Bismillaahirrahmanirrahiim…

Assalamu’alaikum wr.wb.

Alhamdulillahilladzii an’ama ‘alaina bini’matil iman wal islam

washolatu wassalamu ‘ala asrofil anbiyai wal mursalin, Sayyidina Muhammad wa ‘ala alihi wasohbihi ajma’in. amma ba’du
qalallahu subhanahu wa ta’ala fil qur’anil karim
a’udzubillahi minasysyaithonirrojiim “ yaa ayyuhallaziina aamanu izaa qumtum ilash-sholaati faghsiluu wujuuhakum wa
aidiyakum ilal maraafiqii wamsahuu biru’uusikum wa arjulakum ilal ka’baiyn…”
sadaqallahul’adziim wabalagha rasuulunnabiyyul kariim wa nahnu ‘alaa dzaalika minasy-syaahidin walhamdulillaahi robbil
aalamiin.

Ma’asyiral muslimin rahimakumullaah, hamdan wasyukran Lillaah, sholatan wasalaaman ‘alaa Rasuulillaah
Sininna tau mateppena Puang Allahu Ta’alaa iya engkae ripakalebbi nennia riammasei Puang Allah Ta’alaa,
asukkurukeng si tenrigangka rilalenna iye wettu mabbarakkae nasaba engkana Puang Allah Ta’alaa werengsiki cenning
ati na topada engka tudang maddeppungeng pangoloi rupatta, pangoloi ati mapaccingta lao ri Puang seuwa e iyanaritu
Puang Allah Ta’alaa.

Apalagi ini subuh jum’at luar biasa.

Riwettunna sahabatna Nabitta Muhammad SAW. Narekko subuh i jumat naggangka bolei hadere untuk hadereki iye
sempajang berejama juma’e. bahkan tau butae gora “ ee renrengka kesi, renrengka! Meloka lokka mabberejama subuh”
tau buta iye gora. Onrong lebbi’na yaseng e sempajang berejama’ jumat ri subuhna jumat. Magai? Engka yaseng e sujud
tilawah. Nulle ro engka makkutana manengka wekka tellu tettong taue, berarti tellu rakaat ro. De natellu rakaat, nasaba
iyapa naribilang tellu rakaat narekko engka ruku’na. na iyaro onnang e de to ruku’, langsungki matterru sujud. Uppanna
iyero nasujud ki? Narekko ribacai ayat-ayat sajdah, engka yaseng e ritella ayat-ayat sajdah rilalenna qur’an e engka 15
onrong. Manessa mato tu ako mengajiki teppa engka kuro wirinna diase, engkato qur’an diawana. Jadi namo
mattenngakki tudang-tudang mengaji na takko irattei iyaro ayat sajdah, risunnakengi sujud!
Jadi iyanaro narekko sujudki, luar biasa. Benneng e riengkalingai setang e kerra’ mabbettang langi “ wiiii.. ennajang pa
iya’, acilakangeppa iya’. Magai? Umma’na Muhammad isuroi sujud e sujud i. iya’ isuroka sujud deulo usujud.” Pa iyatu
iblis e biasa ro wettue disuro sujud ri Pangulutta Nabi Adam AS, ai cea ulu cea aje. Matojo allekkke’na matojo ellonna
pacuku rupanna. Iyatona ro nassabari naripassu pole ri suruga. Jaji iyanaro narekko subuh jumat I kerra I iblis mitai
umma’na Muhammad disuroi sujud ri Puang Allah Ta’alaa sujud tongeng i.
Jadi asukkurukeng tenri gangka engkae hadere rilalenna iye subuh mabbarakka’e.

