Pidato Basa Jawa : Acara Aqiqah

April 13, 2013 – by admin0

Pidato basa jawa mengangkat tema aqiqahm gunakan untuk menyambut pada
permulaan acara..

Assalamu’alaikum Warahmatullahi Wabarakaatuh.

Sedoyo undangan ingkang kulo hormati.

Langkung rumiyen monggo kulo lan panjenengan sedoyo senantiasa raos syukur
dumateng ngersanipun Allah swt. ingkang sampun maringi nikmat lan hidayahipun
sehinggo wakdal niki kito saget ndugeni undanganipun bapak;…. sekeluarga ing
dalem acara walimah aqiqoh.

Shalawat ugi salam, mugiyo tetep dipun paringaken dumanteng nabi kito
Muhammad saw., keluarganipun, poro sahabatipun lan sedoyo kaum muslimin
ingkang purun ngelampahi ajaran Islam kanti estu-estu lan leres. Mugiyo kito kelbet
umat beliau ingkang ngelampahi ajaran Islam kanti estu-estu lan leres.

Sedoyo undangan ingkang kulo hormati.

Ing wakdal wengi niki inggih meniko wengi ingkang kaping pitu saking kelahirane
nyogo ingkang kaping setunggal saking bapak

… lan saking ibu ingkang asmo;…..Lan saking raosipun syukur lan bingah dumateng
Allah swt. kulo lan panjenengan sedoyo wakdal niki dipun undang kaperlu
tasyakuran ing dalem acara aqiqohi nyogonipun.

Kito sedoyo kedah sumerep mbok beleh aqiqoh niki sunnat hukumipun. Kados
pengendikane nabi saw. wonten hadits riwayat Bukhari saking Salman bin Amar Adh
Dhahabi, ingkang artosipun:

“Saktemene anakiku nduweni hak diaqiqohi. Mongko kanggo

deweke tumpahno getih lan adohno marang penyakit saking

deweke (kelawan nyukur rambute).”

Semanten ugi ing dalem hadits riwayat Thirmidzi saking Aisyah radhiyallahu anhu
ngucap, saktemene nabi saw. ngendiko :

“Kanggo anak lanang iku disembelihno wadus akehe loro ingkang sami umure. Lan
kanggo anak wadon iku disembelihno wedus siji”.

Sedoyo undangan ingkang kulo hormati.

Mekaten kolo wahu sambutan kulo, kirang langkungi kulo nyu-wun agunge
pangapunten dumateng poro rawu sedoyo.

Akhirul Kalaam. Wassalamu’alaikum Warahmatullahi Wabarakaatuh.

Atur Pambagya Puputan Bayi
Sudah menjadi adat di kampung (kampung saya) kalau ada bayi lahir biasa ada acara ngéndhong,
setiap malam (bakda maghrib hingga bakda isya') tetangga sekitar berkumpul di rumah itu menemani
tirakatan orang tua si bayi. Untuk lebih khidmat biasanya diadakan pembacaan kitab al Barzanji. Hal
itu dilakukan hingga puputanyang umumnya pada malam ke tujuh atau kapan saja menurut
keinginan tuan rumah.

Pada malam puputan itu diadakan pesta (kenduren), pesertanya diundang dan nantinya dijamu
makan-makan dan dikasih brekat (makanan yang dibungkus besek atau kardus atau cething plastik).
Pada malam itu si bayi diberi nama, diadakan pembacaan al Barzanji dan pada saat srokal rambut
bayi dicukur. Setelah selesai berjanjen biasanya makan-makan, jika mampu aqiqah daging
kambingnya dihidangkan pada saat itu.

Sebelum acara dimulai sudah tentu harus ada yang ngomong di depan hadirin dulu, biasanya tuan
rumah minta tolong dengan berwakil kepada seseorang yang dipilih dan menyerahkan secarik kertas
bertuliskan nama bayi serta tanggal lahirnya. Selanjutnya yang diminta tolong tersebut tampil,
biasanya tetap dalam posisi duduk, lalu ngomong, misalnya begini:

Assalamualaikum wr.wb
( ayat )

Dhumateng panjenenganipun para sepuh, para sesepuh, saha para pinisepuh, ingkang tuhu
kinurmatan,
panjenenganipun ........... ingkang pantes pinundhi,
panjenenganipun ........... ingkang kula mulyaaken,
panjenenganipun ........... ingkang kinurmatan,
miwah sedaya para rawuh para pilenggah, sepuh miwah anem, ingkang tansah winantu ing bagya
mulya.
sugeng rawuh, wilujeng dalu, sugeng pepanggihan, lan sugeng lelenggahan.

