handika sami kalanipun katemben wawan Pangandikan
Kanthi eco lan sekeco Awit Kula Haminangkani Dawuh
Pangandikan saking gotrah keluargo Putro wayah ALM.
BPK RAJIMAN ingkang kadawuhan matur wonten ngarso
panjenengan sedoyo.
Sakderengipun Kula lajengaken angen kula
matur, Sumonggo Panjenengan Sedaya Kula derekaken
Ngaturaken Puja Pangalembono Puji Pangestuti konjuk
wonten ngarsanipun Gusti ingkang Maha Kuaos Ingkang
sampun Peparing Berkah tuwin Kawilujengan, Sakingga
woten sing siang menika saged makempal manunggal
nderek pambela sungkawa awit sedanipun ALM. BPK
RAJIMAN . Iang saklajengipun ingkang sepisan, Gotrah
kluargo Ngambali atur Ngaturaken Pambagya basuki
wilujeng awit saking karawuhan panjenengan sedaya
Mugi Ka-sekecakno angenipun sami lelengahan ngantos
ing sakmangkeh paripurno Pang-rupti-nipun saliro layu.
Ing saklajengipun sesambening lelengahan
panjenengan Kasuwun Pandonga, Pamuji Kangge ROH-
ipun ALM. BPK RAJIMAN Mugi-mugi dipun apunten
sedaya dosa kalepatanipun, dipun paring lepas Paranipun
Jembar Kuburipun, Diparingi ganjaran saktraju amal
kasaenanipun duk rikala Tasih Sugeng wonten ing-alam
projo, sak-inggo Gusti age-age nimbali Roh-ipun Sawargi
wonten ing kasworagan jati Kempal Kalian Para suci.
Wonten Ngarsanipun para asung pambelo
sungkowo ingkang Kawula hormati Nyaosi Uninga bilih
ALM. BPK RAJIMAN Katimbalan marak sowan wonten
Ngarsanipun Gusti dinten Senin Wage, Suryo kaping 12
Juni Tahun (kalih ewu tigo likur) wonten ing Griyo sakit
Suradji Tirtonegoro kanthi Tentrem. Lan Ngantos ing
ripalenggahan menika ALM. BPK RAJIMAN kaparingan
yuswo kirang langkung 79 (pitung doso songo) tahun,
nilar Garwa, Putro wonten 7 saha wayah.ilar putro
wonten 5 saha wayah.
Wonten Ngarsanipun Asung pambela sungkawa
ingkang kawula hormati, ugi nyuwun pandonga pamuji
Kangge Gotrah kluargo Mboten Kalajeng-lajeng
Menggalih inggal pikantuk panglipur sak-inggo saged
nindakaken Pakaryanipun piyambak-piyambak kados
saben arinipun.
Wonten Ngarsanipun gotrah Keluargo ALM.
RAJIMAN ingkang kawula Hormati, Kula mewakili
Pemerintah Desa Duwet saha asung pambela sungkawa
sedaya Ngaturaken Nderek Bela sungkawa saklebet-
lebetipun Awit katimbalan marak sowanipun ALM. BPK
RAJIMAN woten ngarsanipun Gusti Ingkang Maha
Kuaos, Mugi-Mugi pisowananipun Apunten sedaya dosa
Kalepatanipun Kaparingan papan ingkang sae katimbang
papan dipun tilaraken, Kaparingan Keluargo ingkang
langkung sae katimbang kaluargo ingkang katilaraken.
Ing sak lajengipun keluargo panandang
ngaturaken panuwun ingkang tanpo upami wonten
ngarsanipun poro asung pambelo sungkawo, tonggo
tepalih, sanak kadang kadean, poro mudo tumarono
ingkang sampun paring sabantu kangge Ngrupti Saliro
layu ALM. BPK RAJIMAN ingkang arupi, Penggalihan,
eguh pertikel, suku bau langkung2 probeo, saking
keluargo boten saget metang setunggal boko setunggal
lan boten saget ngaturaken piwales menopo-menopo,
sagetipun naming nyeyuwun wonten ngarsanipun Gusti
ingkang moho kuaos mugi2 paring sabantu panjenengan
sedaya dados amal panjenegan soho pikantuk lelintu
Langkung Ageng.
Wonten Ngarsanipun Asung Pambela sungkawa
nyaosi uninga bilih saliro layu ALM. BPK RAJIMAN
badhe Kasarekaken wonten ing palereman ingkang
pungkasan wonten ing sasono loyo Sekaran Demakijo
ingkang tebihipun kirang langkung 200 meter. Panyuwun
Saking Keluargo mbok bilih Tanpo pambengan
Panjenengan sedoyo, kasuwun nguntapaken Saliro layu
ngantos sakcekap-ipun. Hananging mbok bilih
panjenengan Kagungan Kepentingan ingkang langkung
penting nderek-aken sugeng kondur mugi-mugi dumugi
dalem kanthi wilujeng.
Wonten ngarsanipun asung pambela sungkawa
mbok bilih cekap semanten atur kula minongko sulih
saliro boso saking Gotrah kluargo ALM. BPK RAJIMAN
Mbok bilih wonten kekirangan agen kawula matur matur
mugi diagung ing pangaksami.
Minongko panutupi atur, Wasallam Mualaikum
Wb.