Hadirin yang dimuliakan dan dirahmati oleh Allah SWT. Ayat ubacangekki denre ripammulanna adae, rimakkadanna
Puang Allah Ta’alaa “ Yaa ayyuhallaziina aamanuu, e..sininna wawang mateppe! Wawang mateppe e si ritampai. Tau
mateppe teganaro? Tau mateppe iya mangakui makkada Puang Allah Ta’alaa pancajiki, Puang Allah Ta’alaa merengki
dalle. Narekko Puang Allah Ta’ala mobbiki denawedding tenri jawab panggilanna, yarega ri hadiriwi undanganna.
Tennaobbi bawammi tu Puang Allah Ta’ala.
“ idzaa qumtum ilash-sholaat, narekko meloki tettongeng I sempajang e,
faghsiluu wujuuhakum, pada bissaiwi rupammu tu mennang,
wa aidiyakum ilal maraafiqii, nennia duae paleppo limammu gangka duae sikku,
wamsahuu biru’uusikum, nennia sapui sesanna ulummu,
wa arjulakum ilal ka’baiyni, nennia bissaiwi duae ajemu gangka duae kaci kaci atau dua mata kaki.”

Jadi pole kuae ayat e merupakan i parentah pole ri Puang Allah Ta’ala, makkada idi tau mateppe e narekko meloki
massempajang ri suroki jolo bissai dalam arti kata ri suroki majjenne’. Jadi wenni riolo, atau subuh maddiolo ri subuh
maduana uleng ramalang, ripannessangekki makkada iyaro appepaccing e ritujunna haddese’ tabbage duai haddese’
battoa nennia haddese’ baiccu. Narekko haddese’ battoaki ripalesangi nasaba cemme, iyarega ripaccingiwi nasaba
cemme. Iyatosi narekko haddesekeng biccu ki, ripalesangi nasaba jenne. Iyena engkae melo ribicara. Jaji makkutoparo
pentingna, narekko iritai ayat e merupakan i parentaha Puang Allah Ta’ala, naiyaro Parentahna Puang Allah Ta’ala tentu
merupakan I kewajiban. Mancaji syarat sah na to sempajang e.
Makkadai Nabitta Muhammad SAW “ laa yaqbalullahu sholaata ahadikum idza ahdatsa hatta yatawadzzho” dee naterimai
sempajanna sala seuwammu tu mennang, denatarimai Puang Allah Ta’ala sempajanna sala seuwammu tu mennang
narekko ahaddesekengi gangka majjenne na. iya narekko massempajangi na de tomajjenne, ala masia sia de naiterima
sempajang e. majjenneki lagi denamakessing sara’-sara’na de na essah, de nariterima sempajang e. iyanae parellu to
riperhatikan.

