Assalamu alaikum wr.wb.

bismillah hirohman nirrohim, Alhamdulillah hirobbil alamin

wassolatu wassalamu ala sayidina muhammadin, waala alihi wa askhabihi aj’main ama
bakdu.

NUWUN, KEPARENG MATUR DHUMATENG SAGUNG PORO RAWUH,

Dumateng poro alim, poro ulama, poro ustadz ingkang kawulo hormati,
dumateng poro sesepuh,pinisepuh ingkang kawulo hormati,
Dhumateng keluargo calon besan nuwun inggih panjenenganipun bp alikin sekaliyan
garwo, tuwin poro gotrah keluargo ingkang dhahat kinurmatan
dumateng pengiring temanten kakung miwah putri ingkan kawulo hormati,
dumateng sagotrah tamu undangan ingkang berbahagia.

Monggo kito tansah muji syukur Alhamdulillah dumateng ngarsanipun Alloh SWT, amargi
taksih maringi Rohmat soho nikmat arupi sehat dumateng kulo lan panjenengan sami,
sahingga kulo lan panjenengan sami saget pepanggihan wonten ing majlis puniko. Mugi-
mugi pepanggihan kulo lan panjenengan sami saget mbeto manfaat, fidinnii fidun ya wal
akhiroh kususipun dumateng calon temanten kekalih sumrambahipun dumateng kulo soho
panjenengan sami.
Solawat soho salam, mugi tansah kunjuk dumateng junjungan kito Nabi agung Muhammad
SAW, nabi pungkasan ingkang kito antu – antu syafaatipun benjang ing yaumul akhir. Amiin

Bapak soho Ibu ingkang tuhu kinormatan !

Nuhoni keparengipun Bapa Moh Djoemaedi dalah Garwa, ingkang pidalem Griya kalisalak rt
03 rw 04 kalisalak Batang, wonten ing ngarsa panjenengan, kula minangka sulih sarira,
kadhawuhan matur :

Ingkang Sepindah : ngaturaken salam taklim pangabekti saking Bapa Moh Djoemaedi
dalasan sedoyo kulawarga, kanthi atur “Assalamu ‘alaikum warahmatullaahi wabarakatuh”
katur dumateng Bapa Alikin sekalian sak kulawarga agengipun, sinartan pepuji mugi
panjenengan sagotrah tansah winantu ing kawilujengan, pikantuk berkahing Gusti Ingkang
Maha Mirah, Allah SWT.

Kaping kalih, kula kadhawuhan hanyowanaken putra kakungipun ingkang nami Bagus ANDRE
DIAN SANUBARI   awit  sampun sami gumolonging nala, Mugi kaparenga ka-IJAB  nikahaken
kalian pun Roro FAROCHATUN NISA putra putrinipin Bapa ALIKIN sekaliyan.
Pepujinipun Bapa  Moh Djoemaedi  sakulawarga, mugi IJAB QOBUL sageto kalampahan
kanthi wilujeng, kalis ing rubeda.

Minangka jangkeping tata krami, sarta hanetepi adat Jawi, kula kinen ngaturaken sawetawis
pisungsung arupi ubo rampe, minangka tandha tetangsuling katresnan saking calon
penganten kakung. Sanadyan mboten sepintena, kanthi pangajabing manah mugi sageda
anambah raketing raos kekadangan.

Ing wasana, awit samudayanipun sampun kasowanaken wonten ing ngarsa panjenengan,
pramila panjenenganipun Bapa Susilo utawi ingkang nyarirani mugi kepareng hanampi kanthi
lila legawaning penggalih.

Cekap semanten atur kula. Menawi wonten kirang trapsila anggen kula matur, lan ugi kirang
subosito anggen kula sak rombongan sowan, kula mawantu-wantu nyuwun agenging
samodra pangaksami. 

Wabillahi Tawfiq Wal Hidayah, Wa Ridho wal inayah, wal afwu minkum
Wassalamualaikum Warahmatullahi Wabarakatuh
ASSALAMU’ALAIKUM WAROHMATULLOHI WABAROKATUH

NUWUN, KEPARENG MATUR DHUMATENG SAGUNG PORO RAWUH,

- LANGKUNG RUMIYIN DHUMATENG NGARSANIPUN PORO PINISEPUH DALAH PORO SESEPUH

INGKANG SATUHU PONO ING PAMAWAS MIWAH LEBDO ING PITUTUR, SOHO INGKANG DHAHAT
KINABEKTEN;

- PORO PANGEMBAN PANGEMBATING PROJO DALAH SATRIYANING NAGARI MINONGKO PANDAM -

PANDOMING PORO KAWULO DASIH, SOHO INGKANG TANSAH TINULAT SINUDARSONO;

- DHUMATENG KELUARGO CALON BESAN NUWUN INGGIH PANJENENGANIPUN -

BP………………………… SEKALIYAN GARWO, TUWIN PORO GOTRAH KELUARGO INGKANG DHAHAT
KINURMATAN

- SUMRAMBAH DHUMATENG SAGUNG PORO ADI LENGGAH , LAN PORO RAWUH KAKUNG
SUMAWONO PUTRI INGKANG MBOTEN SAGET KAPIJI-PIJI, INGKANG TANSAH TINANGSULAN
TALINING PASEDHERE-AN.

