Assalamualaiku wr, wb

Ashabul afadil, para alim ulama wa nahussu bi dzikri salerana se mulje ustad
ahmadi az-zahra se badan kaule ta’dzimi jugen se badan kaule tho’ati sadeje alim
ulama se badan kaule amuljeagi.
Para rabu, para seppo, para anom, muslimin mustimat sejugen badan kaule
amuljeagi.
Ator kabidhen, rassa cek parjugena ngatorragi poji sokkor de’ ajunan epon guste
Allah SWT. Se ka’dimma kalaben ridha, petodhu, tor belas epon Allah, badan
kaule sadeje ka ganjher nikmat sehat, ka ganjher nikmat sempat, saenggana
kalaben badana nikmat se duwe’ badan kaule sadaja sobonglaen bisa nyambadheni
settong tareka enggi ka’dinto haflatul imtihan madaris darul ittihad. Se kaduwe’
kale epon, shalawat tor salam epon Allah malar moge teteppe tebha de’
pongkasanna para nabi, pongkasanna para rasul enggi ka’dinto guste kanjeng nabi
Muhammad SAW. se ampon ngasteng badan kaule sadaja minaddzulumati ilannur
(dhari alam se petteng nojju de’ ka alam se tera’)
Para seppo, para anom, muslimin muslimat se badan kaule muljeagi tareka se
badhi kalampan e baja malem are mangken ka’dinto 1 tareka kabidhen.
Esosol tareka se kapeng duwe’ enggi ka’dinto tahfidzul qur’an
Tareka se kapeng tello’ dedebun-dedebun
Prosesi wisuda minangka tarteb epon tareka se kapeng empa’
Tareka sekapeg lema’ sholawat kiyam , tarekah se kapeng 6 ceramah agama,
Doa minangka tareka se kapeng petto’
Tareka se keng bingkeng enggi ka’dinto pengumuman ranking sareng penobatan
tauladan
Para seppo, para anom, undangan muslimin muslimat se badan kaule amuljeagi
ngereng tareka emalam mangken ka’dinto kabidhi kalaban pamaosan Al-fatihah
Mator sakalangkong Malar moge kalaban badana pamaosan al-fatihah ka’dinto
Acara emalam mangken ajelen kalaban samporna amin
Tareka se kapeng duwe’ enggi ka’dinto tahfidzul qur’an se badhi eatorragi sareng
muthi’ah zahro kalaben cakanca bekto ka ator
Mator sakalangkong malar moge se maos jugen se mearsaagi kengenga ganjheren
deri ajunan epon Allah SWT. Amin
Aterrossagi sareng tareka se kapeng tello’ enggii ka’dinto dedebun-dedebun ketua
panitia se badhi e atorragi sareng ustad santoso
De’ salerana se mulje bekto tor tempat ka ator
Mator sakalangkong , Ator tareka se kapeng empa’ enggi ka’dinto prosesi wisuda
se badhi epandu sareng ustadzah suhaida
De’ se ka puppuen bekto ka ator
Ator tareka se kapeng lema’ enggi ka’dinto mauidhah hasanah sareng do’a se
badhi e dhebuaki sareng salerana se molje KH.BACHRUL WIDAD minangka
pengasuh PP.AL-BUSTAN e erengi kalaben sholawat kiyam, se bedhi e maos
sareng u.santoso
Da’ka salerana se molja KH.Bachrul Widad bekto tor tempat kaator
Mator sakalangkong

Ator tareka se kapeng ennemenggi ka’dinto penobatan siswa tauladan sareng

rangking kelas se badhi epandu sareng ustadzah robi’atul adawiyah bekto ka ator
Mator sakalangkong, ator tareka se keng bingkeng enggi ka’dinto pamaosan do’a
se badhi eseppoe sareng …….
De’ ka salerana se mulje bekto tor tempat ka ator
Saka’dinto tareka se ampon kalampa e beje malem are mangken, malar moge a
deddiagiyeh kasampornaan odhi’ se lebbi sae monggu badan kaule sadeje. Badan
kaule pranata semo ebeje malem mangken ka’dinto, korang langkong epon
nyo’ona sapora
Akher epon pamator, ihdinasshirathal mustaqim
Wallahul muwaffiq ila aqwamitthariq , wassalamualaikum, wr, wb