Langkung rumiyin, mangga kula panjenengan ngonjukaken raos syukur dhumateng ngarsa dalem
Allah SWT, karana sih rohmat tuwin barokahipun ingkang sampun kaparingaken dhumateng
panjenengan sedaya lan kula, sahengga ing menika wekdal kula panjenengan sedaya saged
makempal wonten menika papan kanthi pinaringan karaharjan lan kawilujengan, mboten manggih
alangan setunggal menapa.
Pramila saking menika sumangga nuwun kula dherekaken sesarengan ngikroraken raos syukur
menika kanthi sesarengan maos kalimah tahmid "alhamdulillahirobbil'alamin."
Shalawat lan salam mugi tansah lumintu lumintir dhumateng titah linangkung ingkang dados panutan
patuladhan kula panjenengan sedaya, nuwun inggih Sang Nabi Agung Muhammad SAW ingkang
kula panjenengan antu-antu syafa'atipun wonten yaumil qiyamah. Allahumma amin.

Hadlirin ingkang tuhu kinurmatan, keparenga ing ngriki kula sumela atur nggempil kamardhikan
panjenengan sawetawis,
Ing ngriki kula minangkani kadang kula, nuwun inggih Bp............. gotrah kulawarga, keparengna
matur menapa ingkang dados wigatosing gati ing titi kalenggahan menika.

Purwaning atur, Bp ............ dalasan kulawarga, ngaturaken sugeng rawuh dhumateng panjenengan
sedaya, sinartan agunging panuwun ingkang tanpa upami, awit panjenengan sedaya sampun sami
kepareng ndhanganaken penggalih saha nglonggaraken wekdal saperlu ngrawuhi menapa ingkang
dados panyuwunipun. Mugi-mugi rawuh panjenengan sedaya menika kalebetna ngamal soleh
ingkang pikantuk piwales kesaenan saking ngarsa dalem Allah SWT kanthi matikel-tikel. Allahumma
amin.

Dene wonten ing wekdal ndalu menika Bp.................... dalasan kulawarga, badhe nglairaken raos
syukur utawi tasyakkuran, awit ing titi kalenggahan menika ngraosaken agunging kabingahan nampi
nugrahaning Gusti arupi putra utawi momongan.
Para rawuh para pilenggah ingkang tuhu kinurmatan, keparenga atur uninga, bilih awit saking welas
asihing Gusti Ingkang Maha Agung, Allah SWT, saha berkah pendonga panjenengan sedaya,
Bp............ sekaliyan pinaringan momongan utawi putra, ingkang mijil ..kakung.. rikala dinten
......(Senen Kliwon).................., tanggal ...21..,..Juli.....,.2011..... kanthi manggih wilujeng tanpa
alangan setunggal menapa.

Dene putra ingkang angka ...... menika dening ..Bp....... sekaliyan dipun paringi tetenger .................

Ewa semanten, .....Bp..... dalasan kulawarga, tasih badhe nggresahi malih dhumateng panjenengan
sedaya, nuwun inggih nyuwun ugungan tumrap tambahing pendonga puja-puji pangastuti, mugi-mugi
putra ingkang nembe lair menika tansah pinaringan nugrahaning Gusti Ingkang Maha Kuwaos, Allah
SWT, mugi-mugi dados lare ingkang sae, lare ingkang sholih, lare ingkang bektos dhumateng tiyang
sepuhipun, mugi-mugi ing tembe dadosa tiyang ingkang migunani dhateng bebrayan, migunani
dhateng masyarakat, minggahipun dhateng nusa, bangsa lan agami, allahumma amin.

Wondene panjenengan sedaya karawuhaken ing papan menika, badhe kasuwun barokahipun, maos
shalawat al Barzanji saha barokah donganipun.
Dene minangka ingkang mbawani samangke badhe kasuwunaken dhumateng ............,
lan minangka pambukanipun kasuwun barokah fatihah dhumateng panjenenganipun Bp ..............
saha barokah imam donga kasuwunaken dhumateng panjenenganipun ................

Ananging sanget ndadosaken kuciwaning penggalih, dene ...Bp...... dalasan kulawarga mboten
saget atur papan pilenggahan ingkang sarana sekeca, menapa dene pasugatan ing mangke ingkang
sanget sarwa kirang mahanani, pramila saking menika ...Bp.... sakulawarga, tansah nyuwun
agunging pangaksama panjenengan sedaya.

Dene kula pribadhi, mbokbilih wonten kiranging trapsila lan subasita, menapa dene anggenipun matur
wonten kekirangan saha kalepatanipun, mugi keparenga panjenengan sedaya hangluberaken
agunging samodra pangaksami.

Ing wasana kula akhiri, billahittaufiq walhidayah, wassalamu'alaikum wr.wb.

-----
Dhumateng panjenenganipun Bp........... kula sumanggaaken, nuwun.