Hadirin yang dimuliakan dan dirahmati oleh Allah SWT, naiya rukunna jenne e 6, netppue Puang Allah Ta’ala ilalenna
qur’an e 4 mi. iyaro 2 e kesepakatanna topanrita ta tetapi berdasarkan toi pole haddese’na Nabitta. Yang pertama
rukunna jenne e iyanaritu niat. Magi nataroi niat Nabitta? Nataroi anregurutta yarega topanrita ta, nasaba malai dasar oko
hadist na Nabitta “ innamal a’maalu binniyaat” majeppu sininna gau gau madeceng e taggattung I pole ri niatna. Iyanaro
nataroi niat pammulanna.
rukun maduana iyanaritu ribissai rupae. Yaseng e rupa mappammula yako mabbicara pole yaseki mappammula yaro
nacokkorie gemme lettu riyawa nacokkorie janggut. Akkalerapangemmi iye apa makkada amma tosi makkunraie iya
degaga janggo ku. Rekko mabbicara pole benreng ki, pole ri doccili beccue atau gangka ri doccili beccue abio, parellui
marica maneng iyaro. Uppannna majjenneki na denamarica, dena essah jenne ta. Apa engka to tu tau majjenne teppa
nasapu pole yolo bawammi, de namarica benrenna. Ta perhatikan jadi makkalu iyaro jarie. Yang ketiga “ wa aidiyakum ilal
maraafiqii, duae jarimmu gangka duae sikku” marica manengpah iyaro. Makkadai Puang Allah Ta’ala “bissaiwi duae
jarimmu gangka duae sikku”. Yang ke empat,”wamsahuu biru’uusikum, sapui sesanna ulummu” koe sesannae berbeda
pendapat I topanrita ta. Engka makkada namaksud Puang Allah Ta’ala yaseng e ulu iyamanenna nacokkorie gemme.
Pangulutta imam malik narekko majjenne I nasapu maneng I ulunna. Yatosi ko anregurutta imam asy-syafi’I makkadai
sesanna yaseng e sesanna yaa sebagian. Engka to makkada sesanna seperdua jadi seperdua nabissai. Yatosi imam
asy-syafi’I assaleng engkana. Imam asy-syafi’I minimal narekko ibissai uwae narekko marica ni minimal 3 helai rambut
essa nit uh. Iyana rekko majjenneki na denawedding oko yasena linrota denamarigaga ko benreng ibissai. Ato
umpamanya puraki majjakka na demelo isolangi yaro gemmeta demagaga kuro munrinna dibissai. Yang penting iyaro
yaseng e ulu iyaro nacokkorie gemme minimal 3 helai rambut. Yang kelima “ wa arjulakum ilal ka’baiyni, ibissawi duae aje
gangka duae kaci kaci”. Jaji parellu manengi marica iye. Parellu tokki manini narekko ribiissai aje mabiasa laddetu rijempo
pole yoloi, na engkatu rimunrinna kaci kacie makalebbong biasa ladde de nakennai uwae. Gangkanna pura narampe
Nabitta ri pabbettuanna makkada “ wee… egapa kaci kaci tama ranaka, egapa amputu tama ranaka” jadi ako tamai
amputue ranaka tidak mungkin to tu amputu bawang tama ranaka apa maselengki tu ako engka amputu jokka jokka.
Bettuanna ada narekko tama amputuna ranaka tama toi taunna. Parelluki manini iye ku ibissai ajeta, biasa ladde kejadian
ijempoi pole yolomi de naperhatikan imunrinna kaci kacinna yarega amputuna.
Hadirin yang dimuliakan dan dirahmati oleh Allah SWT. Yang ke enam iyanaritu tertib. Dipaddioloi ya maddioloe,
diaddimonri ya maddiimonrie. Iyanaritu yako ritai sepintas lalu, agaje yaro jenne ro, magi nappakkuaro? Tetapi karena
parentahna Puang Allah Ta’ala rekko engka teppe,engka nakandung ilalenna iyaro jenne e ro. Pa narekko loki mabbicara
akkaleng, manengka Puang Allah Ta’ala nasuroki bissai jaritta na mega lebbi weddingpa dibissai daripada iyaro, maega
lebih maja pah baunna namagi iyaro nasuruhki Puang Allah Ta’ala bissaiwi. Magi de namakkada Puang Allah Ta’ala
bissai alepa’mu! Aniyaro alepa’e biasa makecci, magi tenna iyaro dibissai?

Hadirin yang dimuliakan Allah, mabbiasa narekko keluar anginki, mettuki. Ori e mettu magi na jaritta disuroki bissaiwi?
Magi na rupatta? Jadi tennia metto akkaleng dipake okkoe, memang keyakinan. Iyanaro onnange napammulai Puang
Allah Ta’ala ayatna Nasaba “ Yaa ayyuhalladziina aamanu, e..sininna tau mateppe e, narekko mateppeko, ku loko
massempajang bissaiwi iye”.
Hadirin yang dimuliakan dan dirahmati oleh Allah, na ako Puang Allah Ta’ala mapparentah, rekko melo mi rikaji melo mi ri
ranna-ranna melo ilatte-latte iyaro persoalanna jenne e, oooh luar biasa engkae terkandung rilalenna jenne e.