SUMONGGO KITO TANSAH NGAGUNGAKEN ASMANING PANGERAN , KANTHI NGUNJUAKEN PUJO

LAN PUJI SYUKUR WONTEN NGARSANIPUN GUSTI INGKANG MOHO AGUNG ( ALLAH SWT )
INGKANG SAMPUN PARING SAKATHAHING KABERKAHAN, KAROHMATAN LAN KAWILUJENGAN
DHUMATENG KITO SEDOYO, SA HENGGO ING DINTEN PUNIKO KITO SAGET PEPANGGIHAN , LAN
KULO SEKELUARGO SAGET SOWAN WONTEN ING DALEM MRIKI KANTHI WILUJENG TANPO
MANGGIH ALANGAN SETUNGGAL PUNOPO,

SAKLAJENGIPUN , KULO KUMOWANTUN MATUR WONTEN NGARSANIPUN SAGUNG PORO

RAWAUH, KEPARENG NIGAS KAWURYAN NDHEREK NEPANGAKEN INGGIH NAMI KULO PUN ‘
NDOYO “ MINONGKO JEJERING SESULIH SAKING ATURIPUN KADANG KULO TARUNO/ADHI KULO,
NUWUN INGGIH BAPAK “ SUKIRNO SEKALIYAN GARWO ‘ SAKING DESA…. KEC. ……… KABUPATEN
……., DALAH SEDOYO BRAYAT KELUARGO INGKANG NDHEREK SOWAN WONTEN ING PAHARGYAN
MRIKI .

INGKANG SEPISAN, KULO SEKELUARGO NGATURAKEN SILATUROHMI SOHO SALAM TAKLIM MUGI
KATUR DHUMATENG PORO PINISEPUH LAN BAPAK / IBU CALON BESAN, SUMRAMBAH
DHUMATENG SAGUNG PORO RAWUH SEDOYO.

KAPING KALIH , SOWAN KULO ANAMUNG BADHE HAMASRAHAKEN CALON PINANGANTEN KAKUNG
NUN INGGIH NAK MAS “ ................. “ KALERES PUTRO PAMBAJENG SAKING BAPAK ……… , MUGI
KEPARENGO BAPAK………………………….. KERSOHO HANDHAUPAKEN KALIYAN INGKANG PUTRI
KINASIH INGKANG SESILIH NAK MAS AYU ………………………………………

KEJAWI SAKING PUNIKO UGI NYUWUN PANGESTU DHUMATENG PORO PINISEPUH LAN SEDOYO
PORO RAWUH , MUGI-MUGI SAK PARIPURNANING AKAD NIKAH, PUTRO PENGANTEN KEKALIH
TANSAH PIKANTUK KAWILUJENGAN TUWIN KARAHAYON, SAHINGGO ANGGENIPUN BADHE
LUMAMPAH WONTEN ING GESANG BEBRAYAN SAGET DADOSO JODHO INGKANG LANGGENG,
BAGYO MULYO, TENTREM GESANGIPUN, WILUJENG DONYO LAN AHERATIPUN;
SA-DERENGIPUN KULO PUNGKASI, KULO MINONGKO SESULIH SAKING KELUARGO SAKING
…………….., KEPARENG NDHEREK KINTU DHUMATENG BP. ……………………………. SEKALIYAN IBU
MINGGAHIPUN DHUMATENG SEDOYO PINISEPUH, GEGANDHENGAN PLUNAN KULO PUN
NAK ............, PUNIKO TASIH KAGOLONG LARE BODHO, BEBASAN CUBLUK HAMBALILU KOTHONG
ING SESEREPAN, PRAMILO SUMONGGO KEPARENG DIPUN PARINGONO WEWARAH, SESULUH,
PANGERTOSAN, TUWIN SESEREPAN, SUPADOS SA-MANGKE DADOSO PIYANTUN INGKANG SAGET
MIKOLEHI, MIGUNANI LAN MURAKABI TUMPRAMPING KELUWARGO, LAN MIGUNANI TUMRAPING
BEBRAYAN, SUMRAMBAH ING ALAM SESRAWUNGAN.

MEKATEN INGKANG SAGET KULO ATURAKEN , PURWO MADYO WASONO, MBOK MENAWI
WONTENG ATUR INGKANG KIRANG TUMOTO, LAN WONTEN KIRANGING TRAPSILO TUWIN
SUBOSITO , KULO TANSAH NYUWUN AGUNGING SAMUDRO PANGAKSAMI INGKANG MAWANTU-
WANTU,

BILLAHI TAUFIK WALHIDAYAH

WASSALAMUALAIKUM WR. WB , NUWUN