ASSALAMU’ALAIKUM WAR. WAB.
Hadirin para rabu, para seppo bapa’ ébu sé padha
Bismillahir…… Amma Ba’du
Se badan kaula amolja’agi al-mukarromin wal-
mukarromat,
PARA ALEM ULAMA’, PARA KEYAE, PARA
USTADZ, PARA SEPPO, TOR BAPA’ KALEBUN
DISA KARDULUK, BAPA’ PONGGABA KUA
KECAMATAN PRAGAAN, SARENG KELUARGA
BESAR SHOHIBIL HAJAH TOR BAPPA’ EBU
ROMBONGAN BISAN MANTAN LAKE’ SE DHARI
DUNGGADDUNG KARDULUK
TOR JUGAN SADAJA UNDANGAN PARA RABU
SE PADHA MOLJA…….
Komalancang abdi ngadep mator cangkolang,
ngabidi ator langkong parjuga epon ngéréng same-
samé mojji sokkor dha’ hadhirat épon Gusté Allah
Dzat se amorba jagat…..sé ka’dhimma dhari sabab
rahmat, ni’mat, tor hidayah épon saat samangkén
badan kaula sadaja épasthé sareng Gusté Allah bisa
agin-panggin é ka’dhinto tempat dhalem kabadha’an
séhat wal-‘afiyat.
Agandu’ pangarep tor panyo’on malar moga
papanggiyan ka’dhinto daddiya papanggiyan sé
sarat mubarokah, Aamien…
Sarengan jugan, shalawatullah wasalaamuhu……
malar moga teptebba ka-atorra dha’ Gusté Kanjeng
Nabi badan kaula sadaja, Nabi Muhammad SAW. sé
ka’dhimma lebat syafa’at épon ampon abakta tor
nyangkés badan kaula sadaja ménangka ummat
épon dhari alam Jahiliyyah nojju dha’ alam ilmiyah
……… minaddhulumaati ilannuur……
molja ..
Aropa’agi settong kajumambaran lebat taburan
rahmat tor seraman ne’mattepon Allah, se ekarassa
sareng shohibil hajah, enggi ka’dhinto Bapak
KUSAIRI sabala, se ampon epaste sareng Allah
ngatore longgu para rabu sadaja…..almaqsudul
a’dhom, maksod tor tojjuwan epon enggi ka’dhinto
AQAD NIKAH TOR WALIMATUL ‘URS dhari pottra
bine’ sareyang Bapak KUSAIRI enggi ka’dhinto;
QURROUL AINI, S.Pd.I sareng bakal rakana se
kasambat Taretan MOH. ANIES, S.Sos menangka
pottra lake’ dhari Bapa’ AMIRUDDIN asal Disa Luk-
Guluk, Songennep, lerres are samangken, Setto, 22
Jumadil Akher 1439 Hijriyah e tanggal 10 Maret 2018
Masehi.
HADIRIN PARA RABU……
Acara Akad Nika tor Walimatul Urs saat samangken
ka’dhinto badi kalampan dhalem tor-ator renteng
tareka aropa:
RENTENG TAREKA SE SAPESAN;
1. TAWASSUL SURAT ALFATIHAH,
Se dhalem hal ka’dhinto dhari Shahibil hajah nyo’on
soddi kasokan epon dha’ salerana se molja
___________________________ kangguy nyeppowe
tawassul ka’dhinto.
RENTENG TAREKA SE KAPENG DHUWA’;
2. PELAKSANAAN AKAD NIKA SE EKABIDI KALABAN
PAMASRA’AN WALI
Se Insya Allah Akad Nika ka’dhinto badi eseppowe
sareng salerana se molja _______________________
Hadirin se padha molja, salastarena AKAD NIKA dhaggi’
badi badan kaula sadaja lastareyagi:
3. PAMAOSAN SHALAWAT NABI
Se badi eseppowe sareng salerana se molja:
___________________________
Tor salastarena ka’dhinto para rabu, badi badan kaula
sadaja peyarsa’agi:
4. PAMASRA’AN DHUWA’ MANTAN
Se ka’dhimma, dabu pamasra’an dhari bisan mantan lake’
badan kaula ngatore dha’ salera molja se ampon kaparcaja
bisan mantan lake’. Tor kaangguy Dabu Pamanggi tor ator
Panarema’an bit asma Shohibil hajah tor bisan mantan bine’
badi esampeyagi sareng se molja: _________________
Dineng Renteng Tareka se keng-bingkeng dhaggi’ enggi
ka’dhinto
5. PAMAOSAN DHU’A’
Se dhalem hal ka’dhinto dhari Shahibil hajah nyo’on
barokah dhu’a’ se eseppowe sareng salerana se molja
___________________________
Saka’dhinto sadaja tor ator acara se badi kaator
dalem acara akad nika tor walimatul urs e saat
samangken, tor parlo ekaonenge sadaja tor-ator
acara kasebbut badhi elastareyagi kalaban tarteb ta’
mabi e-erenge badan kaula pole menangka MC
pengereng reneng tareka. Mela dhari ka’’dhinto dha’
sadaja salera molja se ampon kabubbuwan tareka
acara eso’onna alastareyagi kalaban rontot dhari
awwal kantos akher.
Akher pamator,
Akad nikana bakal epa-essa, menorot agama ban
nagarana, pasettong dhu’a’ barokana,
Kaula reng anyama manossa biyasa, ta’ lopot dhari
sala tor loppa, ta’ langkong nyo’on saporana…
WABILLAAHITTAUFIQ WALHIDAYAH…..
WASSALAMU’ALAIKUM WAR. WAB.