Sininna tomatoa mallebbiki nennia silessureng malebbiki pada engkae riammasei ri Puang Allah Ta’ala, engka na engka
Nabitta musim gugur I,musim kemarau. Yaku kemarau biasa pong aju kajung maddunu daunna. Massu’I Nabitta mala
take aju kajung nappa nareng contoh sahabatna makkada “e.. sahabatku, narekko majjenne I rupa tau, malollo lollo I tu
dosana, rontok ki dosana, gugur I dosana padatoha gugurna daunna iye pong aju kajung e.” jadi ku loki mabbicara lisu
siki ko pammulang e makkada iyaro jenne e tenia lahireng ta bawang napaccingi, ternyata batinna napaccingi toi.
Ternyata dosata nagugurkan toi, iiyanaro passabareng na disuroki pammulai bissai jaritta. Iyanaro jaritta mancaji paleppo
lima tennia to wajib,sunna’mi. iyapatu nawajib ribissai rupatta massamang I sibawa niatta.
Jadi pertama-tama majjenneki riolo tettamana iyaro parellunna onnange 6 e, yaseng e parellu narekko engka manenni
iyaro essani jenne e, dena ibissai lainge. Kebetulan I ple makurangi wae na tomajjenne langsungni rupatta, ajana dibissai
jaritta, ajana ta mattaliommo pa makurang wae. Iyamiro onna 6 e wajib, sesa’e sunnah manemmi. Bettuanna ada narekko
deto naribissai deto manah na dena essah jenneta. Tapi risunnakengi, mappammula ribissai paleppo limae tette matoi tu
diniakeng, uniakeng pegaui sunna’na jenne. Disunnakengi tu riolona jenne e bissai jaritta, risunnakengi mattalimommo
bissai timutta. Nakajiwi topanrita ta “ooh ternyata engka hikmahna” saba iyatu wae ripake majjenne iyapa na essah
nasaba engka tu rupa rupanna wae. Engka yaseng air mutlak, yaseng e air mutlak iyanaritu wae mapaccing nennia
wedding ripake mappepaccing. Engka to wae mapaccing tapi denawedding ripake mappepaccing nasaba sicampuruni
sibawa benda-benda mapaccing lainge, pada-padanna the,kopi,susu. Engkato riaseng air mutanajis, iyanaritu wae
engkae tatteppa rilalenna najis. Jadi iyaro air mutanajis narekko ceddei dema natteppa riabbeang. Engka riaseng ribissai
wae e nasaba wae. Pekkoi carana ribissai? Narekko umpamanya natamai najis na ceddemi,ritambai wi. Assaleng deto
natappinra warnana,baunna nenniya rasana,weddinni ripake majjenne. Engkato riaseng air musta’mal, iyanaritu wae ako
purani ripake mappepaccing dena wedding ripake paimeng.

Hadirin yang dirahmati dan dimuliakan Allah, jadi lisu siki paimeng makkada magi na ribissai jaritta, melo irita makkada
mapaccing moga? Detoga natappinra warnana, rasana, baunna. Isuroki putamai bissai timutta, detoga na makalaing laing
rasana. Ku makalaing laing aja memenna ipateru jenneta. Nasuruhki putamai ko inge ta melo risseng makkada detogah
na makalaing laing baunna, ko makalaing laing memenni ajana tapakei majjenne. Iyanaro hikmahna. Nappani narekko
purani, iyanaro wajib e ribissai rupatta.
Hadirin yang dirahmati Allah SWT, jadi iyaro onnange narekko majjenneki silollokengi dosana sininna lanro ale engkae
ribissai riwettutta majjenne. Iyatu ku majjenneki engka tu malaikat pallebba I panni’na. tetapi narekko mattengakki
majjenne na maccerita tokki, malekka I malaikat e. majjenne ki aja ta maccerita, aja ta mabbicara. gangkanna nataroi
anregurutta topanritae engka makkada tennia je sunnah iyaro, tapi masaro lebbi’,makessing daripada maccerita salahki.
Rekko ribissaini jaritta riibacani “allahumma inni a’udzubika mimma’a fii kulliha” riettokengi rilalenna atitta makkada “o
Puang, majjenneka Puang. Engkai jarikku Puang,aderennami nakkarawa na de nakkarawa dosa” nasaba iya jarie
anggota badan paling sibuk kedua setelah jantung, pa jantung e denengka na istirahat. Apana kalo istirahatni o mate toni
tu. Iye jarie poncona baca, meloki maroki pake jari, meloki manre pake jari, meloki mabbissa pake jari. Bahkan matinroki
denapaja jarie lele jokka jokka.
Jadi iyenaro narekko majjenneki, narampei seddie hadist makkada narekko majjenne taue nalollorengitu sininna dosana
jarie iya engka purae napegau. Iyanaro passabareng na nasuroki Puang Allah Ta’ala bissaiwi jaritta. Ibissaiwi timutta
“e..Puang engkai timukkue aderennami nannenna na denanenna dosa “Allahumma inni ‘ala dzikrika wa syukrika wa husni
ibaadatik”. Ibissai ingeta “Allahumma arihnii raaihatal jannat” “e..Puang Tawerekka kesi kesempatan memmau I baunna
suruga.”

