Assalamu’alaikum Wr. Wb
Bismillahirrohmanirrohim
Alhamdulillaahi robbil ‘aalamiin, wassholaatu wassalaamu ‘alaa
asyroofil anbiyaa-i wal mursaliin, nabiyyinaa wahabiibinaa
muhammadin, wa’ala alihi washahbihi aj’ma’iin, wa man tabi’ahum
biihsanin ilaa yaumiddin, Amma ba’du.
Dumatheng poro undangan sedoyo, ingkang kulo bakteni sumonggo
kito tansah ngunjukaken pujo lan puji syukur wonten dalem
ngarsanipun gusti Allah subehanahu wataala inggih kanthi rohmat lan
hidayahipun dumatheng kito sedoyo sahengga kita saged wonten ing
mriki kanthi slamet.
Lajeng kula aturaken sugeng rawuh dumatheng para undangan sedaya
ingkang sampun ing acara niki.
Par tamu sedaya ,kula lan keluarga nyuwun do’a restu kagengan puta
lan putri kula menika saged nglampahi acara paningset kanthi lancar.
Lan mugi mugi dipun paringaken rahmat ingkang katah saking gusti
Allah .
Para undangan sedaya ,cekap semanten atur kula ,kula ngaturaken
agunging pangapunten mbok bilih wonten kalepatan ing atur
pambagyo kulo.
Wassalamu’alaikum wr. Wb.
PASRAH PANINGSET
Assalamu’alaikum wr.wb.
Kula Nuwun,
Bp SUWARNO sekalian hingkang winengku hing pakurmatan.
Sowan kula dipun saroyo Bp MUNAJI kekalih, kadhawuhan matur
hing ngarsa panjenengan.
Atur hingkang kapisan, Kula hangaturaken salam wilujengipun Bp
SUWARNO kekalih,mugi katur Bp MUNAJI sekalian,sinartan
pamuji mugi Bp SUWARNO sakulawarga tansah hamanggyo suko
basuki.
Hingkang kaping kalih, Kadhawuhan hangantepaken rembag ingkang
sampun gumalong hanggenipun Bp MUNAJI kekalih,badhe mundut
mantu putra estri panjenengan pun SULISTYO WATI badhe
kajodhokaken kalian pun Bp SUWARNO anak jaleripun Bp
MUNAJI kekalih, Hingkang punika kula kadhawuhan haningseti
rembag sesambetanipun SULISTYO WATI kalian pun PRAMUDI
ASTOTO Kajawi punika kula ugi kasaroyo hangaturaken Abon-Abon
sawatawis minangka rerangkening paningset, mugi Bp MUNAJI
keparenga hanampi. Dene menggah kalajenganing lampah
jejodhoanipun lare kekalih punika kula hamung sumonggo hing
keparengipun Bp MUNAJI sekalian.
Dene minangka pungkaning atur kula, kula nyuwun pangapunten
sedaya kekirangan kula nalika kula matur saha sowan.
Sepisan malih kula nyuwun pangapunten.
Hing wasana cekap semanten atur kula,
Wassalamu’alaikum wr.wb.
NAMPI PANINGSET
Assalamu’alaikum wr.wb.
Bp SUWARNO hingkang winengku ing karahayon.
Wassalamu’alaikum wr.wb.