Hadirin yang dirahmmati dan dimuliakan Allah SWT, ibissaini rupatta, tamaniro ku wajib e. massamangi sibawa niatna.
Narekko majjenne ki de tomanniat, de naessah jenneta. Yalana na waie melo ribissai rupatta ribacani “Nawaitul Wudlu’a
liraf’ll hadatsiil ashghori lillaahi ta’aalaa” diisamping risapu rupatta, metto rilalenna atitta, niatna risambung nasaba
parellau doa “Allahumma bayyid wajhi yauma tabyaddu wujuh wa taswaddu wujuh” “e.. Puang, ta paputei kesi tappaku
riesso maputena tappae nenniya riesso mabolonna tappae”. Nasaba magi? Matu ko esso rimunrinna Puang Allah Ta’ala
ripatokkongi rupa taue riengkana maddupa-rupang. Engka tau ripatokkong rigau engkana bolong keppu. Engka to
ripatokkong mabbetti betti. Engka to ripatokkong mapute. Iyanaro riellau ri Puang Allah Ta’ala.
Sahabatna Nabitta Muhammad SAW engka na engka nakkutana. “e.. surona Allah Ta’ala, iga umma’ mu sahabatmu tentu
muisseng tanraiki pa muitaki. Magani kira-kira yaro umma’mu engkae tappole matu ricappa wettu termasuk I denengka
naitai Nabitta. Pekku carana muisseng tanraiwi makkada umma’ku to iye?” aga naseng Nabitta?
“inna ummati ya’duuna yaumal qiyaamati ghurran muhajjaliina miin atsaaril wuduu” “majeppunna umma’ku ri esso
rimunrinna Puang Allah Ta’ala takkappoi rigau engkana maccayya lanro alena pole ri jenne na.” jadi sininna lanro ale
engkae nakenna jenne maccahaya manengtu matu ri esso rimunrinna Puang Allah Ta’ala. Iyaro na makkada narekko
yulle palampeki, palampeki cahayana, taro laloi napalampeki. Bettuanna ada onnange makkadaki bissai jari gangka sikku,
ko wedding naliwengi cede sikkuta. Ibissaiwi aje gangka gaci gacitta ko wedding lettu witi ta. Bara pede maegai, pede
maloppo toi cahayana pede matajangi gangkanna naisseng Nabitta “ooh umma’ku to iye”

Hadirin yang dimuliakan dan dirahmati Allah SWT,

Ibissaiwi ulutta, yettokengi lalenna ati “Allahumma harrim sya’rii wa basyarii ‘alannaar” e..Puang, ta harangeng I buluku
nenniya uliku pole ri apinna ranaka.
Hadirin yang dimuliakan dan dirahmati Allah SWT, riettokeng toi rilalenna ati makkada “e..Puang Ubissai ulukku, iyaro
ulukku engka kurilalenna otakku. Mammuare iye fikiranku sitembus ilalenna atikku, iyaro rota engkae purae nafikkiriki
tapaccingi kesi dosana fikiranku sitembus I mattama ilalenna atikku”
Hadirin yang dirahmati Allah, irippekini ceritae. Ibissaiwi atie, ibissai doccilie. “e.. Puang, ubissaiwi doccilikku, tapaccingi
kesi sininna dosa pura engkae napegau”
Jakki engka makkada “agatosi dosana doccilie na deto nengka nakedo kedo”. Detu na iyamanenna yengkalingae hallala
maneng yangkalinga. Pa igana missengi maccerita rimunri taue teppa engka tokki pasang antenata kuro,dosa to tu.
Apalagi kalo mappattongeng toki “ooh iyo makkumemeng roo” padahal derissengi,au dosa maneng iyaro. Engka to tu
mabbali ekkaju, tennia alena dewa ada alena mette mappattongeng na denissengi, dosa.
Ibissaiwi ajeta “e..Puang engkai ajeku aderennami najokka na denajokka ridosae. Palollorengi kesi sininna dosa engkae
purae napegau iye ajeku Puang” yarega yettokengi atitta “e..Puang, tapakkasse’I ajeku matu mallete riase’na jembatan
shiratal mustaqim.”

Hadirin yang dimuliakan dan dirahmati oleh Allah SWT. Jadi luar biasa iye jenne e,parentahna Puang Allah Ta’ala
memang mengandung narekko melo mopi latte-latte I egana hikmah. Salah satu diantarana, seddie tau nakennae peddi
mata, Al Junaid Al Baghdadi asenna. Naparessai dottoro’e aganaseng dottoro’e “hei al junaid, iye matammu denawedding
nakenna wae,uppanna nakenna wae paja salama”. Tetapi Al Junaid Al Baghdadi tau mateppe. Narekko parentahna rupa
taue massamangi sibawa parentahna Puang Allah Ta’ala, paddioloi parentahna Puang Allah Ta’ala. Rekko parentahna
dottoro e aja mupakennai wae, dottoro e rupa taumi. Tapi narekko Puang Allah Ta’ala makkada ajjenneko, parentahna
Puang Allah Ta’ala. Narapi medde dottoro’e, tamai wettue. Keyakinanna Junaid Al Baghdadi, denapikkirikki adanna
dottoro’. Malai wae jenne napakessingi jenne na pada toha onnange purae dirampe, napamettkengi laleng atinna
makkada parentahna Puang Allah Ta’ala pasti engka hikmahna.
Purana majjenne,purai massempajang na matinro,moto I majjappai matanna. Sisenna engkai dottoro e heran “manengka
teppa sembuh silalona? Ako witai yolo yolona ro matammu na de je gaga harapan, na iye luar biasa” memerlukan waktu
yang cukup lama untuk penyembuhan, tapi dalam jangka sekejap saja manengka teppa wedding? Aga passabareng?
Alhamdulillah, barakka’na jenne e. Puang Allah Ta’ala napajjappai matakku. Kebetulan iyaro dottoro’e tennia
selleng,barakka’na iyaro onnae naiitai kejadian pajai matanna Al Baghdadi nassabari dottoro’e tamai selleng. Luar biasa
iye.

Yaku mabbicara dottoro’ki, desedding natama akkaleng. Tapi ternyata Puangna Junaid Al Baghdadi, perintahnya luar
biasa.

Jadi hadiirin yang dirahmati Allah, iyanae onnange appepaccing ritujunna haddese’ biccu, disamping nalollokengi rota rota
biccuta makkutoparo nalollorengki sininna dosa dosa lanro alewe purae engkae napegau nasaba engkana ripapole
parentahna Puang Allah Ta’ala, iyanatu berupa jenne’.

Utnuk sementara rilalenna iye wettu mabbarakkae sikumiro udapi mala ada assiparengerrangeng, mammuare
mabbarakka lao ri idi maneng. Lebih dan kurangnya mohon di maafkan,wassalamu’alaikum wr.wb.